Lumans 16:2 - The New Testament in the Babanki language

² Ghə̀ vì, ghə̀ŋ shɨtə shisə wen a zhiʼ ə Nyìngòŋ to no a ji yi a viʼi Nyìngòŋ ə diʼ ə shisə vəlemə fa tsu. Ghə̀ŋ shisə wen, ghə̀ŋ ku no tèbe ə gyàmtə̀ ə kò a ghə̀ kəŋ byìʼì ando ghə̀ gyàmtə̀ li viʼi, to kədə̀ŋ ə be gyàmtə̀ nkàyntə mò.

Lumans 16:2 Iomraidhean Croise

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Shwèʼ 9:36

Andìʼ a Joba, wùwì byɨmə tsen diʼ tsu a zhiʼ wen ndìʼ Tabita, andiʼ a gaʼa Glis zhiʼ a ghenə diʼ Dokas, kənàʼ ki diʼ “ngo.” Ghə̀ nè tò nyʉ̀ jùŋvə məzhʉ tsèm be ku gyàmtə̀ à viʼi kəmfem.

Shwèʼ 9:39

Bità wenə̀ vəwenə lù dyʉ̀ zaʼa tsu, və lyɨ̀ wen ghə̀ kuʼ a tì ngə̀ŋ kàŋ ayì. Ki mpfʉ no vətsèm fa ntə̀ʼ ayì zhùŋtə̀ kàʼa wen mù sə̀ dì, dìʼì ndisə tin shìsə bènə̀ gwʉ̀nə̀ vi a Dokas ntasə̀ a vəwenə à wen.

Shwèʼ 9:41

Bità gyàmtə̀ tsòʼsə̀ wen ghə̀ lù tɨ̀mə mù dzàŋtə̀ viʼi vəbyɨməvə vyi bènə̀ ki mpfʉ vyi ə̀ dìʼ à vəwenə la ghə̀ diʼ tò to.

Lumans 15:7

Ghə̀ŋ ə̀ shisə vəlemə to ndə̀ŋndəŋ ando Yesò ə shisə li ghə̀ŋ, ndiʼ kùʼsə diʼ a Nyìngòŋ.

Lumans 16:15

Ghə̀ŋ toŋtə Fìlologùs nə̀ Jùliyà nə̀ Nelùs wenə lèmə̀ wen ə wùwì nə̀ Olimbàs nə̀ viʼi və byɨməvə no və tsèm a wenə vəwenə diʼ amuʼ.

Lumans 16:23

Gayòs ə be toŋtə ghə̀ŋ. Ma tsi a wen a ngə̀ŋ, viʼi və byɨməvə no vətsèm ə vi tsèntə tsu. Èlasɨtùs yi a ghə̀ tuʼmə nə̀ nyʉ̀ əko a ntə̀ʼ a shèn wenə lèmə̀ vəghəŋ Katùs ə be tɨmə ətoŋtə.

Lumans 16:6

Ghə̀ŋ toŋtə Mèli. Ghə̀ shyèʼ li no nə̀ kədyoʼkə a ghə̀ŋ.

Lumans 16:9

Ghə̀ŋ toŋtə Obanùs a vəghəŋ vəwenə tsèntə shyèʼ a Yesò benə wùndoŋ ghom Sɨ̀takìs.

Efisyàns 5:3

Ghə̀ŋ diʼ alə̀ diʼ viʼi Nyìngòŋ. Və ko be diʼ zhʉ̀ tèbe kənyʉ̀ kumə ə ndzɨ̀mtə̀ ə ki kò ndzɨ̀mtə̀ ə lʉmə nə̀ ashɨ a bàŋ ghə nə̀ nyʉ̀ ə kəfwaʼlə ə tsenəvə a ghə̀ŋ a ntìntìn. Nki nyʉ̀ a venə, və ko diʼ ə zhʉ a ghə̀ŋ a ntìntìn.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 2:29

Ghə̀ŋ shisə wen a nə̀ lèmə̀ ghə̀ŋ a ghə̀ŋ kiʼi Bobo muʼ. Ghə̀ŋ ə ngumlə̀ nki viʼi venə to nə̀ wen lə̀,

Kòlòsyàns 4:10

Alìstakùs a yo wen diʼ a ngə̀ŋ nfɨŋ gàʼ la mà toŋtə ghə̀ŋ, Mak ə lèmə̀ Bànabàs gàʼ tamə ali. Ghə̀ŋ sə diʼ mù və gaʼa li a ghə̀ŋ kumə Mak. Ghə̀ vi, ghə̀ŋ shisə wen akayn.

1 Timotì 2:10

Vəwenə ə bòŋsə ne a diʼ ənyʉ̀ ə jùŋvə ndi diʼ la vəwenə diʼ ki və byɨməvə.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

Taytùs 2:3

Wù bè diʼ əziʼi ki vətovə to a ndə̀ŋndəŋ jì la vəwenə ntsi a nə̀ viʼi a vəwenə ku li tyɨm vəwenə à Nyìngòŋ, kə vəwenə gàʼà ənyʉ̀ byɨvə byìʼì viʼi vətsenvə, kèn la vəwenə nyʉ məlyʉ̀ʼ bomə̀. Vəwenə diʼ ə ndìʼsə̀ tò ənyʉ̀ juŋəvə

Filimùyn 1:12

Ma bwensə tɨmə wen a wù luwèn lə, kòŋə̀ wen no nə̀ ətyɨm ə ghomə no tsèm.

Filimùyn 1:17

Wù sətsen nkɨ la yowù shwèʼè to kənyʉ̀ kə mùʼ, wù shisə Onesimùs ndə̀ŋndəŋ ando wù ə zizi a wù shisə mo.

2 Joyn 1:10

A sətsèn wìʼ vi à ghə̀ŋ ke ə mvì nə̀ əziʼi aghenə kə ghə̀ŋ à shìsə wen ko toŋtə tè wen.