Lumans 4:6 - The New Testament in the Babanki language

⁶ Devìt ə mbe ngaʼa to kənyʉ̀ na kènkə ando ghə̀ ə ngaʼa kumə mbwaʼmə yì a Nyìngòŋ ə ku a wìʼ azhʉ̀ a ghə̀ lyɨ̀ wen a wù kənyʉ̀ kətɨməkə ko andiʼ la ghə̀ shyèʼ kənyʉ̀. Ghə̀ ə ngàʼa la:

Lumans 4:6 Iomraidhean Croise

Matìyò 25:19

Tì shwèʼ ayì tsi no alə̀, lù bwènə̀ pfwo dzàŋtə̀ vəwenə ndi zhʉ la vəwenə tə zhʉsə shwèʼ nə̀ ko wen yi ale lo.

Lumans 1:17

Ntɨm ə jùŋ ə̀ diʼi bayn a ji yì a Nyìngòŋ ə nə̀ lyɨ viʼi a viʼi kənyʉ̀ kə tɨməkə fa tsu. Ghə̀ nè alə̀ chò fa ə vəghəŋ a əbyɨmə, kənyʉ̀ kə tsen ko be boʼsə tsu, to ndə̀ŋndəŋ ando və nyoʼ a Ŋwàʼlə̀ Nyìngòŋ la, “Viʼi vi a və diʼ viʼi kənyʉ̀ kətɨməkə byìʼì byɨmə ə vəwenə lu kiʼi əbwòŋ yì a ghə̀ ko lu mè.”

Lumans 3:27

Kə le diʼi la wìʼ zizi ko ghə̀ be ghaŋsə ə wen luwen byìʼì gho? Əghaŋsə ə wen ə ko be kiʼi kəshi. Ghə̀ ko be kiʼi kəshi byìʼì ando wìʼ ko bwòŋə byìʼì shyèʼ wen. Ghə̀ bwòŋ byìʼì ə byɨmə.

Lumans 4:11

Və ə shɨtə ndyə̀ wen to a nchwi ə diʼ la Nyìngòŋ ə lyɨ̀ li wen a wù kənyʉ̀ kətɨməkə. Ghə̀ lyɨ wen a wù kənyʉ̀ kətɨməkə byìʼì byɨmə yì a ghə̀ nkiʼi. Kə fʉ̀ alə ndi ghə̀ ndiʼ tìʼ a viʼi vyi a və byɨmə, Nyìngòŋ ə boŋ lyɨ̀ və wen a viʼi kənyʉ̀ kətɨməkə byìʼì byɨmə ə vəwenə a ko ndiʼ la və shɨtə a diʼ ndyə̀ vəwenə.

Lumans 4:24

Və mbe nyòʼ a vəghəŋ vyi a və byɨmə Nyìngòŋ yi a ghə̀ nlùsə Bobo vəghəŋ Yesò fa pfʉ.

Lumans 4:5

A ne Nyìngòŋ la viʼi və byɨvə ndiʼ viʼi kənyʉ̀ kətɨməkə. Nyìngòŋ nə̀ dyʉ̀ a wìʼ yi a ghə̀ faŋ kò ghə̀ lə ne shyèʼ ali mu ghə̀ byɨmə li kənyʉ̀ ki a ghə̀ ne a wen, ghə̀ lyɨ̀ wen a wù tɨmə byìʼì əbyɨmə ə wen.

Lumans 4:7

“Njùŋ diʼ a wìʼ yi a Nyìngòŋ ə lyesə li ə nyʉ̀ byɨvə wen ə shʉ̀ mbyɨsə wen.

Lumans 4:9

Njùŋ a ghèn a Devìt ngaʼa kodiʼ to a viʼi Jus, ghə̀ mbe diʼ a viʼi ətɨm. Kə diʼ to ndə̀ŋndəŋ ando və nyoʼ li a Ŋwàʼlə̀ Nyìngòŋ la, “Ablaham ə byɨmə li Nyìngòŋ, ghə̀ lyɨ̀ wen a wù kənyʉ̀ kətɨməkə.”

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Gàlesìyà 3:14

Klistò ə nè alə ndiʼ mbwàʼsə̀ yì a Nyìngòŋ ə ghʉ li a Ablaham, boŋ ə dyʉ̀ a viʼi a ko diʼ viʼi Jus. Ghə̀ ə nè alə ndiʼ əbyɨmə ə vəghəŋ nè vəghəŋ boŋ kiʼi Kəzhwì kə Ŋwoʼkə na kì a Nyìngòŋ ə nghʉ li.

Gàlesìyà 4:15

A tə fʉ ghò kumə saŋlə yì a ghə̀ŋ tə nkiʼ a? Ma gaʼa to no nəmwèʼè la, kə tu tə mbwaʼmə mu ghə̀ŋ ə ntsuʼtə li ashɨ à ghəŋə ə ku a mò.

Efisyàns 1:3

Vəghəŋ ə nkuʼsə Nyìngòŋ, ə Tìʼ Bobo vəghəŋ Yesò Klistò. Ghə̀ mbwàʼsə li vəghəŋ a kəzhwì no nə̀ əfo ə juŋəvə ə tsèm vyi a və fʉ̀ fa kàŋ wenə Klistò.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

Jems 2:18

Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.