Lumans 4:15 - The New Testament in the Babanki language

¹⁵ Kə diʼ alə̀ byìʼì ando Əsoʼ ə nè to la Nyìngòŋ ə fwisə tin a viʼi byìʼì ando vəwenə kwaʼa əsoʼ a yi, mu əsoʼ ə faŋ ke ndiʼ, ko wìʼ lu kwaʼa.

Lumans 4:15 Iomraidhean Croise

Joyn 15:22

Ma tə faŋ ke vì ə gàʼ a vəwenə kumə mbyɨsə vəwenə mu kə ko diʼi tebè la vəwenə nè li mbyɨ ando kə diʼi luwen. Vəwenə ko kiʼi kənyʉ̀ kə tsen kə luwen ə gàʼ kumə mbyɨsə vəwenə.

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Lumans 1:17

Ntɨm ə jùŋ ə̀ diʼi bayn a ji yì a Nyìngòŋ ə nə̀ lyɨ viʼi a viʼi kənyʉ̀ kə tɨməkə fa tsu. Ghə̀ nè alə̀ chò fa ə vəghəŋ a əbyɨmə, kənyʉ̀ kə tsen ko be boʼsə tsu, to ndə̀ŋndəŋ ando və nyoʼ a Ŋwàʼlə̀ Nyìngòŋ la, “Viʼi vi a və diʼ viʼi kənyʉ̀ kətɨməkə byìʼì byɨmə ə vəwenə lu kiʼi əbwòŋ yì a ghə̀ ko lu mè.”

Lumans 5:13

Mbyɨ ə sə diʼ a mbi mibu Nyìngòŋ ə lù ku Əsoʼ ali ghə̀ zizi ko ghə̀ be gàʼ la wìʼ nè li mbyɨ ko andiʼ la və ku li əsoʼ a wen.

1 Kolìntyàns 15:56

Əncho pfʉ ə nə̀ fʉ̀ fa mbyɨ, kədyòʼ kə mbyɨ kə lu fa Əsoʼ.

Gàlesìyà 3:10

Viʼi vyi a və kəŋ ə ghʉ tə Əsoʼ ndi nti a nkayn wenə və Nyìngòŋ, ngəʼ Nyìngòŋ diʼ a vəwenə a kətʉ, byìʼì ando və nyoʼo li a Ŋwàʼlə̀ Nyìngòŋ la, “Nyìngòŋ ne nè ngəʼ ndiʼ a kətʉ no ndò yi a ghə̀ ko ghʉ təsoʼ no tətsèm a tə diʼi a ŋwàʼlə̀ Əsoʼ.”

Gàlesìyà 3:19

Əshyèʼ əsoʼ lə̀ diʼ no ghò? Nyìngòŋ ə nkù Əsoʼ ə kwʉ̀ʼsə a məkàyn mèyn ndiʼ wìʼ ne fəŋə, ghə̀ kɨ la ghə̀ nè li mbyɨ. Əsoʼ ndiʼ ə ndiʼ to diʼi ə zaʼa ando wàyn a Nyìngòŋ ə ghʉ kənyʉ̀ ken byìʼì wen vi. Nyìngòŋ ntɨm ə ntsɨŋsə wen la vəwenə ku əsoʼ a Mosìs la ghə̀ chòsə̀ a viʼi. Mosìs ndiʼ wìʼ a ghə̀ nti a ntìntìn Nyìngòŋ wenə viʼi.

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

Kòlòsyàns 3:6

Nyìngòŋ fwisətin, diʼ lù ku ngəʼ ə ghoʼo a viʼi vyi a və ko zhʉ̀ byɨmə wen, nè ənyʉ̀ a venə.

1 Joyn 3:4

A nè tè ndò nè mbyɨ mu ghə̀ kwàʼà ə̀soʼ ə Nyìngòŋ byìʼàndo mbyɨ dìʼ əkwaʼa ə̀soʼ.

Kəmwetə 19:15

Ə nyì ngwələŋ tsen fʉ̀ fa wen əchʉ̀, lyɨmə no nànto, ghə̀ diʼ ə soyn ə zhɨ təloʼ tətsèm nə̀ wen. Ghə̀ ne ə̀ nsoʼo vəwenə kədyoʼkə, ghə̀ ne jèʼ ə tùʼlə vəwenə dìʼ tin ə fwi ə̀ Nyìngòŋ ə Tìʼ àdyoʼ ətsèm.