Lumans 16:1 - The New Testament in the Babanki language

¹ Ma kəŋ la ghə̀ŋ ə kɨ Fobè, ə lèmə̀ vəghəŋ a ngə̀ŋ Nyìngòŋ a Senchilì. Ghə̀ diʼ wù ə shwèʼè tsu.

Lumans 16:1 Iomraidhean Croise

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Ŋwàʼlə̀ Mak 10:30

a ghə̀ ne fàŋ ke kiʼi məbəŋ, nə̀ vəlèmə̀ və wen, nə̀ vəlèmə̀ və wen ki, nə̀ və mpfi, nə̀ vunə, nə̀ təsɨm tə wen a ghàyn ghɨ no tè be a mbi layn, alì və bè tsuʼ aghʉ wen. Kətsi lə vì a ghə̀ a kiʼi bwòŋ a ghə̀ ko lə mè.

Ŋwàʼlə̀ Luk 8:3

A ndiʼ Jowanà, wì wù shyèʼ Helòd yì a və ndzàŋ nə̀ Chuzà, nə̀ Sùsana bènə̀ kyi vətsenvə no və ghoʼo. Vəwenə ngyàmtə̀ tuʼmə nə̀ Yesò wen ndzɨ̀mtə̀sə bàm wen.

Shwèʼ 18:18

Bol bè tsìtə no məntsi alə̀ wenə̀ viʼi vəbyɨməvə a Kolìn ə̀ mù tòŋtə vəwenə ə̀ lù wenə̀ Blisilyà bènə̀ Akwilà fà ntə̀ʼ Senchilì ə̀ dyʉ̀ a loʼ Sylia. Mibu vəwenə sə nkwen a nkanuʼ əlù, mu Bol kom li kətʉ kə wen byìʼàndo ghə̀ ndìʼ mu ghə̀ ghʉ li kənyʉ̀ kətsenkə a məkàyn wenə̀ Nyìngòŋ.

2 Kolìntyàns 3:1

Ghə̀ŋ kwòʼtə̀ la yès be kaʼkə sə gaʼa bwomsə təwen ə tyestə ando viʼi vətsenvə nə̀ nè mu? Yès ko diʼ shi ŋwàʼlə̀ fa viʼi vətsenvə ə a ghə diʼi la yès diʼ viʼi ntɨm, ko yès nkəŋ tebè la ghə̀ŋ nyòʼ və ŋwàʼlə̀ a yès, yès njèʼè nə̀ vəwenə a və diʼi la yès diʼi viʼi ntɨm.

1 Timotì 5:2

Wù lyɨ̀ ki və tovə tò nə̀ vəlì vyə, lyɨ̀ Ngòynsə ki tò nə̀ vəlemə vyə. Wù ə ne ənyʉ̀ a venə lə tò nə̀ kwoʼtə ə laynə ghə̀.

Filimùyn 1:2

Yes ə be toŋtə lèmə̀ ə vəghəŋ Afiyà a diʼ wù byɨmə, be nə̀ Akibùs a ghə̀ shə̀ʼtə̀ ntɨm ə jùŋ no nə̀ kədyoʼkə ndə̀ŋndəŋ to nə̀ vəghəŋ. Yès ə be tɨmə ətoŋtə a ənòyn ə viʼi və byɨməvə vi a və tsèntə kuʼsə Nyìngòŋ a wù a ngə̀ŋ.

Jems 2:15

Lyɨ la lèmə̀ tsen dìʼ kò ghə̀ lu nkiʼ ndisə mòʼ be gho kəfo əzhɨ.