Lumans 3:2 - The New Testament in the Babanki language

² Nəmwèʼè se diʼ to a jisə kədə̀ŋ. Mbì kənyʉ̀ ə diʼ la Nyìngòŋ ə nku li kənyʉ̀ kə wen a viʼi Jus.

Lumans 3:2 Iomraidhean Croise

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Shwèʼ 7:38

A bè dìʼ tò wen a ghə̀ ndiʼì we vu Islel ando vəwenə ntsèntə̀ a nse zɨm. Ghə̀ ndìʼ tsu wenə̀ vətìʼ və vəghəŋ və mbì bènə̀ ntsɨ̀ŋ ngə̀ŋ Nyìngòŋ yì a ghə̀ ə gàʼ à wen a pfèn Sinyà ə̀ kù təsoʼ tìtə la ghə̀ ku à vəghəŋ.

Lumans 1:2

Ntɨm ə jùŋ a ghèn ndiʼ mu Nyìngòŋ ə ghʉ̀ no fa kəghaf ə gàʼ nshə̀ʼtə̀ sə ghoʼkəsə ə wen sə nyòʼ a Ŋwàʼlə̀ Nyìngòŋ.

Lumans 2:18

Ghə̀ŋ gaʼa la ghə̀ŋ kɨli kənyʉ̀ ki a Nyìngòŋ ə kəŋ, kɨ kikə a kə diʼi fəchìʼ nə̀ kikə a kə ko kwʉ̀ʼ byìʼàndo ghə̀ŋ ziʼi li Əsoʼ ə Nyìngòŋ ə sə kɨ.

Lumans 3:1

Wù le kwoʼtə la se tse ghə̀ ə diʼ ə ndiʼ wu Jus a? Və shɨtə ndyə̀ wìʼ, se yi sə diʼ no gho?

Lumans 3:3

Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

Lumans 9:4

Vəwenə diʼ viʼi Islel vi a Nyìngòŋ ə lyɨ̀ a wenə a vunə ə diʼ əbayn ə wen a vəwenə, ə zhɨ̀ məkàyn wenə vəwenə ə be ku Əsoʼ ə wen a vəwenə. A diʼ vəwenə vi a Nyìngòŋ ə ndiʼi ji ə jùŋ yì a vəwenə ə diʼ ə nə̀ kuʼsə wen fa tsù, vəwenə be kiʼi ənyʉ̀ a Nyìngòŋ əghʉ a vəwenə.

1 Kolìntyàns 9:17

Mà tə ndiʼ la ma ne shwèʼ a ghenə fa mò a kòŋ, a və ne diʼ ə lòʼò mò. Alì ma sə ne to byìʼì ando à diʼ kənyʉ̀, a ma diʼ ə ne, mu à gàʼ Nyìngòŋ la ma ə ne.

2 Kolìntyàns 5:19

Kənyʉ̀ ki a yès gàʼa diʼ la Nyìngòŋ ə mbaʼtə ntsìnə̀sə viʼi mbyi wenə vəwenə byìʼì kənyʉ̀ ki a Yesò ə nè. Ghə̀ lyesə li nku mbyɨsə viʼi ə be ku ntɨm a ghèn a yès viʼi ntɨm la yès ə nshə̀ʼtə̀ la ghə̀ kəŋ la viʼi vətsèm baʼtə̀ ntsìnə̀sə vəwenə, wenə və Nyìngòŋ.

Gàlesìyà 2:7

Vəwenə ə mboŋsə li yen la Nyìngòŋ ə wè li shwèʼ a ghenə a mo a kəvu la mà shə̀ʼtə̀ ntɨm ə jùŋ a viʼi a ko diʼ viʼi Jus, ndə̀ŋndəŋ to ando ghə̀ ə mbe wè a kəvu a Bità la ghə̀ shə̀ʼtə̀ a viʼi Jus.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

Hibùlù 5:12

Ghə̀ŋ sə diʼ ə ndiʼ luwen mu ghə̀ŋ sə ziʼi viʼi nə̀ kənyʉ̀ kə Nyìngòŋ ali kə bo boŋ wìʼ be ziʼi ghə̀ŋ nə̀ nyʉ̀ ə mbì vyi a ghə̀ŋ, a ghə̀ŋ diʼ zhʉ kumə kənyʉ̀ kə Nyìngòŋ. Ghə̀ŋ bo diʼ to ə nyoŋ zhwin to nə̀ vunə və bwaʼvə. Ghə̀ŋ ko təmə ə kwʉ̀ʼ nzhɨ̀ əfo ə zhivə ə tovə.

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”