Lumans 14:21 - The New Testament in the Babanki language

²¹ Kə bòŋ la kə wìʼ a pfiʼ nyàm kò nyʉ məlyʉ̀ʼ kò nè no tèbe ghò azhʉ̀ a kə zizi kə nè la lèmə̀ wen fəŋ fa wen a byɨmə.

Lumans 14:21 Iomraidhean Croise

Matìyò 13:21

Wìʼ yì a ghə̀ zhʉ kənyʉ̀ kə Nyìngòŋ, kò kə lə kiʼi aghaŋ, ghə̀ byɨmə to fəntemnə̀ fə zhʉ. Ngəʼ nè vì ko və tsuʼ aghʉ wen byìʼì gaʼa Nyìngòŋ no a zhʉ̀ kò ghə̀ fəŋ fa wen a byɨmə.

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

Lumans 14:13

Kə vəghəŋ be soʼo vəlemə və vəghəŋ vətsenvə. Kə bòŋ la vəghəŋ ə boŋsə ghʉ̀ la vəghəŋ ko lu be nè tebè kənyʉ̀ ə taʼsə lèmə̀ ə tsen la ghə̀ nè mbyɨ.

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

1 Kolìntyàns 8:13

Kə le diʼi la nyàm sətsèn ə ndiʼ mu ghə̀ zizi ghə̀ ne la lèmə̀ ghom ne mbyɨ, ko ma bè lu phiʼ nyàm, ndi kə mà ne ghə̀ fəŋ.

1 Kolìntyàns 8:9

Ghə̀ŋ tuʼmə, kə ji yi a ghə̀ŋ nè nyʉ̀ fa ghə̀ŋ ngeŋ fa tsu a nè viʼi vyi a əbyɨmə ə vəwenə ə bwaʼa fəŋ a mbyɨ.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

Hibùlù 12:13

Ghə̀ŋ njèʼè to a ji ə naynə ndiʼ viʼi vyi a ghə̀ŋ a ntìntìn a və laʼ laʼ na mwetə kwaʼkə ə fəŋkə, kwaʼkə ali ndiʼ vəwenə ə boŋsə ə tò to a vəwenə a byɨmə.

Kəmwetə 2:14

Alì, ənyʉ̀ ə diʼ ə̀ shyə̀ʼ alə̀ a mà ghàmə̀ ghə̀ŋ tsu: Ghə̀ŋ vətsenvə dzɨ̀mtə̀ əziʼi Balàm a ghə̀ ə̀ ndìʼsə̀ Balak, ghə̀ sə nè la viʼi Islel ə nzhɨ ə̀fo a və moʼò à vənyìngòŋ be tsi nə̀ ki ko wenə̀ lʉmə a ko kiʼ vəwenə.