Lumans 3:19 - The New Testament in the Babanki language

¹⁹ Vəghəŋ ə kɨ la no tèbe ghò a yi a və nyoʼo a soʼ Nyìngòŋ diʼ a viʼi vyi a və tsi a yi ti. Kə diʼ a ji a ghèn ndiʼ kə wìʼ be a kiʼi kənyʉ̀ kətsen kə ə gàʼ. Nyìngòŋ ə chiʼtə li təchʉ̀ tə viʼi və tsèm. Ghə̀ lu soʼ viʼi və tsèm a mbyi.

Lumans 3:19 Iomraidhean Croise

Joyn 15:25

Nò tèbe ali, kə tə ə diʼ ə fʉ to ji na ghèn ndiʼ kənyʉ̀ ki a və nyoʼo a vəwenə a soʼ la, ‘Ghə̀ŋ tə ə bàynə̀ mò to kədyàŋ,’ kwʉʼ.

Joyn 8:9

Vəwenə zhʉ ali ə sə lu kə to fəmùʼ fəmùʼ, zìtə̀ fa viʼi vətokəvə, ə na lù to li a faŋ to Yesò, wenə wùwì ayi ghə̀ ə bo ti to tsu.

Lumans 1:20

Viʼi sə diʼ mù və yen li la kədyòʼ kə ə Nyìngòŋ kə zizi ko lu ə mè, be yen la ghə̀ diʼ to no Nyìngòŋ nəmwèʼè fa chʉʼ a ghə̀ ə nshɨtə mbi. Na venə ə diʼ nyʉ̀, a və ko yenə nə̀ ashɨ, ali kɨ byìʼì əfo vi a ghə̀ shɨtə li. A lə kənyʉ̀ ki a wìʼ zizi ko ghə̀ lu be taŋ laynə fa nsòʼ ando ghə̀ gàʼ la yi ə ko ə kɨ kənyʉ̀ kùm Nyìngòŋ.

Lumans 3:2

Nəmwèʼè se diʼ to a jisə kədə̀ŋ. Mbì kənyʉ̀ ə diʼ la Nyìngòŋ ə nku li kənyʉ̀ kə wen a viʼi Jus.

Lumans 3:23

Viʼi və tsèm sə diʼ mù və ne li mbyɨ, ko əbaynə ə Nyìngòŋ ə be diʼ a vəwenə.

Lumans 3:4

Kə zi ko kə lu ndiʼ ali! byìʼàndo Nyìngòŋ ə gaʼa to nəmwèʼè no tèbe azhʉ̀ a viʼi tsèntə to mbi ə tsèm ə zhò ndzɨ̀ŋ, to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “kənyʉ̀ kə Nyìngòŋ kə diʼ to nəmwèʼè, Nyìngòŋ ə soʼo zhɨ̀ nsòʼ wen wenə viʼi.”

Lumans 3:9

Və zizi və gàʼ mwetə la gho? La vəghəŋ viʼi Jus ə chò viʼi vətsenvə mu? Kə ko diʼ ali no fa mphen. Kə diʼ to ando mà sə diʼ mù ma diʼi li ə làynsə la viʼi Jus nə̀ viʼi ətɨm ə tsèntə diʼ to viʼi nyʉ̀ ə byɨvə no vətsèm.

1 Kolìntyàns 1:29

ndiʼ kə wìʼ ə kiʼ kənyʉ̀ ə ghaŋsə əwen fa tsu ashi Nyìngòŋ.

Gàlesìyà 3:10

Viʼi vyi a və kəŋ ə ghʉ tə Əsoʼ ndi nti a nkayn wenə və Nyìngòŋ, ngəʼ Nyìngòŋ diʼ a vəwenə a kətʉ, byìʼì ando və nyoʼo li a Ŋwàʼlə̀ Nyìngòŋ la, “Nyìngòŋ ne nè ngəʼ ndiʼ a kətʉ no ndò yi a ghə̀ ko ghʉ təsoʼ no tətsèm a tə diʼi a ŋwàʼlə̀ Əsoʼ.”

Gàlesìyà 4:21

Ghə̀ŋ venə a ghə̀ŋ kəŋ ə ntsi ati Əsoʼ alə̀, ghə̀ŋ shə̀ʼtə̀ li a mò la, ghə̀ŋ ko kɨ kənyʉ̀ ki a Əsoʼ gàʼ mu lo?

Gàlesìyà 4:5

to ghə̀ ka zen kətʉ kə viʼi vyi a və ndiʼ ati Əsoʼ na yi, ə nè la vəghəŋ ə diʼ vunə ə Nyìngòŋ.

Gàlesìyà 5:18

Alì mu kəzhwì kə Nyìngòŋ kə sətsen ə ntisə ghə̀ŋ, ko ghə̀ŋ be na ntsi atyi Əsoʼ.