Lumans 15:31 - The New Testament in the Babanki language

³¹ Ghə̀ŋ ə jɨ̀mə̀ la kə viʼi Jùdiyà vyi a və ko kɨ Nyìngòŋ nè yenə ngəʼ a mò. Ghə̀ŋ be ə njɨ̀mə̀ la Nyìngòŋ nè, viʼi və byɨməvə vyi a Jelusalèm ə saŋlə ə shi ə gyàmtə̀ yì ando mà dyʉ̀ nə̀ wenə ghə̀ a vəwenə.

Lumans 15:31 Iomraidhean Croise

Shwèʼ 22:24

Kətʉ kə vəsugyèʼ kì gàʼ və lyɨ̀ Bol ə̀ kwen ə̀ dyʉ̀ nə̀ wen a tì kəbə̀ŋ kə vəsugyèʼ kì ə̀ ghòm wen no nkàyn ndi ghə̀ shə̀ʼtə̀ la Vəjew venə zɨmə gàʼà nyʉ̀ venə alə̀ byìʼì wen byìʼì ghò lo.

Shwèʼ 25:2

Tʉtʉ vəpfèm və ngə̀ŋ Nyìngòŋ bènə̀ tʉtʉ Vəjew gàʼ nyʉ̀ byɨvə a wen byìʼì Bol. Vəwenə loyn Festus

Shwèʼ 25:24

Festus mù gàʼ la, “Fòn Aglibà bènə̀ viʼi vətsèm a və diʼì a shèn ghə̀ŋ yen a. Ghèn dìʼ wìʼ a Vəjew no vətsèm, vi a və diʼì a Jelusalèm bènə̀ vi a və diʼì a shə̀ ə gàʼ nyʉ̀ no ghoʼo byìʼì wen. Vəwenə tə zɨmə̀ gàʼà la, ghə̀ diʼi pfʉ.

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Lumans 15:25

A diʼ luwen ma dyʉ̀ a Jelusalèm ə gyàmtə̀ viʼi Nyìngòŋ tsu,

1 Kolìntyàns 16:15

Ghə̀ŋ kɨli Sɨ̀tèfanàs a vəlemə vwomə, wenə viʼi ngwaʼ ə wen diʼi mbìsə viʼi əbyɨmə Akayà. Vəwenə ku li təwen tə vəwenə sə gyamtə viʼi Nyìngòŋ. Ma sə sensə ghə̀ŋ la,

2 Kolìntyàns 1:10

Ghə̀ ə bwoŋsə li yès fa chʉ̀ əpfʉ̀ ə, diʼ lù be ə bwoŋsə yes. Yès ə kɨ to no nəmwèʼè la ghə̀ lu bwòŋsə yès.

2 Kolìntyàns 8:4

ku ali sensə yès la yès ku ji, vəwenə ku be bòŋ gyàmtə̀ viʼi Nyìngòŋ vyi a və tsi a Jelusalèm.

2 Kolìntyàns 9:1

Ma kɨli la ma ko tə be diʼ ə nyòʼo a ghə̀ŋ kumə əgyàmtə̀ yì a ghə̀ŋ kiʼi ə tɨm a viʼi Nyìngòŋ a Jelusalèm,

2 Kolìntyàns 9:13

Əshyèʼè a ghenə a ghə̀ŋ ne lə̀ ə diʼi ətyɨm ə jùŋə ghə̀ yì a ghə̀ŋ kiʼi a viʼi, ə be diʼi mwetə la ghə̀ŋ zhʉ ntɨm ə jùŋ ə Yesò yì a ghə̀ŋ jèʼè shə̀ʼtə̀. Kənyʉ̀ na kì ə na ne, viʼi nkuʼsə Nyìngòŋ, to kədə̀ŋ.

1 Tèsàlonyà 2:15

Viʼi Jus vətsenvə ə zhwilə nshə̀ʼtə̀ sə ghoʼkəsə, sətsensə be zhwi Bobo Yesò, ə sə be dzɨ̀mə̀ shisə yes fa ntə̀ʼsə. Vəwenə ə nè la tinə Nyìngòŋ ə fwi, be diʼ viʼi kəbàyn no tèbe a ndò,

2 Tèsàlonyà 3:2

Ghə̀ŋ jɨm tamə la Nyìngòŋ ə shisə yes fa avu ə viʼi vyi a və kiʼi tətyɨm tə byɨtə nə̀ viʼi a və nè nyʉ̀ ə byɨvə. Viʼi vətsenvə ko byɨmə ntɨm ə jùŋ ghèn.

2 Timotì 3:11

Wù yen li ando və tə ntsuʼ kəghʉ ə kom mbè yenə ngəʼ shisə a və tə ku à mò a ntə̀ʼ Antìyòk. Wù kɨ ə nyʉ̀ vyi a və tə chò nə̀ mò a ntə̀ʼ Ikonùm nə̀ Lista, ma kwiʼi tò ətyɨm ə byèʼè ngəʼsə ashi, Bobo shìsə mò fa a ngəʼsə na shìsə no sətsèm.

2 Timotì 4:17

Bobo ə nlu li tɨmə ə tomsə mò la ə mà kiʼi kədyòʼ ə shə̀ʼtə̀ mwetə ntɨm ə jùŋ à viʼi ətɨm vətsèm. Ghə̀ mbè ə bwòŋsə̀ mò fa kəvu ə pfʉ.