Lumans 14:8 - The New Testament in the Babanki language

⁸ Ko vəghəŋ ə tsi, və tsi to ə nkuʼsə Bobo, ə na pfʉ tèbe pfʉ, və pfʉ to ə ku kùʼsə a wen. Kə le diʼi la vəghəŋ ə diʼ to viʼi Bobo, kò vəghəŋ tsi, kò vəghəŋ pfʉ.

Lumans 14:8 Iomraidhean Croise

Ŋwàʼlə̀ Luk 20:38

Nyìngòŋ ko diʼ Nyìngòŋ viʼi və pfʉ̀və, a diʼ Nyìngòŋ viʼi a və diʼi və to byiʼ ando ghə̀ sətsèn ndiʼ Nyìngòŋ no mə ndo ayì, a ndiʼi to.”

Joyn 21:19

Yesò ə gàʼa alə̀, diʼi ji yì a Bità lu pfʉ fa tsù, ghə̀ vi nə̀ əkuʼsə a Nyìngòŋ. Yesò ə gàʼa ali, ə be mu gàʼ la, “dzɨ̀mtə̀ mò.”

Shwèʼ 13:36

Və nko nyòʼ alə̀ byìʼì Devìt byìʼàndo ghə̀ nshyèʼè ando Nyìngòŋ nkəŋə ə̀ pfʉ, və bvɨ̀mə̀ wen ə̀ boʼsə a mbyɨ̀ vətìʼ və wen ə və mbì, bvenə wen fwè,

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

Shwèʼ 21:13

alì Bol bwènsə̀ gàʼ la, “Ghə̀ŋ ə nè ghò lə̀? Byìʼì ghò a ghə̀ŋ ə ku ngəʼ à mò a tyɨm a? Mà ko kə̀ʼtə̀ ə və kwiʼ mò tò kwiʼi a Jelusalèm, mà kə̀ʼtə̀ əpfʉ tè pfʉ byìʼì Bobo Yesò.”

1 Kolìntyàns 15:23

Nò ndò lu lù fa pfʉ to a wen azhʉ. Yesò ə ndiʼ mbì ə lù, diʼ lu be vì ə lùsə viʼi vyi à diʼ viʼi wen.

Filìbàyns 1:20

Nò kənyʉ̀ kə ghoʼokə ki a kə diʼ a mo kwòʼtə nə̀ kikə a ma kəʼtə diʼ la kə mà lù ne kənyʉ̀ kə diʼsə kətʉ. No mənzhʉ̀ ntsèm ə zìtə̀ fa luwen ma kəŋ ə nè shyèʼ ə Yesò nə̀ ətyɨm ə toghə to ando mà tə ne, kòŋ la ntsìnə̀ ghom ə nvi to nə̀ əkuʼsə a wen, kò ma pfʉ pfʉ, kò ma faŋ ə ntsi.

Filìbàyns 2:17

Mà ne saŋlə̀ be nàynə̀ vəghəŋ a muʼu. Və sətsèn ə̀ zhwì tè mò luwèn mənlyuŋ ə̀ mwomə̀ à dyʉ̀ kwʉ̀ʼsə̀ kəku kì a ghə̀ŋ ə ku à Nyìngòŋ byìʼì əbyɨmə ghəŋə.

Filìbàyns 2:30

byìʼàndo ghə̀ tə shwètə̀ əpfʉ byìʼì əshyèʼ Klistò ando ghə̀ tə gyàmtə̀ mò ənè shwèʼ yi a ghə̀ŋ ko zi ghə̀ŋ nè.

1 Tèsàlonyà 5:10

Ghə̀ npfʉ̀ byìʼì vəghəŋ ndi vəghəŋ nə̀ vəwenə lu ndiʼ to muʼ azhʉ̀ a ghə̀ bwenə vi, kò vəghəŋ ndiʼ və to, ko və pfʉkə li.

Kəmwetə 14:13

Mà bè zhʉ̀ gɨ̀ ghə̀ fʉ vì fa kàŋ gàʼà la, “Nyoʼo kènkə: Əzìtə̀ fa luwèn ə dyʉ̀ nə̀ mbì, əsaŋlə diʼ à no ndò a ghə̀ pfʉ shyèʼè əshwèʼ ə Bobo.” Kəzhwì kəŋwoʼəkə bwènsə̀ gàʼ la, “Nəmwèʼè, əsaŋlə a lutə̀ diʼ à vəwenə. Vəwenə ne zhʉ̀tə̀ fà vəwenə ngəʼsə byìʼàndo əshyèʼ jùŋə ghə̀ vəwenə ne dzɨ̀mtə vəwenə gàʼ à vəwenə.”