Lumans 4:13 - The New Testament in the Babanki language

¹³ Nyìngòŋ ə wʉ̀ a Ablaham wenə ngwaʼ ə ngə̀ŋ ə wen la ghə̀ lu ku mbi a vəwenə, a kodiʼ byìʼì ando vəwenə ə zhʉtə Əsoʼ. A ndiʼ byìʼì ando ghə̀ byɨmə Nyìngòŋ, ghə̀ lyɨ̀ wen a wù kənyʉ̀ kətɨməkə.

Lumans 4:13 Iomraidhean Croise

Shwèʼ 13:32

Yès dìʼ a shèn luwèn əshə̀ʼtə̀ ntɨm ə jùŋ ayì à ghə̀ŋ, andiʼ yì a Nyìngòŋ nlù ghʉ wenə̀ vətìʼ və vəghəŋ viʼi Islel və mbì.

Lumans 4:12

Ghə̀ diʼ tomə tìʼ a viʼi vyi a və shɨtə li ndyə̀ vəwenə, a kodiʼ to byìʼì ando və shɨtə ndyə̀ vəwenə ali byìʼì ando vəwenə byɨmə kənyʉ̀ ki a Nyìngòŋ ə ghʉ̀, to ndə̀ŋndəŋ ando tìʼ vəghəŋ Ablaham ə byɨmə mibu və shɨtə ndyə̀ wen.

Lumans 9:8

Kə le diʼi la vunə Nyìngòŋ vyi a və gàʼa kumə vəwenə ko diʼ viʼi vətsèm a və bwi a ngwaʼ ngə̀ŋ ə Ablaham. A boŋsə diʼ viʼi a Nyìngòŋ ə ghʉ̀ la və lu bwi və wenə a vunə ngwaʼ ə ngə̀ŋ ə Ablaham.

Gàlesìyà 3:29

Ghə̀ŋ sətsen ndiʼ viʼi Yesò alə̀, a ghə̀ŋ ne diʼ vunə a Ablaham, diʼi la ghə̀ŋ be lu kiʼi əfo vì a Nyìngòŋ ə ghʉ a wen.

Hibùlù 11:7

Nuwà ə mbyɨmə a Nyìngòŋ ə zhʉ kətyiftə kì a ghə̀ kù kumə nyʉ̀, və mbo ndiʼ ə lu fʉ. Ghə̀ zhʉ li Nyìngòŋ ə bayntə kəbaŋ la kə bwoŋsə wen wenə ngwaʼ ə ngə̀ŋ ə wen. Ghə̀ mbyɨmə li a Nyìngòŋ, ə diʼ làynsə la viʼi mbyi vətsenvə ə̀ diʼ viʼi və byɨvə ali ghə̀ fʉ̀ a wù kənyʉ̀ kətɨməkə.

Hibùlù 7:6

Mèlìkisedèk ə ko ndiʼ wù ngwaʼ ə ngəŋ ə Levì ali ə shi kəfo kə mùʼ fa tyi əfo wum fa Ablaham ə be bwàʼsə Ablaham, a diʼ wen yi a Nyìngòŋ ə nghʉ̀ la ghə̀ ne nyʉ̀ a wen.