Lumans 2:4 - The New Testament in the Babanki language

⁴ Kə le diʼi la wù ko lyɨ tebè tùʼmə̀ ə kaynəghə Nyìngòŋ be nə̀ ə ghaʼa ə tyɨm ə Nyìngòŋ nə̀ jùŋ yì a ghə̀ ne a wù a kənyʉ̀ mu? A wù kɨli la Nyìngòŋ ə tùʼmə̀ kəŋ la wù kwitə ə tyɨm ə wu fa mbyɨsə a?

Lumans 2:4 Iomraidhean Croise

Lumans 10:12

Nyìngòŋ diʼ Bobo a viʼi və tsèm. Nəkwoŋ ko diʼ fa wù ə Jus nə̀ wù kətɨm. Ghə̀ bwaʼsə no ndò yi a ghə̀ loynə ə gyamtə fa wen.

Lumans 11:22

Ghə̀ŋ kɨ la Nyìngòŋ ə tùʼmə̀ nə̀ viʼi ali, əsoʼ ə wenə to tò ali. Əsoʼ ə wenə ə to a viʼi vyi a və ə wʉ̀sə ji ə tɨmə, ali ghə̀ tùʼmə̀ nə̀ ghə̀ŋ azhʉ̀ a ghə̀ŋ zhʉ̀ tò fa wen, a bwen ali, ghə̀ be a maʼa ghə̀ŋ.

Lumans 11:33

Kə diʼ no nəmwèʼè la Nyìngòŋ ə kiʼi əghoʼ ə kaynəghə ə ku a viʼi, kiʼi to ətof ə tsèm, kɨ nyʉ̀ ə tsèm! Wìʼ ə zizi ko ghə̀ lu shə̀ʼtə kənyʉ̀ kì a ghə̀ kwòʼtə. Wìʼ ə zizi ko ghə̀ lu kɨ ji yì a ghə̀ nè nyʉ̀ fa tsù.

Lumans 3:25

Nyìngòŋ ə nku wen la ghə̀ vi pfʉ ndiʼ mənlyuŋ mə wen ne ghə̀ lyesə ku mbyɨsə viʼi chò fa əbyɨmə ə vəwenə. Na kènkə ndiʼ ə diʼ ji nəmwèʼè ə Nyìngòŋ. Ghə̀ nko ku ngəʼ a viʼi a ambì kumə mbyɨsə vəwenə. Ghə̀ ə wensə achʉʼ a yi,

Lumans 6:1

Vəghəŋ zizi və gàʼ la gho, la vəghəŋ faŋ ə nè to mbyɨ ndiʼ Nyìngòŋ ə faŋ ə diʼi ətyɨm ə jùŋə ghə̀ a vəghəŋ mu?

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

2 Kolìntyàns 8:2

Vəwenə tə nyenə ngəʼ no nànto cho fa mwomsə ə kaynəghə a ghə̀ tə vi a vəwenə ali vəwenə sə bo kiʼi to saŋlə ə ghoʼo ghə̀ ə nku no nànto ə tomsə shyèʼ ə Nyìngòŋ. Vəwenə tə nku ali, sùtə̀ femə no nànto.

Efisyàns 1:18

Ma be jɨ̀mə̀ la Nyìngòŋ ə nè tə tof ə tyəŋtə boʼmə̀, ghə̀ŋ nkɨ la ghə̀ŋ be lù kiʼi əfo ə juŋəvə vi a ghə̀ baʼtə̀ a ghə̀ŋ byìʼì ando ghə̀ ntsuʼ li ghə̀ŋ nə̀ əghoʼ ə ŋwoʼghə yì a ghə̀ nghʉ̀ a viʼi wen no vətsèm,

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 2:4

Alì, Nyìngòŋ ə nkusə li nshinsə a viʼi no nànto be kòŋ viʼi no nànto.

Efisyàns 2:7

Nyìngòŋ ne alə ndiʼ lu diʼ tùʼmə̀ ə kaynəghə wen a ghə̀ ə ko kiʼi ə shəʼmə, nə̀ kòŋ wen a vəghəŋ chò fa Yesò Klistò no tʉʼ ko a ghə̀ lu vì.

Efisyàns 3:16

Nyìngòŋ kiʼi mbwaʼməsə no nànto. A le kənyʉ̀ kì a ma jɨ̀mə̀ la ghə̀ ku kədyòʼ a ghə̀ŋ ə tətyɨm chò fa wen a kəzhwì,

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Filìbàyns 4:19

Nyìngòŋ ghom kìʼ no ə̀fo tsèm. Ghə̀ ne ku no tè ghò yì a ghə̀ŋ ə kəŋə chò fa Yesò Klistò.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

1 Timotì 1:16

Nyìngòŋ ə diʼi li kusə shinsə à mò byìʼì ando ma ə ndiʼ fòyn ənyʉ̀ ə byɨvə. Ghə̀ ne alə̀ ndi Yesò Klistò diʼi mwetə əwen ə wen ə ne ə mà ə ndiʼ a nə̀ kəchwitə à viʼi vətsenvə ndi vəwenə yen kənyʉ̀ ki a ghə̀ ne à mò ə byɨmə à wen ndìʼ lu kiʼi ntsìnə̀ yi a ghə̀ ko lə mè.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

1 Bità 3:20

ayi əzhwi viʼi a və ko zhʉtə tebè Nyìngòŋ ali Nyìngòŋ be wensə to wensə ə zàʼa fa a tʉʼ yi ando Nuwà mbwòm kəbaŋ. A ndiʼ a tʉʼ na yi, viʼi bwòŋ ati kəbaŋ na yi a kə nə̀ lyəʼə a kwi a mù, ndiʼ to fwomə.

2 Bità 1:11

a li Nyìngòŋ ə nè la ji bayn mwetə ndi ghə̀ŋ kwen akəshi kə əfòyn ə Bobo, ə Mbwòŋsə̀ vəghəŋ Yesò Klistò, a diʼ əfòyn mu ghə̀ faŋ li to ghayn əmùʼ.

2 Bità 3:15

Ghə̀ŋ ə kɨ la Bobo vəghəŋ ə ghaʼa tyɨm alə̀, ku ji a ghə̀ŋ ndi ghə̀ŋ bwòŋ. Lèmə̀ vəghəŋ Bol yi a vəghəŋ ə kòŋ tə ə nyòʼ to nyʉ̀ a venə a ghə̀ŋ nə̀ ətof mu à ku Nyìngòŋ a wen.

2 Bità 3:3

Nò kənyʉ̀ kə to kə ki a ma kəŋ la ghə̀ŋ ə kɨ diʼ la, à lu ndiʼ a mətsi mə bàm ə viʼi fʉ vì, ntsi to ntsìnə̀ njòsə wen, be chəʼ ghə̀ŋ,

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

Kəmwetə 2:21

Mà tə kù əzhʉ à wen la ghə̀ kwitə tyɨm ə wen ə̀ ghʉ̀sə mbyɨsə wensə, alì ghə̀ ko kòŋ əghʉsə ntsìnə̀ dzɨ̀mtə̀ lʉmə.

Kəmwetə 3:20

Ghə̀ŋ zhʉtə a! Mà ti a chʉ ə ngə̀ŋ kùmtə̀, mu à zhʉ̀ tè ndò ə̀ zhʉ̀ gɨ̀ ghom ə̀ bòʼ, mà à kwen ə̀ vì yo wen ə ndiʼ a kənyʉ̀ kə mùʼ be zhɨ a muʼu.