Lumans 15:2 - The New Testament in the Babanki language

² No ndò ə ne to kənyʉ̀ a lèmə̀ wen na saŋlə to saŋlə ndiʼ na kèn kə gyàmtə̀ ə kwisə wen.

Lumans 15:2 Iomraidhean Croise

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

1 Kolìntyàns 10:23

Viʼi vətsenvə nə̀ gàʼa la vəghəŋ ə kiʼi kədyòʼ ə ne no tèbe ghò, alì a ko diʼ nyʉ̀ ə tsèm a və gyàmtə̀ vəghəŋ. Viʼi vətsenəvə nə̀ gàʼa la vəghəŋ ə kiʼi kədyòʼ ə ne no tèbe ghò, ali a ko diʼ nyʉ̀ ə tsèm a və bòŋ.

1 Kolìntyàns 10:24

Kə wìʼ fa ghə̀ŋ a nshwèʼè ə gyàmtə̀ to wenə wen, ghə̀ŋ nshwèʼè ə gyàmtə̀ viʼi vətsenvə.

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Kolìntyàns 13:5

Wìʼ ə sətsen nkòŋ viʼi, ko ghə̀ be nà ne sə ghə̀ ki ko ghə̀ lu yenə vəwenə, kò ghə̀ be na kwòʼtə̀ kumə to wèn ə wen, ko ghə̀ be nà fwisə tin, kò ghə̀ be nà taŋtə nyʉ̀ vyi a və ne mbyɨbsə a wen.

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.

1 Kolìntyàns 14:3

Alì a wìʼ yi a ghə̀ shə̀ʼtə̀ nyʉ̀ mu və lù fa Nyìngòŋ, ghə̀ gàʼà a viʼi ə gyàmtə̀ la vəwenə nə̀ kiʼi ətyɨm ə to ghə̀, be kiʼi tyɨm əzhʉtəghə.

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

2 Kolìntyàns 13:9

Yès ə saŋlə no zhʉ̀ ko a ghə̀ŋ ə to a kənyʉ̀ kə Nyìngòŋ no tebe ando və ko yenə adyòʼ yi a yès kiʼi. Yès jɨ̀mə̀ to la ghə̀ŋ nkwi a kənyʉ̀ kə Nyìngòŋ.

Efisyàns 4:12

Ghə̀ ə ne alə ə baʼtə̀ viʼi və byɨməvə la vəwenə kɨ ə ne shwèʼ ə Nyìngòŋ ndi ngə̀ŋ Nyìngòŋ ə nkwi, a diʼ əwènə Klistò.

Efisyàns 4:29

Kə əgaʼa byɨkə ə lu fʉ̀ fa wìʼ chʉ̀. Ghə̀ŋ ə boŋsə gàʼa to kənyʉ̀ ki a ghə̀ŋ zizi ghə̀ŋ gyamtə viʼi və tò a vəwenə byɨmə ndiʼ no ndo a ghə̀ əzhʉ əgàʼ ə ghəŋə, ghə̀ a sè kənyʉ̀.