Lumans 4:16 - The New Testament in the Babanki language

¹⁶ Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

Lumans 4:16 Iomraidhean Croise

Ŋwàʼlə̀ Luk 19:9

Yesò gàʼ à wen la, “Viʼi ngə̀ŋ a shə̀ bwoŋ li layn byiʼàndo nkàyntə̀ wen bè diʼ tò wàyn Ablaham.

Lumans 15:8

Ghə̀ŋ kɨli la Yesò ə nvi a wù ə shwèʼè a viʼi Jus ə diʼ a vəwenə la kənyʉ̀ kəwʉkə ə Nyìngòŋ ə ko nə̀ fəŋ. Ghə̀ nè alə ə lwinsə kənyʉ̀ kəghʉ kə kì a Nyìngòŋ ə ghʉ a vətìʼ və vəwenə.

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

Lumans 3:30

Ghə̀ diʼ to əmùʼ, a lyɨ wen lyɨ wìʼ a wù nəmwèʼè kò à diʼ wù ə Jus, kò à diʼ wù kətɨm. Ghə̀ ne ali chò fa a əbyɨmə yi a viʼi ə kiʼi a Yesò.

Lumans 4:11

Və ə shɨtə ndyə̀ wen to a nchwi ə diʼ la Nyìngòŋ ə lyɨ̀ li wen a wù kənyʉ̀ kətɨməkə. Ghə̀ lyɨ wen a wù kənyʉ̀ kətɨməkə byìʼì byɨmə yì a ghə̀ nkiʼi. Kə fʉ̀ alə ndi ghə̀ ndiʼ tìʼ a viʼi vyi a və byɨmə, Nyìngòŋ ə boŋ lyɨ̀ və wen a viʼi kənyʉ̀ kətɨməkə byìʼì byɨmə ə vəwenə a ko ndiʼ la və shɨtə a diʼ ndyə̀ vəwenə.

Lumans 5:1

Ando Nyìngòŋ ə nlyɨ̀ li vəghəŋ a nə̀ viʼi və tɨməvə byìʼì əbyɨmə ə vəghəŋ, vəghəŋ və Nyìngòŋ sə tsi to no nə̀ mbwaʼmə luwen a ti kədyòʼ yi a Bobo vəghəŋ Yesò Klistò ə ku.

Lumans 9:8

Kə le diʼi la vunə Nyìngòŋ vyi a və gàʼa kumə vəwenə ko diʼ viʼi vətsèm a və bwi a ngwaʼ ngə̀ŋ ə Ablaham. A boŋsə diʼ viʼi a Nyìngòŋ ə ghʉ̀ la və lu bwi və wenə a vunə ngwaʼ ə ngə̀ŋ ə Ablaham.

Gàlesìyà 3:14

Klistò ə nè alə ndiʼ mbwàʼsə̀ yì a Nyìngòŋ ə ghʉ li a Ablaham, boŋ ə dyʉ̀ a viʼi a ko diʼ viʼi Jus. Ghə̀ ə nè alə ndiʼ əbyɨmə ə vəghəŋ nè vəghəŋ boŋ kiʼi Kəzhwì kə Ŋwoʼkə na kì a Nyìngòŋ ə nghʉ li.

Gàlesìyà 3:16

Nyìngòŋ ə nghʉ li kənyʉ̀ ken a Ablaham wenə ngwaʼ wen. Ŋwàʼlə̀ Nyìngòŋ ko gàʼ la və ku a wenə vunə və ghoʼo və. Ŋwàʼlə̀ Nyìngòŋ tòŋtə to wàyn ə mùʼ, wàyn na ghèn diʼ Klistò.

Gàlesìyà 3:22

Alì Ŋwàʼlə̀ Nyìngòŋ gàʼa la kədyòʼ kə mbyɨ kə diʼ a kətʉ viʼi vətsèm a mbyi. Kə diʼi alə̀ ndiʼ Nyìngòŋ ə ghʉ kənyʉ̀ kə ghʉkə ki a ghə̀ nghʉ, a viʼi vyi a və byɨmə a Yesò Klistò.

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

Efisyàns 2:8

A diʼ byìʼì ə tyɨm ə jùŋ ghə̀ ə Nyìngòŋ a ghə̀ kiʼi a ghə̀ŋ a ghə̀ ə mbwòŋsə̀ ghə̀ŋ chò fa ghə̀ŋ a əbyɨmə. Ghə̀ŋ nko ne kənyʉ̀ fa ghə̀ŋ a ngeŋsə a kə nè la ghə̀ŋ əbwòŋ. Əbwòŋ ghenə a ghə̀ŋ kiʼi lə diʼ kəku fa Nyìngòŋ. Kə lə diʼi la wìʼ ə zizi ko ghə̀ lu kùm kədyʉ̀ʼ byìʼì kəwenkə.

Taytùs 3:7

Nyìngòŋ ə nè alə̀ ndi vəghəŋ ə ndiʼ viʼi kənyʉ̀ kə tɨməkə chò fà boŋə tyɨm ə wen. A ji aghèn vəghəŋ lù kiʼi ə̀bwòŋ yi a ghə̀ ko lu mè.

2 Bità 1:10

A le kənyʉ̀ ki a ma sensə ghə̀ŋ, a vəlemə, la ghə̀ŋ tuʼtə ə ghaʼ nyʉ̀ a venə və to ə diʼ la Nyìngòŋ ə tsùʼtə li ghə̀ŋ ə dzàŋ shisə la ghə̀ŋ ə diʼ viʼi Nyìngòŋ. Ghə̀ŋ yi nè alə̀, ko ghə̀ŋ be lu fəŋ fa ghə̀ŋ a byɨmə,