Lumans 4:17 - The New Testament in the Babanki language

¹⁷ Kə diʼ to ndə̀ŋndəŋ ando və nyòʼo a Ŋwàʼlə̀ Nyìngòŋ a kəshi yi a ghə̀ ə gaʼa tsu a Ablaham la, “Ma wʉ̀ li wù a tìʼ a təloʼ to kədə̀ŋ.” Nyìngòŋ yi a Ablaham ə mbyɨmə ə wʉ̀ li wen a tìʼ a vəghəŋ. Ghə̀ nè li la viʼi və pfʉkəvə bwensə ə ntsi. Ghə̀ ə gaʼa to nə̀ əchʉ̀ la fo ndiʼ, və sə diʼ ko andiʼ la və ndiʼ.

Lumans 4:17 Iomraidhean Croise

Matìyò 3:9

Kə ghə̀ŋ ne kwòʼtə la ghə̀ŋ zì ghə̀ŋ nyɨŋ ngəʼ Nyìngòŋ ayì tò byiʼàndo ghə̀ŋ gàʼ à la ghə̀ŋ diʼ vu vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə sə kaʼkə a vunə ghə̀ ku a Ablaham.

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.

Joyn 5:25

Ma gaʼa a ghə̀ŋ tò no nəmwèʼè la kətsi kə sə boʼsə vi, ma gàʼ alì mu kə diʼ mu boʼsə li, viʼi vyi a və diʼi to nə̀ viʼi və pfʉkəvə zhʉ gɨ wàyn Nyìngòŋ, alì no ndò yi a ghə̀ ne zhʉ gɨ wen ghə̀ ne tsi.

Joyn 6:63

A ku to kəzhwì kə Nyìngòŋ ku ə ntsìnə̀ a viʼi. Wìʼ ə ko kiʼi kənyʉ̀ kə tsenkə ə nè fa wen a ngeŋ. Mà sə diʼ mù ma shə̀ʼtə̀ li kənyʉ̀ ki a ghə̀ŋ diʼi ə nè, ndi kiʼi Kəzhwì a kəku ntsìnə̀. Gàʼ ghenə a ma tə ngàʼà a ghə̀ŋ lə a ne la ghə̀ŋ kiʼi kəzhwì kə Nyìngòŋ, be kiʼi bwoŋ yi a ghə̀ŋ a ghə̀ ko lu mè.

Shwèʼ 15:18

Ghenə diʼ gaʼa Bobo a ghə̀ ne li la viʼi kɨ nyʉ̀ avenə no fà kəghaf.’”

Lumans 3:29

Nyìngòŋ diʼ Nyìngòŋ a viʼi Jus, diʼ Nyìngòŋ a viʼi ətɨm.

Lumans 4:18

Ablaham ə byɨmə li Nyìngòŋ ə sə ti to akwi əbyɨmə ə wen no tèbe ando kə ə kəʼə a viʼi la kənyʉ̀ kì a ghə̀ nki dyʉ̀ sə nə̀ kəwenkə ko lù kwʉʼ. Ghə̀ ə ti to akwi əbyɨmə ə wen ə lu sə diʼ tìʼ a viʼi təloʼ no a kədə̀ŋ to ndə̀ŋndəŋ ando və ghʉ̀ a wen ə gàʼ la, “Viʼi ngwaʼa ə ngə̀ŋ ə wù lu ə diʼ to kədə̀ŋ.”

Lumans 4:2

A tə ndiʼ la Nyìngòŋ ə lyɨ̀ Ablaham a wù kənyʉ̀ kətɨməkə byìʼì shwèʼè a ghə̀ nè, mu ghə̀ ə nkiʼ kənyʉ̀ ə kùm kədyùʼ fa tsu. Alì ghə̀ ko zi ghə̀ lu kùm kədyùʼ a kənyʉ̀ kətsenkə ashɨ Nyìngòŋ.

Lumans 8:11

Kəzhwì kə Nyìngòŋ a ghə̀ ə nlùsə Yesò Klistò fa pfʉ sətsen ə ntsi a ghə̀ŋ a ntìntìn, Nyìngòŋ a ku ntsìnə̀ a ghə̀ŋ a wen ashə a ghə̀ diʼ lu ə pfʉ lə, chò fa wen a kəzhwì yi a kə tsi a ghə̀ŋ a ntìntìn.

Lumans 9:11

Ghə̀ŋ yen li ando a ndiʼ mibu və sə ka ə bwi mboʼsə na venə, ko ndiʼ la ghə̀ tɨmə nè kənyʉ̀ kə tsen, kò kə jùŋ kə kò kə kəbyɨkə, Nyìngòŋ ə gàʼ a Lebeka la, “Wàyn ə to lu ə shyèʼ a lèmə̀ wen ə tyətə.” Ghə̀ ə nè alə ə diʼ la ghə̀ kiʼi no kədyòʼ kə tsèm ə kwitə kənyʉ̀, ko ghə̀ kwitə byìʼì shyèʼ tsen ghə̀ ando wìʼ ə nè.

Lumans 9:26

Və lu dyʉ̀ a viʼi vyi a və tə ə gàʼa la vəwenə ko diʼ tebè vunə vwomə ə tòŋtə vəwenə la vunə vwomə, ə mo Nyìngòŋ yi a ghə̀ tsi.”

1 Kolìntyàns 1:28

Nyìngòŋ ə tsuʼ viʼi və bwaʼ və vi a və ko lyɨ tebè vəwenə a kənyʉ̀, be tsùʼtə əfo vi a viʼi ə yen la və ko diʼ kə fo ə byɨbsə vi a və nyenə la à diʼ nkàyntə̀ əfo,

1 Kolìntyàns 15:45

Və nyòʼò li a Ŋwàʼlə̀ Nyìngòŋ la, “Adàm ə wù mbì ndiʼ wìʼ a Nyìngòŋ ə ne, ghə̀ sə tsi” ali Adàm ə bàm, a diʼ Yesò tə vi sə diʼ kəzhwì kì a kə ne la viʼi nkiʼ ntsìnə̀.

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

Hibùlù 11:12

A le kənyʉ̀ kì a kə nè, Ablaham kiʼi vunə, və ghoʼo chò mədzɨ̀ŋ mì a mə diʼi akàŋ, be ghoʼo chò kəsese kì a kə diʼi a fwàyn a wìʼ ko zizi ghə̀ taŋ no tèbe ando ghə̀ ndiʼ mu ghə̀ dwinə li ə sə laynsə diʼ sə ghə̀ pfʉ li.

Hibùlù 11:3

A nè əbyɨmə la vəghəŋ nkɨ nəmwèʼè la Nyìngòŋ ə nshɨtə mbyi to nə̀ ghɨ chʉ̀. Kə lə diʼi la no tèbe ghò a vəghəŋ ə yenə diʼ ko və nshɨtə nə̀ kəfokə a və yenə.

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

2 Bità 3:8

Alì kə ghə̀ŋ a lyèsə kənyʉ̀ kènkə a doŋ shom sə jùŋsə la à diʼ a Bobo, kətsi kə ə mùʼ kə diʼ to nə̀ ngʉ̀ʼ nkam, ngʉʼsə nkam diʼ to nə̀ kətsi kə mùʼ.