Lumans 15:8 - The New Testament in the Babanki language

⁸ Ghə̀ŋ kɨli la Yesò ə nvi a wù ə shwèʼè a viʼi Jus ə diʼ a vəwenə la kənyʉ̀ kəwʉkə ə Nyìngòŋ ə ko nə̀ fəŋ. Ghə̀ nè alə ə lwinsə kənyʉ̀ kəghʉ kə kì a Nyìngòŋ ə ghʉ a vətìʼ və vəwenə.

Lumans 15:8 Iomraidhean Croise

Matìyò 15:24

Yesò gàʼ à wùwì ayì la, “Nyìngòŋ tɨm mo tò à viʼi Islel vi a və diʼì tò nə̀ byisə vənjɨ̀ sə lekəsə.”

Matìyò 20:28

Kə diʼ tò ndə̀ŋndəŋ ando Wàyn Wìʼ ko tə vì la və shwèʼ à wen. Ghə̀ tə bòŋsə̀ vì nshwèʼè à viʼi, ə ku sò kətʉ wen əzen tʉ viʼi no vəghoʼo.”

Joyn 1:11

Ghə̀ nvi li ə zàʼa to no a vəwenə a loʼ, viʼi wen tyen la və ko a shisə ə wen.

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Lumans 11:22

Ghə̀ŋ kɨ la Nyìngòŋ ə tùʼmə̀ nə̀ viʼi ali, əsoʼ ə wenə to tò ali. Əsoʼ ə wenə ə to a viʼi vyi a və ə wʉ̀sə ji ə tɨmə, ali ghə̀ tùʼmə̀ nə̀ ghə̀ŋ azhʉ̀ a ghə̀ŋ zhʉ̀ tò fa wen, a bwen ali, ghə̀ be a maʼa ghə̀ŋ.

Lumans 11:30

A ghə̀ŋ viʼi ətɨm, ghə̀ŋ nko zhʉ Nyìngòŋ, ali luwen ə sə diʼ mù ghə̀ kusə li nshinsə a ghə̀ŋ byìʼì ando viʼi Jus tyen li ə zhʉ fa wen.

Lumans 15:16

Ghə̀ nè la mà ə̀ diʼ wù ə shwèʼè ə Yesò Klistò, shyèʼ a viʼi ətɨm. Ma shyèʼ to nə̀ pfem ə ngə̀ŋ Nyìngòŋ, shə̀ʼtə̀ ntɨm ə jùŋ Nyìngòŋ a viʼi ətɨm kə diʼ alə̀ to nə̀ kəku a Nyìngòŋ, kəzhwì kə Ŋwoʼkə shʉ̀ laynsə vəwenə, nè la Nyìngòŋ be shi kəku a kì nə̀ saŋlə ghə̀.

Lumans 3:26

Ali sə diʼi luwen la ghə̀ diʼ to fəchìʼ, lyɨ no ndo yi a ghə̀ byɨmə a Yesò a wù kənyʉ̀ kətɨməkə.

Lumans 3:3

Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

Lumans 4:16

Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

1 Kolìntyàns 1:12

Kənyʉ̀ kì a ma gàʼà diʼ la no ndò fa ghə̀ŋ a ntìntìn sə gàʼà to nə̀ nəkwoŋ. Viʼi vətsenvə ə gàʼa la, vəwenə dzɨ̀mtə̀ ziʼi Bol vətsevə gàʼà la, vəwenə dzɨ̀mtə̀ ziʼi Abolòs; vətsevə gàʼà la, vəwenə dzɨ̀mtə̀ ghə̀ Sefàs; vətsevə gàʼà la, vəwenə diʼ a ghə̀ Yesò.

1 Kolìntyàns 10:19

A ghə̀ŋ lə zhʉ̀ kɨ no tèbe kənyʉ̀ kì a ma gàʼà a? Ma gàʼà ə boʼ la əfo ə zhɨvə vyi a və moʼo a əse a nshəʼsə ə diʼ no kəfo kə tsenkə mu, la no nshəʼsə a vyi diʼ kəfo lo?

1 Kolìntyàns 10:29

Ma gàʼà la wù shɨtə ki kwoʼtə ə wen, a ko diʼ yə̀, byìʼì ando ə kwoʼtə̀ ə wù ə kədyàŋ ə ko diʼ ə tàʼsə la kə ma ne ando ma kòŋ.

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.

2 Kolìntyàns 1:20

A diʼ wen a ghə̀ nè no ghò na yi a Nyìngòŋ ə nghʉ kə kwʉ̀ʼ. A lə kənyʉ̀ ki a vəghəŋ nə̀ ngàʼa la, “Amèyn” chò fa a wen azhiʼ, kuʼsə Nyìngòŋ.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.