Lumans 15:33 - The New Testament in the Babanki language

³³ Ma jɨ̀mə̀ la Nyìngòŋ ə Tìʼ mbwaʼmə ə diʼ vye vəwenə. Amèyn.

Lumans 15:33 Iomraidhean Croise

Matìyò 1:23

“Zhʉtə a! wùwì a ghə̀ ko təmə̀ kɨ wulɨm lu gùf ə bwi wàyn wulɨm a və lu chʉ zhiʼ wen nə̀ Emanuwèl a ghə̀ dìʼì la ‘Nyìngòŋ dìʼ wenə vəghəŋ’”.

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

Lumans 16:23

Gayòs ə be toŋtə ghə̀ŋ. Ma tsi a wen a ngə̀ŋ, viʼi və byɨməvə no vətsèm ə vi tsèntə tsu. Èlasɨtùs yi a ghə̀ tuʼmə nə̀ nyʉ̀ əko a ntə̀ʼ a shèn wenə lèmə̀ vəghəŋ Katùs ə be tɨmə ətoŋtə.

1 Kolìntyàns 14:33

Byìʼàndo Nyìngòŋ ə ko kòŋ la viʼi ənè nyʉ̀ to mpfen. Ghə̀ kəŋ la viʼi nə̀ tsi nə̀ mbwaʼmə. A diʼ to lə a ntsèntə̀sə viʼi Nyìngòŋ diʼi ndiʼ no tèbe fe.

2 Kolìntyàns 13:11

Ə mwètə̀ a vəlemə vwomə, ma sə gàʼa la, ghə̀ŋ faŋ to akàyn. Ghə̀ŋ baʼtə̀ ntsìnə̀ shəŋsə. Ghə̀ŋ shə̀tə̀ ghaʼ kənyʉ̀ kì a mà gàʼa. Ghə̀ŋ ntsi tò kənyʉ̀ kə mùʼ, tsi nə̀ mbwaʼmə ndiʼ Nyìngòŋ ghə̀ŋ a ghə̀ kòŋ viʼi be ku mbwaʼmə a ghə̀ŋ, ndiʼ wye vəwenə.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

Efisyàns 6:23

Nyìngòŋ ə, Tìʼ wenə Bobo Yesò Klistò ə ku mbwaʼmə a ghə̀ŋ ə ne la ghə̀ŋ əkòŋmə̀ təwen ə tyəŋtə be mbyɨmə to Klistò.

Filìbàyns 4:9

Ghə̀ŋ ə nè ənyʉ̀ vyi a ghə̀ŋ ziʼì fà mò, vyi a ghə̀ŋ shi fà mò, vi a ghə̀ŋ zhʉ ando mà gàʼà bènə̀ vi a ghə̀ŋ yenə ando mà nè. Sətsen ghə̀ŋ ə nè alə Nyìngòŋ a ku mbwaʼmə̀ a ghə̀ŋ mbe ndi və̀ vəwenə.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

2 Tèsàlonyà 3:16

Ma jɨ̀mə̀ luwen la Nyìngòŋ yi a ghə̀ kù mbwaʼmə nè ghə̀ŋ ə kiʼi mbwaʼmə to məzhʉ̀ ə tsèm, kò à fʉ no tèbe ghò. Bobo faŋ to a ghə̀ŋ vətsèm.

2 Timotì 4:22

Bobo a gyàmtə̀ wù. Nyìngòŋ ə diʼ ətyɨm ə jùŋ ghə̀ no a ghə̀ŋ və tsèm.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.