Lumans 14:5 - The New Testament in the Babanki language

⁵ Viʼi vətsenvə ə yen nə̀ to la mətsi mə tsen ə kuʼmə ashɨ Nyìngòŋ ə chò mətsen nə̀, və tsenəvə yen ə̀ la mətsi ə tsèm diʼ to ndə̀ŋndəŋ. Kə bòŋ la no ndò ə shɨtə kɨ kənyʉ̀ ki a ghə̀ ti tsu.

Lumans 14:5 Iomraidhean Croise

Ŋwàʼlə̀ Luk 1:1

Nghoʼo viʼi ndìʼ mu vəwenə mwomsə̀ li ənyòʼ ə shyə̀ʼtə̀ nyʉ̀ vyi a və ncho à yes a ntìntìn.

Lumans 14:14

Ma kɨli nəmwèʼè la kəfo kə zhɨkə kə tsenkə ko diʼ a kə ko laynə kʉʼʉ. Ma kɨ alə̀ byìʼì ando ma byɨmə a Bobo Yesò. Alì, wìʼ sətsèn ə yen la kəfo kə ko diʼ laynə, mu kə li ko laynə a wen.

Lumans 14:23

Alì, wìʼ sətsen ə nkəŋ zhɨ̀ kəfo, kwoʼtə kwoʼtə la ghə̀ zhɨ mu kə ghə̀ a zhɨ lo ə be zhɨ to zhɨ mu ghə̀ ne li mbyɨ byìʼì no ghò a wìʼ ne byɨmə la kə ko bòŋ mu a diʼ mbyɨ.

Lumans 4:21

Ghə̀ ə ntuʼtə̀ kɨ to nəmwèʼè la Nyìngòŋ be kiʼi kədyòʼ ə nè kənyʉ̀ ki a ghə̀ nghʉ̀.

1 Kolìntyàns 8:11

Kə sətsen fʉ̀ alə, a ndiʼ la ətof ə wu byɨbsə li lèmə̀ wù yi a kwòʼtə̀ ə wenə ə bwaʼa, mu Yesò ə mpfʉ li byìʼì wen.

1 Kolìntyàns 8:7

Nò tèbè ali, à ko diʼ viʼi və tsèm a və kɨ kənyʉ̀ a kènkə. Viʼi vətsenvə sə diʼ mù kənyʉ̀ kə vənyìngòŋ na kènkə kɨŋtə li vəwenə, vəwenə sə ə zhɨ̀ əfo ə zhɨvə a və mòʼo Vənyìngòŋ tsu no zhʉ̀ko, vəwenə faŋ ə sə kwòʼtə̀ kənyʉ̀ a kì to kwòʼtə. A lə kənyʉ̀ kì a kə byɨbsə tə kwòʼtə̀ tə vəwenə byìʼì ando ghə̀ bwaʼa.