Lumans 3:4 - The New Testament in the Babanki language

⁴ Kə zi ko kə lu ndiʼ ali! byìʼàndo Nyìngòŋ ə gaʼa to nəmwèʼè no tèbe azhʉ̀ a viʼi tsèntə to mbi ə tsèm ə zhò ndzɨ̀ŋ, to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “kənyʉ̀ kə Nyìngòŋ kə diʼ to nəmwèʼè, Nyìngòŋ ə soʼo zhɨ̀ nsòʼ wen wenə viʼi.”

Lumans 3:4 Iomraidhean Croise

Matìyò 11:19

Wàyn Wìʼ nvi sə zhɨ bè nyʉ, və ngàʼ la ghə̀ yi a ghə̀ zhɨ chò, nyʉ chò be diʼ ndoŋ wenə̀ viʼi tinə kənsè bènə̀ viʼi və byɨvə vətsenvə! tè a lì tof Nyìngòŋ dìʼì la ghə̀ diʼ nəmwèʼè à viʼi a və dzɨ̀mtə̀ wenə ghə̀.”

Ŋwàʼlə̀ Luk 20:16

Ghə̀ à vì ə zhwilə viʼi a vyi no vətsèm ə lyɨ̀ sɨm ayì ə ku a viʼi kədyàŋ.” Yesò ne myètə̀ ngàyn a ghèn, viʼi vyì zhʉtə alə̀ ə gàʼ la kə Nyìngòŋ lə̀ byɨmə wìʼ ne nki kənyʉ̀ kènkə a viʼi shyèʼ sɨm a vyì nlù mwòm lə̀.

Joyn 3:33

No ndò a ghə̀ sətsen byɨmə kənyʉ̀ kì a ghə̀ gaʼa, mù ghə̀ ne diʼi la Nyìngòŋ ə diʼ wù nə̀ nəmwèʼè.

Lumans 11:1

Ma bèmə̀ la, kə le sə diʼ alə̀ diʼi la Nyìngòŋ ə maʼa li viʼi wen mu? Ghə̀ ko maʼa vəwenə no fa mphen! Nò mò fa mo ngeŋ ə boŋ diʼ wù ə Islel mu mà fʉ fa ngwaʼa ngə̀ŋ ə Benjamìn, a ghə̀ ndiʼ wù ə ngeŋ ə Ablaham ali ko andiʼ la ghə̀ maʼa li mò.

Lumans 11:11

Ma bèmə la, viʼi Jus ə kòyntə fəŋ mwetə mu? Kə ko diʼ ali no fa mphen! A ə ndiʼ ando vəwenə ne mbyɨ, Nyìngòŋ ə kwòʼtə viʼi ətɨm ə ku bwoŋ a vəwenə. Ghə̀ ə ne alə ndiʼ viʼi Jus kaʼkə ə shɨmtə viʼi ətɨm.

Lumans 3:31

Kə ko diʼi tebè la vəghəŋ maʼa Əsoʼ luwen byìʼì byɨmə ə vəghəŋ. Vəghəŋ boŋsə diʼ ə shɨtə ə ghaʼ Əsoʼ luwen ando vəghəŋ byɨmə li lə̀.

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

Lumans 6:2

Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Lumans 7:13

A lə diʼ la kəfòkə ə jùŋ kə alə̀ ə boŋsə nè la mà pfʉ mu? Kə ko diʼ ali no fa mpfen! A ə̀ vi nə̀ mbyɨ vi nə̀ əpfʉ̀ a mò. Mbyɨ ne chò fa kəfo kə jùŋ kə, ə vi nə̀ əpfʉ̀ a mò. Kə ə fʉ̀ alə ndiʼ kənàʼ kə mbyɨ kə bayn. Əsoʼ ə diʼ kəfo kì a kə gyàmtə̀ ə diʼ ə làynsə la mbyɨ ə fwàynsə no mwèʼmwèʼ.

Lumans 7:7

Kənyʉ̀ na kènkə diʼi la gho? Kə le kəʼə la Əsoʼ ə Nyìngòŋ ə diʼ kəfo kə byɨkə mu? Kə ko diʼ ali no faphen byìʼì ando a bwèn fa ə Əsoʼ mu ma ko kɨ kənyʉ̀ ki a mbyɨ diʼ kəwenkə. Əsoʼ tə faŋ ke gàʼ la, “kə ashɨ ə ghəŋə baŋə a fo ə viʼi,” mu ma ko kɨ kənyʉ̀ na kènkə.

Lumans 9:14

Vəghəŋ lə gaʼa la gho luwen a? Və le gaʼa la Nyìngòŋ ə ko ne nyʉ̀ ndə̀ŋndəŋ mu? Kə ko diʼ ali no faphen!

1 Kolìntyàns 6:15

Kə lə̀ diʼ la ghə̀ŋ ko kɨ la əwèn ə ghəŋə ə diʼ ə sho əwèn ə Yesò mu? A wu gàʼ la mà zizi mà lyɨ̀ ə sho əwèn ə̀ Yesò ə ne la à ndiʼ sho əwèn ə njèʼtə̀ a? Kə zizi ko kə lu ndiʼ ali!

2 Kolìntyàns 1:18

Nyìngòŋ ə gaʼa to nəmwèʼè. Ma gàʼa to ndə̀ŋndəŋ a ghə̀ŋ la, ma ko tə ngaʼa təchʉ̀ tə bò a ghə̀ŋ.

Gàlesìyà 2:17

Alì vəghəŋ sətsen ə mwomsə ə nti a nkàyn a shɨ ə Nyìngòŋ byìʼì ando vəghəŋ və Yesò diʼ amuʼ, ə be yenə la vəghəŋ ne mbyɨ, kə a ndiʼi la Yesò ə nè la vəghəŋ ə ne mbyɨ mu? Kə ko diʼ alì no fa mphen!

Gàlesìyà 2:21

Mà zizi ko ma lu tensə ətyɨm ə jùŋə ghə̀ Nyìngòŋ. Wìʼ sətsen sə diʼ ndiʼ ti a nkayn wenə Nyìngòŋ byìʼì to ando ghə̀ ghʉ Əsoʼ, à ne ndiʼ la Yesò mpfʉ to kədyàŋ.”

Gàlesìyà 6:14

Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

1 Joyn 5:10

No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.