Lumans 2:2 - The New Testament in the Babanki language

² Vəghəŋ ə kɨ la Nyìngòŋ ə soʼo viʼi vyi a və ne nki nyʉ̀ venə, gàʼa no tè la gho, byìʼì wìʼ mu a diʼ to nəmwèʼè.

Lumans 2:2 Iomraidhean Croise

Shwèʼ 17:31

Nyìngòŋ nlù gàʼ a lì byìʼàndo ghə̀ ndìʼ mu ghə̀ ghʉ li kətsi kì a ghə̀ lu soʼ viʼi vətsèm tsu a mbi ashə̀ a ji tɨmə. Ghə̀ lu nè wìʼ, yì a ghə̀ ntsuʼ li ə̀ ghʉ soʼ viʼi avenə à wen. Ghə̀ diʼì li kənyʉ̀ a kènkə ə̀ myètə̀ a ndayn a ji la ghə̀ tə nè wìʼ ayì bwènsə̀ lù fà pfʉ.”

Lumans 2:1

Wù zi ko wù lu soʼ wu ə tsen kò à diʼ te ndò, byìʼì ando wù ne to nyʉ̀ vyi a viʼi a venə ə nè. Wù soʼo viʼi, gàʼa no tèbe la gho, kə bwènsə̀ ghaʼa to wù.

Lumans 2:3

Ghə̀ŋ kwoʼtə la gho? La wù lə zi wu ə soʼo viʼi a nyʉ̀, ne to wenəvə, wù lù tyen ale la kə Nyìngòŋ soʼ wù a?

Lumans 2:5

Wù boŋsə ne la tin nə̀ Nyìngòŋ ə fwi dyʉ̀ to ambì byìʼàndo wù to li kətʉ̀ ko wù lù kòŋ ə kwitə. Nyìngòŋ ə lu diʼ la ghə̀ fwisə li tin a wù a kətsi kə nsòʼ ə wen ə soʼ wù to fəchìʼ.

Lumans 9:14

Vəghəŋ lə gaʼa la gho luwen a? Və le gaʼa la Nyìngòŋ ə ko ne nyʉ̀ ndə̀ŋndəŋ mu? Kə ko diʼ ali no faphen!

Kəmwetə 16:5

Mà zhʉ ntsɨ̀ŋ ngə̀ŋ ə̀ Nyìngòŋ a ghə̀ kiʼì kədyòʼ a ə̀mu gàʼ la, “Wù soʼ li nsoʼsə shyə̀sə ntinə a ji tɨmə, A dìʼ wù yì a wu diʼì, mu wù tə ndiʼ à be diʼ tò wù a wù ə diʼì wu ŋwoʼə.

Kəmwetə 19:2

Ghə̀ soʼo tò nəmwèʼè be soʼo tò a ji ə tɨmə. Nyìngòŋ ə soʼo li ə̀ njèʼtə̀sə a ghə̀ ə̀ lobtə viʼi nse və tsi nə̀ wen lì. Ghə̀ bwensə̀ li ə̀ nloʼ wen ando ghə̀ tə̀ nzhwilə̀ viʼi shwèʼ ə wen.”