Lumans 2:7 - The New Testament in the Babanki language

⁷ Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Lumans 2:7 Iomraidhean Croise

Matìyò 25:46

Fòn ne gàʼ a lì mu tɨm vəwenə, vəwenə lu dyʉ̀ kwen a tì ngəʼ yì a ghə̀ ko lə mè, viʼi kənyʉ̀ kətɨməkə vi kiʼi bwòŋ yi a ghə̀ faŋə̀ tò ghayn mùʼ.

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Joyn 4:36

Luwen wìʼ yi a ghə̀ pfi ə kiʼi əlòʼ ə jùŋ ghə̀. Ghə̀ pfi viʼi və byɨməvə vyi a zizi və kiʼi ə ntsìnə̀ yì a ghə̀ ko lu mè, ndiʼ wù we nə̀ wu pfi ə tsèntə saŋlə.

Joyn 5:44

Ghə̀ŋ kòŋ ə ntemə təpfem a ghə̀ŋ tə wen, ko ghə̀ŋ mwomsə ə kiʼi kùʼsə yi a ghə̀ vi fa Nyìngòŋ yì a ghə̀ diʼ to əmùʼ. Ghə̀ŋ lə zi ghə̀ŋ byɨmə ale?

Lumans 2:10

Nyìngòŋ ə lu nè a vəwenə ali ə ku əghoʼ nə̀ əkuʼsə nə̀ mbwaʼmə no tèbe ando yi a ghə̀ tsi ntsìnə̀ ə jùŋ, zìtə̀ nə̀ viʼi Jus a mbì, kumtə nə̀ viʼi ətɨm.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Lumans 8:18

Ma ko lyɨ tebè la ngəʼ ghèn a vəghəŋ ə yen luwen ko diʼ kənyʉ̀ kə tsen kə ə shəʼmə nə̀ əghoʼ yì a Nyìngòŋ ə lu ku a vəghəŋ.

Lumans 9:23

Nyìngòŋ ə sə kəŋ ə diʼ kədyòʼ kə kaynə kə ə wen a viʼi vi a ghə̀ kusə shinsə a vəwenə, à diʼ vəghəŋ vi a ghə̀ nsə diʼ mu ghə̀ ə baʼtə̀ ə ku kədyòʼ na kènkə a vəghəŋ.

1 Kolìntyàns 15:42

A le ando kə lu ndiʼ azhʉ̀ a viʼi lu lù fa pfʉ. Əwen yi a və bvɨmə lu fùwè, ə yi a lù kò lə be ə fwè.

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

Gàlesìyà 6:9

Kə vəghəŋ a bwaʼ ə nè jùŋ, byìʼì ando vəghəŋ sətsen faŋ ke bwaʼ, kətsi kə tsen lù kwʉ̀ʼ, a vəghəŋ pfi nyʉ̀ jùŋ və to kədə̀ŋ.

Efisyàns 6:24

Nyìngòŋ ə diʼi ətyɨm ə jùŋə ghə̀ a ghə̀ŋ vyi a ghə̀ŋ sə kòŋ Bobo vəghəŋ Yesò Klistò to kòŋ.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

2 Timotì 1:10

Luwèn sə ə dìʼ mu ghə̀ diʼi li ətyɨm ə jùŋ ghə̀ a ghenə a jì la Yesò Klistò, ə Mbwòŋsə̀ vəghəŋ nvi li. Ghə̀ nvi li ne la kə pfʉ mbe kiʼ kədyòʼ kùmə̀ vəghəŋ. Ghə̀ ziʼi li ntɨm ə jùŋ ə ne la vəghəŋ ə kɨ ntsìnə̀ yi a ghə̀ ko lə mè.

Hibùlù 2:7

Wu ə shɨtə wen ə ghʉ̀ wen a fəshinə fə zhʉ̀ alə, wìʼ sə ngaŋtə ko ghə̀ kwʉʼʉ no to nə̀ ntsɨŋ shəsə, fa yi bàm wù ne la ghə̀ kiʼ əbayn ə ghoʼo ghə̀ ə be ne la və nə̀ gumlə wen to nə̀ fòyn.

Hibùlù 6:12

Yès ko kòŋ tebè la ghə̀ŋ ə bwaʼa. Yès ə boŋsə kəŋ to la ghə̀ŋ nshəmə viʼi vyi a və byɨmə li a Nyìngòŋ ə sə wensə, diʼ lù kiʼi kəfo kì a Nyìngòŋ ə ghʉ̀ li.

Hibùlù 6:15

Ablaham ə nghaʼ li ətyɨm, Nyìngòŋ mù ne kənyʉ̀ a ken kə a ghə̀ nghʉ lə̀.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.