Lumans 16:20 - The New Testament in the Babanki language

²⁰ Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

Lumans 16:20 Iomraidhean Croise

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Ŋwàʼlə̀ Luk 10:19

Ghə̀ŋ kɨ la mà kuli adyòʼ à ghə̀ŋ a ghə̀ŋ zì ghə̀ŋ tùʼlə̀ zhusə nə̀ təŋam be nku kədyòʼ la ghə̀ŋ to chò viʼi kəbàyn, ghə̀ŋ no a jisə tsèm, kò no kəfo kə a lyomsə ghə̀ŋ.

Lumans 15:33

Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

Lumans 16:23

Gayòs ə be toŋtə ghə̀ŋ. Ma tsi a wen a ngə̀ŋ, viʼi və byɨməvə no vətsèm ə vi tsèntə tsu. Èlasɨtùs yi a ghə̀ tuʼmə nə̀ nyʉ̀ əko a ntə̀ʼ a shèn wenə lèmə̀ vəghəŋ Katùs ə be tɨmə ətoŋtə.

Lumans 16:24

(“Bobo vəghəŋ Yesò Klistò ə diʼi ətyɨm ə jùŋə a ghə̀ŋ no vətsèm. Amèyn.”)

Lumans 8:37

Kəfo kə zizi ko kə lu be ghəsə vəghəŋ fa kòŋ ə Yesò byìʼì ando vəghəŋ ə temə zhɨ̀ to ji sə tsèm nə̀ kədyòʼ kə wen kə, a diʼ byìʼì ando ghə̀ kòŋ vəghəŋ.

1 Kolìntyàns 16:23

Bobo Yesò ə ndiʼi ətyɨm ə jùŋə ə wen a ghə̀ŋ.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

Gàlesìyà 6:18

Vəlemə vwomə a byɨmə, ma jɨ̀mə̀ la Bobo vəghəŋ Yesò Klistò diʼi ətyɨm ə jùŋ ghə̀ ə wen a ghə̀ŋ. Amèyn.

Filìbàyns 4:23

Əboŋə tyɨm ə̀ Bobo Yesò Klistò ə ndiʼ à ghə̀ŋ vətsèm.

1 Tèsàlonyà 5:28

Bobo vəghəŋ Yesò Klistò ə diʼi ətyɨm ə jùŋ ghə̀ wen a ghə̀ŋ.

2 Tèsàlonyà 3:18

Bobo vəghəŋ Yesò Klistò diʼi ətyɨm ə jùŋə ə wen to a ghə̀ŋ və tsèm.

2 Timotì 4:22

Bobo a gyàmtə̀ wù. Nyìngòŋ ə diʼ ətyɨm ə jùŋ ghə̀ no a ghə̀ŋ və tsèm.

Filimùyn 1:25

Bobo Yesò Klistò ə ndiʼi ətɨm ə jùŋ ghə̀ ə wen a ghə̀ŋ.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Kəmwetə 12:10

Fà yì a bàm, mà zhʉ gɨ̀ ə to ghə̀ gàʼ ə̀ vì fa kàŋ la, “Ə̀bwòŋ nə̀ kədyòʼ nə̀ ə̀soʼ ə fòyn ə Nyìngòŋ ə̀ vəghəŋ bènə̀ àdyoʼ Klistò ə vi li luwèn byìʼàndo və moʼ li ə̀ shiʼsə̀ wen yì a ghə̀ tə nti a shɨ ə̀ Nyìngòŋ vəghəŋ ghàmə̀ vəlèmə̀ və vəghəŋ nə̀nchwì nə̀ nəntʉʼʉ lì.

Kəmwetə 22:21

Bobo Yesò ndiʼi ətɨm ə jùŋə ghə̀ nə̀ wen a viʼi Nyìngòŋ və tsèm. Amèyn.