Lumans 2:16 - The New Testament in the Babanki language

¹⁶ Kətsi kə lu vi ə Nyìngòŋ gàʼ Yesò Klistò soʼ nyʉ̀ ə lyomtəvə no ə tsèm a və diʼi a viʼi a təkwòʼtə̀ to ndə̀ŋndəŋ ando və nyòʼ li a ntɨm ə jùŋ yi a ma shə̀ʼtə̀.

Lumans 2:16 Iomraidhean Croise

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Ŋwàʼlə̀ Luk 8:17

“No ghò a və sətsèn nlyòmtə̀, və lù kəŋ ə vì nə̀ wen a ndayn, a nlyòmtə̀ tè kənyʉ̀ kə kò, kò kə lə faŋ ke fʉ̀ a ndayn.

Joyn 12:48

A tyen te ndo tyen mo nə̀ gàʼ ə ghomə, nyʉ̀ vyi a mà gàʼa lù soʼo wen a kətsi kə ə bàm.

Shwèʼ 10:42

Ghə̀ ku a soʼ la yès shə̀ʼtə̀ ntɨm jùŋ ə̀ dìʼ nəmwèʼè la ghə̀ dìʼ wìʼ yì a Nyìngòŋ ntsuʼ li ə̀ ghʉ la ghə̀ nsoʼo viʼi a və diʼì və to nə̀ vi a və pfʉkə li.

Shwèʼ 17:31

Nyìngòŋ nlù gàʼ a lì byìʼàndo ghə̀ ndìʼ mu ghə̀ ghʉ li kətsi kì a ghə̀ lu soʼ viʼi vətsèm tsu a mbi ashə̀ a ji tɨmə. Ghə̀ lu nè wìʼ, yì a ghə̀ ntsuʼ li ə̀ ghʉ soʼ viʼi avenə à wen. Ghə̀ diʼì li kənyʉ̀ a kènkə ə̀ myètə̀ a ndayn a ji la ghə̀ tə nè wìʼ ayì bwènsə̀ lù fà pfʉ.”

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

Lumans 2:5

Wù boŋsə ne la tin nə̀ Nyìngòŋ ə fwi dyʉ̀ to ambì byìʼàndo wù to li kətʉ̀ ko wù lù kòŋ ə kwitə. Nyìngòŋ ə lu diʼ la ghə̀ fwisə li tin a wù a kətsi kə nsòʼ ə wen ə soʼ wù to fəchìʼ.

Lumans 3:6

Alì, kə zizi ko kə lu ndiʼ alə̀ no fa mphen! Nyìngòŋ ə sətsen ə faŋ ke diʼ fəchìʼ, ghə̀ lu soʼ viʼi mbyi ale?

1 Kolìntyàns 15:1

Ma kəŋ luwen a vəlemə vwomə ə dzɨŋtə ghə̀ŋ nə̀ ntɨm ə jùŋ yì a ma ə nshə̀ʼtə̀ a ghə̀ŋ, ghə̀ŋ zhʉ ə byɨmə ə sə ti to tsu.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

Gàlesìyà 1:11

Vəlemə vwomə a byɨmə, ma kəŋə la ghə̀ŋ ə kɨ la ntɨm ə jùŋ yì a ma shə̀ʼtə̀ ə ko lù fa wìʼ.

1 Timotì 1:11

Ənyʉ̀ a venə ə diʼ a ntìntìn ntɨm ə jùŋ yi a Nyìngòŋ ku la mà shə̀ʼtə̀. A diʼ Nyìngòŋ kaynə yì a viʼi ə kuʼsə.

2 Timotì 2:8

Kwòʼtə̀ Yesò Klistò. Ghə̀ nfʉ̀ fa ngwaʼ ə ngə̀ŋ ə̀ Devìt. Nyìngòŋ ə lusə li wen fa ə pfʉ, a diʼ ntɨm ə jùŋ yi a ma shə̀ʼtə̀.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Hibùlù 9:27

Və ghʉ̀ li la wìʼ lu pfʉ to ghayn əmùʼ, à na sə diʼ ando ghə̀ pfʉ, ghə̀ tɨmə ashɨ ə nsòʼ Nyìngòŋ.

1 Bità 4:5

Alì, kətsi kə ə kuʼu vì a Nyìngòŋ lu soʼ viʼi vətsèm, soʼ və to və benə və pfʉkəvə. Vəwenə lu taŋ chʉ̀ vəwenə a Nyìngòŋ.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.