Lumans 2:20 - The New Testament in the Babanki language

²⁰ la ghə̀ŋ tisə nkoyn, diʼ ndìʼsə̀sə sə voyndyə byìʼì ando ghə̀ŋ kɨli no tèbe gho a yi a Əsoʼ ə gàʼa be kɨ no tèbe gho a yi a ghə̀ diʼi nəmwèʼè?

Lumans 2:20 Iomraidhean Croise

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Lumans 2:19

A ghə̀ŋ kɨli la ghə̀ŋ diʼi ji a nfyɨfə be diʼi əbayn a viʼi ətɨm vi a və tsi a kəbəŋ kə fenəkə,

Lumans 3:31

Kə ko diʼi tebè la vəghəŋ maʼa Əsoʼ luwen byìʼì byɨmə ə vəghəŋ. Vəghəŋ boŋsə diʼ ə shɨtə ə ghaʼ Əsoʼ luwen ando vəghəŋ byɨmə li lə̀.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

1 Kolìntyàns 3:1

Ma ə zizi ko ma lù gàʼà a ghə̀ŋ a vəlemə vwomə a byɨmə ando ma gàʼa a viʼi vyi a və kiʼi kəzhwì kə Ŋwoʼkə. Ma ngàʼà a ghə̀ŋ to sə mà gàʼà a viʼi mbyi, a nə̀ voyndyə a əbyɨmə a Yesò.

2 Timotì 1:13

Shɨtə ghaʼ nəmwèʼè a ghèn a mà ziʼi à wù lə ə nziʼi à viʼi vətsenvə. Wù sə ə ne ənyʉ̀ a venə, wu shɨ̀tə̀ ghaʼ byɨmə ə wu nə̀ əkòŋ yi a vəghəŋ ə kiʼi à Yesò Klistò.

2 Timotì 3:5

Vəwenə lu ə nfɨsə̀ viʼi vyi a və ghoʼsə Nyìngòŋ, alì ken la vəwenə əzhʉ fa wen no fa mpfen. Kə wù ə nkiʼ kənyʉ̀ kətsenkə ə ne we nkì ə viʼi a venə.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

Hibùlù 5:13

Nò ndo yi a ghə̀ bo nyoŋ to zhwin a diʼ wàyn ə bwaʼa, ko ghə̀ lə yen ə kɨ kənyʉ̀ ki a kə diʼ kənyʉ̀ kə tɨməkə ashi Nyìngòŋ.

Jems 3:1

Kə nghoʼo ghə̀ŋ à ndiʼ ndìʼsə̀sə a vəlèmə̀ vwomə. Ghə̀ŋ ə kɨ la Nyìngòŋ lu soʼ vəghəŋ vi a və diʼì ndìʼsə̀sə chò viʼi vətsenvə.

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.