Lumans 16:26 - The New Testament in the Babanki language

²⁶ luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

Lumans 16:26 Iomraidhean Croise

Ŋwàʼlə̀ Mak 16:15

Ghə̀ mù gàʼ à vəwenə la, “Ghə̀ŋ dyʉ̀ a təshyə tə mbi no tətsèm ə̀ shə̀ʼtə̀ ntɨm jùŋə̀ à viʼi vətsèm.

Shwèʼ 10:43

A dìʼ byìʼì wen a nshə̀ʼtə̀sə ghoʼkəsə no sətsèm nlù gàʼ la, à byɨmə tè ndò à wen, Nyìngòŋ a lyesə nyʉ̀ byɨvə wen byìʼì Yesò.”

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

Lumans 1:2

Ntɨm ə jùŋ a ghèn ndiʼ mu Nyìngòŋ ə ghʉ̀ no fa kəghaf ə gàʼ nshə̀ʼtə̀ sə ghoʼkəsə ə wen sə nyòʼ a Ŋwàʼlə̀ Nyìngòŋ.

Lumans 1:20

Viʼi sə diʼ mù və yen li la kədyòʼ kə ə Nyìngòŋ kə zizi ko lu ə mè, be yen la ghə̀ diʼ to no Nyìngòŋ nəmwèʼè fa chʉʼ a ghə̀ ə nshɨtə mbi. Na venə ə diʼ nyʉ̀, a və ko yenə nə̀ ashɨ, ali kɨ byìʼì əfo vi a ghə̀ shɨtə li. A lə kənyʉ̀ ki a wìʼ zizi ko ghə̀ lu be taŋ laynə fa nsòʼ ando ghə̀ gàʼ la yi ə ko ə kɨ kənyʉ̀ kùm Nyìngòŋ.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 15:18

Mà zizi ko ma lu mwomsə ə gàʼ kənyʉ̀ a bwen to kikə a Yesò ə nè chò fa a mo. Ghə̀ nè li ma lyɨ ə dyʉ̀ nə̀ viʼi ətɨm ashɨ Nyìngòŋ, vəwenə sə zhʉ to fa wen, a diʼ byìʼì ə nyʉ̀ vyi a mà gàʼa nə̀ vi a mà nè.

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Lumans 3:21

Ali ke sə diʼ mù ghə̀ diʼi li ji yì a ghə̀ ghʉ viʼi kənyʉ̀ kətɨməkə fa tsù, ke ko kiʼi kənyʉ̀ ə ne nə̀ əsoʼ. Ŋwàʼlə̀ Əsoʼ yi a Mosìs ə nyoʼo nə̀ nshə̀ʼtə̀ sə ghoʼkəsə ə tsèntə diʼi ji a ghèn.

Gàlesìyà 3:8

Ŋwàʼlə̀ Nyìngòŋ sə diʼ mù ghə̀ nshə̀ʼtə̀ li la, Nyìngòŋ ə lu nè ə viʼi kətɨm ə vəwenə ndiʼ viʼi kənyʉ̀ kətɨməkə byìʼì əbyɨmə ə vəwenə. Byìʼì kənyʉ̀ a kenkə, Nyìngòŋ ə be mu shə̀ʼtə̀ ntɨm ə jùŋ a mbì a Ablaham la, “Ma lu bwaʼsə viʼi təloʼ tə tsèm chò fa wù”.

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

Efisyàns 2:20

Ghə̀ŋ diʼ ngə̀ŋ mu və bwom a ntsìnə̀ yì nə̀ əziʼi yì a viʼi ntɨm ə Yesò, nə̀ nshə̀ʼtə̀sə ghoʼkəsə ə ziʼi kùmə̀, ngùʼ bù ə ngə̀ŋ a ghèn adiʼ to no Yesò Klistò nə̀ wèn ə wen.

Kòlòsyàns 1:26

Ntɨm ə jùŋə yi a Nyìngòŋ ə ndiʼ mu ghə̀ lyomtə li fa viʼi fa ambì no vətsèm, ali ndiʼi luwen a viʼi wen.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

2 Timotì 1:10

Luwèn sə ə dìʼ mu ghə̀ diʼi li ətyɨm ə jùŋ ghə̀ a ghenə a jì la Yesò Klistò, ə Mbwòŋsə̀ vəghəŋ nvi li. Ghə̀ nvi li ne la kə pfʉ mbe kiʼ kədyòʼ kùmə̀ vəghəŋ. Ghə̀ ziʼi li ntɨm ə jùŋ ə ne la vəghəŋ ə kɨ ntsìnə̀ yi a ghə̀ ko lə mè.

Hibùlù 13:8

Yesò Klistò diʼ layn, to ndə̀ŋndəŋ ando ghə̀ nə̀ ndiʼ fa ambì, diʼ lu ndiʼ to ali zaʼa fa no fa ze.

Hibùlù 9:14

Mənlyuŋ mə nyàm ə sətsen ndiʼ nè la wìʼ ndiʼ nə̀ laynə to ando kə ndiʼ, mənlyuŋ mə Yesò ne mɨŋsə kiʼi kədyòʼ ə ne ə wìʼ ndiʼ nə̀ laynə ale? Ghə̀ ə nkuli wenə wen a Nyìngòŋ a kəku, ko ghə̀ kiʼ əmbyɨ, mu gyàmtə̀ Kəzhwì ki a kə diʼ to məzhʉ̀ ə tsèm. Ghə̀ nè alə ə shʉ̀ ə laynsə tətyɨm tə vəghəŋ fa nyʉ̀ yì a və vi nə̀ pfʉ ndi vəghəŋ ə̀ kuʼsə Nyìngòŋ yi a ghə̀ tsi.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Kəmwetə 1:17

Mà ə̀ nyèn ə wen no a zhʉ̀ kò ə̀ fə̀ŋ à wen a shɨ sə̀ diʼ to nə̀ ə mpfʉ nse. Ghə̀ ghʉ kəvu kəkwoŋ ə toghə wen à mò a kətʉ ə̀ gàʼ la, “Kə a fàyn! mà dìʼi ə mbì be diʼ ə bàm,

Kəmwetə 19:10

Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.