Lumans 3:3 - The New Testament in the Babanki language

³ Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

Lumans 3:3 Iomraidhean Croise

Matìyò 24:35

Kàŋ wenə̀ nse lu chò alì kènla no kənyʉ̀ kə mùʼ fa tì nyʉ̀ venə a ma gàʼà lə̀ lu kwitə.”

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Lumans 10:16

Alì, à ko diʼ viʼi və tsèm a və zhʉ̀ ntɨm ə jùŋ na ghèn ə sə wʉ̀ kətʉ tsu. Kə diʼ to ndə̀ŋndəŋ ando nshə̀ʼtə̀ əsoʼgho ə gaʼa ə bèm la, “Viʼi vi a və zhʉ̀ ntɨm yì a yès shə̀ʼtə ə byɨmə le bè diʼ no və ndo a Bobo?”

Lumans 11:29

Kə diʼ alə̀ byìʼì ando Nyìngòŋ ə ndemə tsuʼ wìʼ ə bwaʼsə wen, ko ghə̀ lu be kwitə əkwoʼtə ə wen.

Lumans 9:6

Ma ko gaʼa alə ə fʉ̀ la Nyìngòŋ ə ko ə ne kənyʉ̀ ki a ghə̀ ə ghʉ̀. Jòʼ, Kə diʼ la, à ko diʼ viʼi Islel və tsèm a Nyìngòŋ ə tsuʼ a viʼi wen.

2 Kolìntyàns 3:18

Vəghəŋ vi a və byɨmə a Yesò və tsuʼ li kəbàs kə ndisə na ki ko kə mbe chiʼtə tebè əkə̀ʼ ə vəghəŋ, vəghəŋ sə diʼ nyenə əbaynə Bobo. Ali Bobo a diʼi kəzhwì nè la vəghəŋ ə kwʉ̀ʼʉ̀ ando Bobo kəŋ, ndiʼi kuʼsə dyʉ̀ to dyʉ̀ nə̀ əbaynə wen na yi. A lə shwèʼè ə Bobo yi a ghə̀ diʼi a kəzhwì.

2 Tèsàlonyà 1:3

Vəlemə, yès nə̀ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ. A diʼ to no kənyʉ̀ kə jùŋ kə a yès ə nè alə byìʼì ando əbyɨmə ə ghəŋə a Yesò ə kwi dyʉ̀ to ambì, ə kòŋ ə ghəŋə be kwi dyʉ̀ to ambì.

2 Timotì 2:13

Vəghəŋ sətsen bwìn dzèm à wen, ko ghə̀ lu bwìn dzèm a vəghəŋ, byìʼì ando ghə̀ zi ko ghə̀ lu tyen ə wenə wen.”

Hibùlù 4:2

Vəghəŋ sə diʼ mù və zhʉ li ntɨm ə jùŋ to ndə̀ŋndəŋ ando vətiʼ və vəghəŋ ə nzhʉ a nse zɨm. Vəwenə ə nzhʉ no tèbè ali, kò ghə̀ lə gyamtə vəwenə byìʼì ando vəwenə ə nzhʉ ko və lu byɨmə.