Lumans 2:15 - The New Testament in the Babanki language

¹⁵ Vəwenə ne ali, kə ə diʼi la Nyìngòŋ ə nyòʼò li kənyʉ̀ ki a Əsoʼ ə kəŋ a vəwenə tətyɨm. Təkwòʼtə̀ tə vəwenə ti to nəmwèʼè, tomsə vəwenə, be gyamtə vəwenə.

Lumans 2:15 Iomraidhean Croise

Joyn 8:9

Vəwenə zhʉ ali ə sə lu kə to fəmùʼ fəmùʼ, zìtə̀ fa viʼi vətokəvə, ə na lù to li a faŋ to Yesò, wenə wùwì ayi ghə̀ ə bo ti to tsu.

Shwèʼ 23:1

Bol ki dyʉ̀sə̀ nə̀ viʼi vi a ntsèntə̀ ayì ə̀ gàʼ à vəwenə la, “Vəlèmə̀ vwomə, mà ko kwòʼò kwoʼ la ntsìnə̀ yì a mà tsi a shɨ Nyìngòŋ ə zaʼa fa layn dìʼ ale lo. Mà kɨ la ghə̀ dìʼ to nkàyn”

Shwèʼ 24:16

A le kənyʉ̀ a kə ne mà sə mwòmsə no məzhʉ̀ ntsèm nkiʼ ətyɨm ə laynə ghə̀ a shɨ Nyìngòŋ bènə̀ a shɨ viʼi.

Lumans 2:14

Viʼi ətɨm ə ko nkiʼi Əsoʼ, kə sə diʼi la vəwenə sə kɨ kənyʉ̀ ki a və diʼ ə ne, no tèbe ando vəwenə ə ko kɨ Əsoʼ.

Lumans 2:27

Wù kətɨm sətsèn ə ndiʼ ko andiʼ la və shətə li ndyə̀ wen to nə̀ avù ali ghə̀ zhʉ to fa Əsoʼ, ghə̀ lù soʼ byɨbsə ghə̀ŋ vi a və shətə li və mbe nyòʼ ku Əsoʼ a ghə̀ŋ, ali ko ghə̀ŋ lu zhʉ byɨmə.

Lumans 9:1

Ma kəŋ ə gàʼ kənyʉ̀ luwen kə diʼ to no nəmwèʼè, fʉ̀ to no fa mo tyɨm, à diʼi Kəzhwì kə Ŋwoʼkə. Ma gàʼa to nəmwèʼè byìʼì ando ma diʼi to kənyʉ̀ kə mùʼ yo Yesò.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

2 Kolìntyàns 5:11

Yès ə fwaynə Bobo byìʼì ando və kɨli la kə bòŋ la və nfwaynə wen. A le kənyʉ̀ ki a yès ə sensə viʼi la və vi a wen. Nyìngòŋ kɨ no tèbe ghò kumə yès, ma be kwoʼtə la ghə̀ŋ be shətə kɨ yès a ghə̀ŋ a tətyɨm.

1 Timotì 4:2

Tənkì tə əziʼi a tentə ə diʼ ə ziʼi ndìʼsə̀sə ə ndzɨŋsə, ko tətof tə vəwenə tə ko be tɨmə, mu tə pfʉ li sə diʼ sə və nyʉ̀ʼ nə̀ zhiʼ.

Taytùs 1:15

Əfò tsèm ə laynə à viʼi a tətyɨm tə vəwenə tə laynə, alì ko kəfo kə laynə à viʼi a tətyɨm tə vəwenə tə ko laynə kènla vəwenə byɨmə à Klistò byìʼàndo tətyɨm tə vəwenə, nə̀ təkwòʼtə̀ tə vəwenə tə sə diʼ mu tə byɨf li.