Lumans 16:5 - The New Testament in the Babanki language

⁵ Ghə̀ŋ toŋtə ənòyn ə viʼi və byɨməvə vi a və tsèntə a vəwenə ngə̀ŋ. Ghə̀ŋ toŋtə Èbènetùs, ə wùndoŋ ghom ə jùŋ yì. Ghə̀ ə ndiʼ mbì wìʼ ə byɨmə a Yesò alòʼ ə Esìyà.

Lumans 16:5 Iomraidhean Croise

Matìyò 18:20

Byìʼàndo viʼi sətsèn ŋwʉʼʉ tè fe əzaʼa vəbò ko vətaʼ à mò à zhiʼ mu mà dìʼ yo vəwenə.”

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Shwèʼ 18:12

Andìʼ ando və ghʉ̀ Galiyò la ghə̀ nsoʼo shə loʼ ayi a və ndzàŋə̀ nə̀ Akayà, Vəjew vətsenvə tsèntə̀ ghàʼ Bol ə̀ dyʉ̀ nə̀ wen a kəshi kə nsoʼ

Shwèʼ 18:27

A sə ndiʼ ando Abolòs ngàʼà la ghə̀ a kòŋ ətɨmə dyʉ̀ a Akayà, viʼi vəbyɨməvə a Efesùs gyàmtə̀ wen ə̀ nyòʼ ŋwàʼlə̀ à viʼi vəbyɨməvə a Akayà gàʼà la vəwenə shisə wen no a nkàyn. Ghə̀ tɨmə̀ ə̀ dyʉ̀ tsu ə̀ sə ku gyàmtə̀ ghoʼghə à viʼi vyi a və sə ndiʼ mu və byɨmə li byìʼì bòŋə̀ tyɨm ə Nyìngòŋ.

Shwèʼ 2:9

Vəghəŋ dìʼ a shèn vətsenvə diʼ mu və lù fa shyə Balthia, fa shyə Midìyà nə̀ Elam, fa Mesobotamiyà, fa Judiyà nə̀ Kabadosiyà, fa Bontùs nə̀ fa Asìyà.

Lumans 11:16

Və sətsen byə̀ʼ kəbayn ə kù a Nyìngòŋ a ambì, kə ne diʼi la no əghɨf ə kəbayn na yì no tsèm ə kiʼ to Nyìngòŋ, mu aghaŋ ə fəkoʼ ə sətsèn ndiʼ a nse, a kiʼ Nyìngòŋ, kə ne diʼi la à kiʼi wen kiʼi tə ntam ə tyitə.

Lumans 15:26

byìʼì ando viʼi və byɨməvə a Màsìdonìyà nə̀ viʼi a Akayà tə nsaŋlə ə mòʼ əko la və gyàmtə̀ viʼi Nyìngòŋ vyi a və femə a Jelusalèm.

Lumans 16:12

Ghə̀ŋ toŋtə Tìfenà wenə Tìfosà, ə viʼi ə shyèʼ ə Bobo, ə tòŋtə Besìs, ə lèmə̀ vəghəŋ ə jùŋ. Ghə̀ shyèʼ li a Bobo no nànto.

Lumans 16:4

Vəwenə shisə li mò fa chʉ̀ ə pfʉ̀ ə sə boʼsə ə pfʉkə no fa vəwenə ngeŋsə. A ko ku to mo ku kəzòŋ a vəwenə, ntsèntə̀sə viʼi ətɨm viʼi və byɨməvə be ku.

Lumans 16:6

Ghə̀ŋ toŋtə Mèli. Ghə̀ shyèʼ li no nə̀ kədyoʼkə a ghə̀ŋ.

Lumans 16:8

Ghə̀ŋ toŋtə Ambìlatùs a mò. Ghə̀ diʼ wùndoŋ ghom ə jùŋ, a tyi Bobo.

1 Kolìntyàns 16:15

Ghə̀ŋ kɨli Sɨ̀tèfanàs a vəlemə vwomə, wenə viʼi ngwaʼ ə wen diʼi mbìsə viʼi əbyɨmə Akayà. Vəwenə ku li təwen tə vəwenə sə gyamtə viʼi Nyìngòŋ. Ma sə sensə ghə̀ŋ la,

1 Kolìntyàns 16:19

Ntsèntə̀ sə viʼi Nyìngòŋ shisə a sə diʼi ashen a Esìyà gàʼ la mà toŋtə ghə̀ŋ. Akwilà wenə Bìsilà nə̀ ntsèntə̀ viʼi və byɨməvə vi a ghə̀ŋ ghaʼa a vəwenə a ngə̀ŋ gàʼ la mà toŋtə ghə̀ŋ no akayn a əzhiʼ ə Bobo.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

2 Kolìntyàns 9:2

byìʼì ando ma kɨli la ghə̀ŋ sə bvɨtə ə gyàmtə̀. Ma tə sə zhʉ kənyʉ̀ a ki ando viʼi Màsìdonìyà gàʼ la, ghə̀ŋ viʼi Akayà tə sə bvɨtə ə ku no fa ngʉ̀sə a sə cho li. Vəwenə tə zhʉ̀ əwen vəwenə sə fwomə vəwenə sə be kòŋ no nànto ə ku.

Kòlòsyàns 4:15

Ghə̀ŋ toŋtə vəlemə və vəghəŋ vi a və diʼ a Làdisìyà a yes ə be tòŋtə Nimfà nə̀ ənòyn ə viʼi və byɨməvə vyi a və tsèntə a wen a ngə̀ŋ.

Filimùyn 1:2

Yes ə be toŋtə lèmə̀ ə vəghəŋ Afiyà a diʼ wù byɨmə, be nə̀ Akibùs a ghə̀ shə̀ʼtə̀ ntɨm ə jùŋ no nə̀ kədyoʼkə ndə̀ŋndəŋ to nə̀ vəghəŋ. Yès ə be tɨmə ətoŋtə a ənòyn ə viʼi və byɨməvə vi a və tsèntə kuʼsə Nyìngòŋ a wù a ngə̀ŋ.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

3 Joyn 1:1

A nyòʼò mò ə chəʼ ə̀ ngə̀ŋ Nyìngòŋ nyòʼò ŋwàʼlə̀ ghèn à wù ə Gayòs ə̀ wù ndoŋ ə̀ mò a mà kòŋə̀ no nəmwèʼè.

Kəmwetə 14:4

Viʼi avenə ndìʼ vi a vəwenə nko byɨsə təwen tə vəwenə wenə̀ və ki; à dìʼ vəwenə a vəwenə dzɨ̀mtə̀ wàyn bi ənjɨ̀ no fe a ghə̀ dyʉ̀; à dìʼ vəwenə a və̀ ndìʼ mu və zen li kətʉ kə vəwenə fà Wùmə̀nsòŋ vəwenə sə diʼ mbì ashɨ nkòʼ à Nyìngòŋ wenə̀ wàyn bi ənjɨ̀.