Lumans 4:1 - The New Testament in the Babanki language

¹ Vəghəŋ zizi və gàʼ la gho luwen byìʼì Ablaham ə tìʼ vəghəŋ a?

Lumans 4:1 Iomraidhean Croise

Matìyò 3:9

Kə ghə̀ŋ ne kwòʼtə la ghə̀ŋ zì ghə̀ŋ nyɨŋ ngəʼ Nyìngòŋ ayì tò byiʼàndo ghə̀ŋ gàʼ à la ghə̀ŋ diʼ vu vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə sə kaʼkə a vunə ghə̀ ku a Ablaham.

Ŋwàʼlə̀ Luk 3:8

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə. Kə ghə̀ŋ a kwòʼtə̀ fa mbwo ghə̀ŋ gàʼà a ghə̀ŋ a ntyìntyìn la ghə̀ŋ diʼ vunə Ablaham. Ma shə̀ʼtə̀ a ghə̀ŋ la Nyìngòŋ zì ghə̀ nè ngùʼ sènsə kaʼkə a vunə ghə̀ ku a Ablaham.

Joyn 8:33

Ghə̀ ə ngaʼa ali, vəwenə bèm a wen la, “Wù gaʼa la wù zizi wù gyamtə yès fa ngəʼ ko? Yes diʼ viʼi ngwaʼ ngə̀ŋ Ablaham ko ndiʼ la yès ətɨmə diʼ əkòs a wìʼ.”

Joyn 8:53

A wù lə gaʼa ə diʼ la wù chò Ablaham ə tiʼi yès mu? Ablaham wenə nshə̀ʼtə̀sə ghoʼkəsə sətsen diʼ mu və pfʉkə li, wù sədiʼ no ndò?”

Joyn 8:56

Tìʼ ghə̀ŋ Ablaham ə yèn li ə kɨ la mà lu vi, kənyʉ̀ na kì kə nè, ghə̀ sə saŋlə no nànto.”

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

Lumans 1:3

Ntɨm ə jùŋ a ghèn ə gàʼà kumə Wàyn Nyìngòŋ, ə Bobo vəghəŋ Yesò Klistò. Ghə̀ nvi a nse a wìʼ, və bwi wen a ngwaʼ ngə̀ŋ ə Devìt.

Lumans 3:5

Viʼi vətsenvə zizi və gàʼ la ntsìnə̀sə ə byɨsə ə vəghəŋ ə boŋsə gyamtə ə ne la viʼi ə ntuʼ yenə jisə tɨməsə Nyìngòŋ. Kə sətsen ə ndiʼ ali, kə ne diʼi la Nyìngòŋ ə ko ne a akayn ando ghə̀ fwisə tin a vəghəŋ mu? Wùmə̀nsòŋ zizi ghə̀ nkwoʼtə dyʉ̀ to fa ji a ghèn.

Lumans 4:16

Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

Lumans 6:1

Vəghəŋ zizi və gàʼ la gho, la vəghəŋ faŋ ə nè to mbyɨ ndiʼ Nyìngòŋ ə faŋ ə diʼi ətyɨm ə jùŋə ghə̀ a vəghəŋ mu?

Lumans 7:7

Kənyʉ̀ na kènkə diʼi la gho? Kə le kəʼə la Əsoʼ ə Nyìngòŋ ə diʼ kəfo kə byɨkə mu? Kə ko diʼ ali no faphen byìʼì ando a bwèn fa ə Əsoʼ mu ma ko kɨ kənyʉ̀ ki a mbyɨ diʼ kəwenkə. Əsoʼ tə faŋ ke gàʼ la, “kə ashɨ ə ghəŋə baŋə a fo ə viʼi,” mu ma ko kɨ kənyʉ̀ na kènkə.

Lumans 8:31

Vəghəŋ zizi və be gàʼ no la gho kumə nyʉ̀ na venə a? Nyìngòŋ ə sətsen ə ti vəghəŋ vəwenə amuʼ, a lu be soyn ə zhɨ̀ ndo zhɨ vəghəŋ a?

2 Kolìntyàns 11:22

Vəwenə nə̀ kuʼsə əwèn gàʼa la vəwenə diʼ viʼi Hibùlù. Ma diʼ to wù ə Hibùlù. Vəwenə gàʼa la vəwenə diʼ viʼi Islel. Ma diʼ to wù ə Islel. Vəwenə vətsenvə gàʼa to la vəwenə diʼ viʼi ngwaʼ ngə̀ŋ Ablaham. Ma diʼ to wù ngwaʼ ngə̀ŋ Ablaham.

Hibùlù 12:9

Nò tèbe fa mpfen, no tèbe vətiʼi və vəghəŋ vyi a vəghəŋ kwi nse ashə nə̀ ghòmə vəghəŋ ali vəghəŋ zhʉ to zhʉ fa vəwenə. Kə le diʼi la vəghəŋ diʼ ə nzhʉ Tiʼi vəghəŋ akàŋ chò no fa li. Vəghəŋ sətsen ə nè ali, a vəghəŋ lù kiʼi ntsìnə̀ yì a ghə̀ ko lu mè.