Lumans 15:1 - The New Testament in the Babanki language

¹ Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

Lumans 15:1 Iomraidhean Croise

Lumans 14:1

Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

Lumans 14:2

Ghə̀ŋ kɨli la wìʼ ə kiʼi əbyɨmə, a ghə̀ ne la ghə̀ zhɨ̀ no tèbe ghò, ali mu ghə̀ tsen yi a əbyɨmə ə wenə bo bwaʼa zizi ghə̀ lo to mbàsə̀, ko ghə̀ phiʼi nyàm.

Lumans 4:20

Ghə̀ ko nə̀ʼkə̀ fa wen a əbyɨmə, a kənyʉ̀ a Nyìngòŋ ngaʼa. Ghə̀ ə boŋsə kwi dyʉ̀ to ambì a wen əbyɨmə, kuʼsə Nyìngòŋ.

1 Kolìntyàns 4:10

Yès ə diʼ nkoyn a viʼi byìʼì Yesò, ghə̀ŋ diʼ viʼi və tofəvə a nyʉ̀ ə Yesò. Yès ə̀ bwaʼa ali ghə̀ŋ to. Viʼi ə kuʼsə ghə̀ŋ ali ko və lə lyɨ tebè yes a kənyʉ̀.

1 Kolìntyàns 9:22

Ma dyʉ̀ a viʼi vyi a vəwenə ə̀ bwaʼa, ma sədiʼ to nə̀ wìʼ a ghə̀ bwaʼa, to ə nè la vəwenə be byɨmə. Ma kaʼkə li sədiʼ to ji sə tsèm to a viʼi vətsèm, ndiʼ mà ne, viʼi vətsenvə bwòŋ no tèbe a ji ə kò.

2 Kolìntyàns 12:10

Ma nè ma sə saŋlə azhʉ̀ a ma bwaʼa, viʼi telə mò, nyʉ̀ ə to a mò, və ntsuʼ kəghʉ ə kòmkə, ngəʼ sə tsensə be vi a mò to byìʼì Yesò. Kə diʼ alə̀ byìʼì ando a vi azhʉ̀ a ma bwaʼa, ma sə boŋsə kiʼi kədyòʼ.

Efisyàns 6:10

Ə mwetə, ma sə gàʼa la ghə̀ŋ ə zhəʼtə to əwen Nyìngòŋ, ghə̀ ku kədyòʼ a ghə̀ŋ byìʼì ando ghə̀ kiʼi kədyòʼ kə kaynə kə.

Filìbàyns 2:4

Kə ghə̀ŋ a ə nè tò ənyʉ̀ a və ku əsè tò à ghə̀ŋ. Ghə̀ŋ ə nè vi a və bè a ku əsè à viʼi vətsenvə.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

2 Timotì 2:1

A dìʼ fà wù a wàyn ə ghom Timotì, wu diʼ ə nto cho fa ətyɨm ə jùŋ a Yesò Klistò a ghə̀ diʼi li à wù.

1 Joyn 2:14

Mà nyòʼò à ghə̀ŋ a vətìʼ byìʼàndo ghə̀ŋ ə kɨ li wen yì a ghə̀ ndiʼ fa kənzìtə. Mà nyòʼò à ghə̀ŋ ə mbvòʼò wìʼ byìʼàndo ghə̀ŋ ə to, kənyʉ̀ kə Nyìngòŋ kə be diʼ mu kə faŋ li à ghə̀ŋ ə ntsìnə̀sə. Ghə̀ŋ ə be to ə ncho Deblə̀.