Lumans 15:26 - The New Testament in the Babanki language

²⁶ byìʼì ando viʼi və byɨməvə a Màsìdonìyà nə̀ viʼi a Akayà tə nsaŋlə ə mòʼ əko la və gyàmtə̀ viʼi Nyìngòŋ vyi a və femə a Jelusalèm.

Lumans 15:26 Iomraidhean Croise

Matìyò 25:40

Fòn mu gàʼ la, ‘Mà gàʼà à ghə̀ŋ nəmwèʼè la no ghò a ghə̀ŋ nè a wù muʼ a ghə̀ ndìʼi əbam a ntìntìn vəlèmə̀ vwomə venə dìʼ mu ghə̀ŋ nè à mò.’”

Matìyò 26:11

Viʼi kənfem lu ndiʼ tò diʼi à ghə̀ŋ a ntìntìn alì mà ko diʼ ne faŋ vəghəŋ.

Ŋwàʼlə̀ Luk 14:13

Wù kyè kənyʉ̀ kyə̀ kə, wu bòŋsə laʼà viʼi kəfem nə̀ viʼi a və ŋàŋlə, nə̀ viʼi kənfyɨf bènə̀ və nlàʼfwen.

Ŋwàʼlə̀ Luk 6:20

Ghə̀ tsoʼsə ashɨ wen ə ki ndzɨ̀mtə̀sə bàm wen ə gàʼ à vəwenə la: “Mbwaʼmə diʼ a ghə̀ŋ viʼi a və ko təmə byɨmə byìʼàndo soʼ foyn Nyìngòŋ kiʼ ghə̀ŋ.

Shwèʼ 16:12

nè lù fà tsu ə dyʉ̀ a Filibày, a ndiʼì no ntə̀ʼ to a ghə̀ ndiʼì a Macedonia. Nghoʼo viʼi a və ntsi tsu ndìʼ viʼi Lum. Yès tsìtə tsu no mətsi nshəʼ alə̀,

Shwèʼ 16:9

A sə ndiʼ nəntʉʼʉ, kənyʉ̀ kə fʉ̀ vì a kə̀ʼ Bol a nə̀ jòm, ghə̀ yen wìʼ mu ghə̀ lù fa Macedonia, ghə̀ ti a wen a shɨ sensə̀ wen gàʼà la, “Dyaŋ ə̀ vì a Macedonia ə̀ gyàmtə̀ yès.”

Shwèʼ 18:12

Andìʼ ando və ghʉ̀ Galiyò la ghə̀ nsoʼo shə loʼ ayi a və ndzàŋə̀ nə̀ Akayà, Vəjew vətsenvə tsèntə̀ ghàʼ Bol ə̀ dyʉ̀ nə̀ wen a kəshi kə nsoʼ

Shwèʼ 19:21

A bàmə nyʉ̀ avenə, Kəzhwì kə ŋwòʼəkə nè, Bol ghʉ la ghə̀ a chò fa shyə loʼ Macedonia bènə̀ fa Akayà ə dyʉ̀ zaʼa a Jelusalèm. Ghə̀ bè ghʉ̀ la ghə̀ a tsìtə tsu ə mu chò dyʉ̀ a Lum.

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

1 Kolìntyàns 16:15

Ghə̀ŋ kɨli Sɨ̀tèfanàs a vəlemə vwomə, wenə viʼi ngwaʼ ə wen diʼi mbìsə viʼi əbyɨmə Akayà. Vəwenə ku li təwen tə vəwenə sə gyamtə viʼi Nyìngòŋ. Ma sə sensə ghə̀ŋ la,

1 Kolìntyàns 16:5

Mà lu chò ji fa Màsìdonìyà mibu vi ə ghàyntə ghə̀ŋ.

2 Kolìntyàns 11:9

Ma ndiʼ vəghəŋ, əzhʉ̀ ə tseghə vi kwʉ̀ʼʉ̀, ko ma lù ki kəfo fa ghə̀ŋ no fa mphen ali ko ma ku ngəʼ a wìʼ. A boŋsə tɨmə to vəlemə və vəghəŋ fa Màsìdonìyà tɨmə əfo a mò. Ma ko mbèmə kəfo a ghə̀ŋ no kətsi kətsenkə, ko andiʼ la ma lu bèm.

2 Kolìntyàns 2:13

ali ma nko yen lèmə̀ vəghəŋ Taytùs tsu, kənyʉ̀ na kì sə ku ngəʼ a mò tyɨm, ma mu toŋtə viʼi tsu, ə lù ə dyʉ̀ a shə Màsìdonìyà.

2 Kolìntyàns 7:5

Byìʼì ando yès nvi a Màsìdonìyà ashə, ngəʼsə faŋ ə sə vi to vi a yès, to ji sətsèm. Yès nkiʼi kəngwùmə̀ yo viʼi be kiʼi əfwàyn a yès a tətyɨm.

2 Kolìntyàns 9:12

byìʼì ando kəku a kènkə a ghə̀ŋ kù ko gyàmtə̀ to viʼi Nyìngòŋ. Ghə̀ŋ ne la vəwenə nku kəzòŋ a Nyìngòŋ no nànto.

2 Kolìntyàns 9:2

byìʼì ando ma kɨli la ghə̀ŋ sə bvɨtə ə gyàmtə̀. Ma tə sə zhʉ kənyʉ̀ a ki ando viʼi Màsìdonìyà gàʼ la, ghə̀ŋ viʼi Akayà tə sə bvɨtə ə ku no fa ngʉ̀sə a sə cho li. Vəwenə tə zhʉ̀ əwen vəwenə sə fwomə vəwenə sə be kòŋ no nànto ə ku.

2 Kolìntyàns 9:4

Kə sətsen fʉ̀ la yo viʼi Màsìdonìyà vi, yo vəwenə ko andiʼ la ghə̀ŋ baʼtə̀ li, a yès a diʼsə kətʉ kumə nyʉ̀ vyi a yès tə gàʼ kumə ghə̀ŋ, nkàyntə̀ ghə̀ŋ be diʼsə kətʉ no nànto.

Filìbàyns 4:15

No nkàyntə̀ ghə̀ŋ ə viʼi Fìlìbày ə kɨ la ando mà nzìtə̀ shə̀ʼtə ntɨm ə jùŋ ando ma əlù fa Macedonia, no ntsèntə̀ viʼi və byɨməvə tsen nko gyamtə mo ə chò tò ghə̀ŋ,

1 Tèsàlonyà 1:7

Ali, ghə̀ŋ bwensə ə sə diʼ to nə̀ nchwi a viʼi və byɨməvə a Màsìdonìyà nə̀ Akayà.

1 Tèsàlonyà 1:8

Ghə̀ŋ nè li viʼi shɨtə zhʉ̀ ntɨmə Bobo a Màsìdonìyà nə̀ Akayà be zhʉ̀ to shì ə tsèm la ghə̀ŋ byɨmə li a Nyìngòŋ, kò yes ə be a kiʼi kənyʉ̀ ə be ə gàʼ a wìʼ.

1 Tèsàlonyà 4:10

Ghə̀ŋ sə diʼ mù ghə̀ŋ diʼi li kòŋ na yənə a vəlemə vəŋə və tsèm alòʼ ə Màsìdonìyà, yes sə sensə ghə̀ŋ a vəlemə la, ghə̀ŋ ə koŋə chò no fa li.

1 Timotì 1:3

A ndiʼ ando ma lu sə dyʉ̀ a əloʼ ə Macedonia, mà gaʼa a wù la wù faŋ tò a ntə̀ʼ Efesùs. Mà ə kəŋ la wu faŋ tò tsu ə kàyn la viʼi vətsenvə vi ghʉsə əziʼi ə kənwam yi a vəwenə ə ziʼi tsu lì.

Filimùyn 1:5

Ma nə̀ ku kəzòŋ a Nyìngòŋ byìʼì ando ma zhʉ li jì yì a wù byɨmə a Bobo vəghəŋ Yesò fa tsù ə bè sə kòŋə̀ viʼi Nyìngòŋ no və tsèm.