Lumans 2:14 - The New Testament in the Babanki language

¹⁴ Viʼi ətɨm ə ko nkiʼi Əsoʼ, kə sə diʼi la vəwenə sə kɨ kənyʉ̀ ki a və diʼ ə ne, no tèbe ando vəwenə ə ko kɨ Əsoʼ.

Lumans 2:14 Iomraidhean Croise

Shwèʼ 10:35

mu wù yì fʉ̀ tè fa loʼ kò, ə̀ ngumlə̀ wen be nè nyʉ̀ vyi a ghə̀ kəŋə ghə̀ ne nkòŋə̀ wù.

Shwèʼ 14:16

Andìʼ a mbì, Nyìngòŋ aghèn ghʉsə la no ndò ndyʉ̀ a ji a ghə̀ kòŋə̀,

Shwèʼ 17:30

Nyìngòŋ ghʉ li la ghə̀ zì kò ghə̀ a ku ngəʼ à wìʼ byìʼì mətsi mì a wìʼ nko ntɨmə̀ kɨ̀ kənyʉ̀ byìʼì wen lì, alì gàʼà à no tè ndò, no tè fe luwèn la ghə̀ kwitə tyɨm wen fà wen a nyʉ̀ byɨvə.

Lumans 1:32

Vəwenə ə ne nyʉ̀ a venə, be tomsə viʼi vətsenvə vi a və ne nyʉ̀ byɨvə a vyi no tèbe ando vəwenə ə kɨ əsoʼ ə Nyìngòŋ yì a ghə̀ gaʼa la viʼi vyi a və tsi a ji a ghèn diʼ ne pfʉkə.

Lumans 2:12

Və lu soʼ byɨbsə viʼi ətɨm vi a və ne mbyɨ no və tsèm byìʼì mbyɨsə vəwenə no tèbe ando vəwenə ə ko kɨ Əsoʼ ə Mosìs, ə sə dyʉ̀ a viʼi Jus ə soʼ byɨbsə vəwenə no və tsèm byìʼàndo vəwenə ne mbyɨ ali kɨ əsoʼ a ghèn nə̀.

Lumans 2:15

Vəwenə ne ali, kə ə diʼi la Nyìngòŋ ə nyòʼò li kənyʉ̀ ki a Əsoʼ ə kəŋ a vəwenə tətyɨm. Təkwòʼtə̀ tə vəwenə ti to nəmwèʼè, tomsə vəwenə, be gyamtə vəwenə.

Lumans 2:27

Wù kətɨm sətsèn ə ndiʼ ko andiʼ la və shətə li ndyə̀ wen to nə̀ avù ali ghə̀ zhʉ to fa Əsoʼ, ghə̀ lù soʼ byɨbsə ghə̀ŋ vi a və shətə li və mbe nyòʼ ku Əsoʼ a ghə̀ŋ, ali ko ghə̀ŋ lu zhʉ byɨmə.

1 Kolìntyàns 11:14

A ji yi a mbyi diʼ fa tsu ə diʼi to no la, à diʼ kənyʉ̀ kə kətʉ kədiʼkə a wulɨm ghə̀ nkuʼsə kətʉ.

1 Kolìntyàns 9:21

Ma dyʉ̀ a viʼi a və ko ghʉ̀ tebè əsoʼ, ma sədiʼ to nə̀ wìʼ a ghə̀ ko ghʉ̀ ə əsoʼ. Nakènkə ko diʼi la ma diʼ alə ko ma, ghʉ̀ əsoʼ ə Nyìngòŋ. Ma ghʉ̀ to no əsoʼ ə Yesò, ali ə dyʉ̀ a viʼi vyi a və ko ghʉ̀ tebè əsoʼ, ma sə ne to alə ndiʼ ə ne la vəwenə tuʼu byɨmə, to kədə̀ŋ.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.

Efisyàns 2:3

Vəghəŋ vətsèm ə ntsi to nə̀ viʼi və byɨvə a venə fa ambì, ne to nyʉ̀ ə byɨvə vyi a njòsə əwen ə vəghəŋ sə kòŋ, a fwomə tèbe ghò a vəghəŋ, vəghəŋ ne to ne ando əkwoʼtə ə̀ vəghəŋ kəŋ. Mbyɨ a sensə ndiʼ nè Nyìngòŋ kù ə ngəʼ a vəghəŋ ando ghə̀ ndiʼ ə kù a viʼi mbyi.

Filìbàyns 4:8

Vəlèmə̀ vwomə ə kəmwetə, ghə̀ŋ ghʉ təkwòʼtə̀ təŋtə no tè a ghò yì a ghə̀ bòŋə̀ be diʼ və nghoʼsə̀,nyʉ venə diʼ ənyʉ̀ vyi a diʼì ənyʉ̀ nəmwèʼè, ənyʉ̀ vyi a və diʼì ə və jùŋvə, ənyʉ̀ vyi a diʼ ənyʉ̀ ə̀ tɨməvə, ənyʉ̀ vyi a diʼ ənyʉ̀ ŋwoʼvə, ənyʉ̀ a viʼi diʼ ə nkòŋə̀ bènə̀ ənyʉ̀ a və diʼì ə və ntemə təpfem tsu.