Lumans 14:2 - The New Testament in the Babanki language

² Ghə̀ŋ kɨli la wìʼ ə kiʼi əbyɨmə, a ghə̀ ne la ghə̀ zhɨ̀ no tèbe ghò, ali mu ghə̀ tsen yi a əbyɨmə ə wenə bo bwaʼa zizi ghə̀ lo to mbàsə̀, ko ghə̀ phiʼi nyàm.

Lumans 14:2 Iomraidhean Croise

Lumans 14:1

Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

Lumans 14:14

Ma kɨli nəmwèʼè la kəfo kə zhɨkə kə tsenkə ko diʼ a kə ko laynə kʉʼʉ. Ma kɨ alə̀ byìʼì ando ma byɨmə a Bobo Yesò. Alì, wìʼ sətsèn ə yen la kəfo kə ko diʼ laynə, mu kə li ko laynə a wen.

Lumans 14:20

Kə ghə̀ŋ a byɨbsə shwèʼè yì a Nyìngòŋ ə sə diʼ mù ghə̀ nè li byìʼì kənyʉ̀ kə əfo ə zhɨvə. Əfo ə zhɨvə no tsèm ə laynə kwʉ̀ʼʉ̀ ə və zhɨ̀ ali kə ko bòŋ la wìʼ zhɨ̀ kəfo, kə nè wu ə tsen nè mbyɨ.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

1 Kolìntyàns 10:25

Ghə̀ŋ mpfiʼi no tèbe nki nyàm ə kò a və baʼlə a nguʼ ə nyàm. Ghə̀ŋ sə phiʼi, kə ghə̀ŋ a kayntə kənyʉ̀ kumə nyàm ayi, əghʉ̀ nyʉ̀ a ghə̀ŋ kwòʼtə.

1 Kolìntyàns 8:9

Ghə̀ŋ tuʼmə, kə ji yi a ghə̀ŋ nè nyʉ̀ fa ghə̀ŋ ngeŋ fa tsu a nè viʼi vyi a əbyɨmə ə vəwenə ə bwaʼa fəŋ a mbyɨ.

1 Kolìntyàns 9:22

Ma dyʉ̀ a viʼi vyi a vəwenə ə̀ bwaʼa, ma sədiʼ to nə̀ wìʼ a ghə̀ bwaʼa, to ə nè la vəwenə be byɨmə. Ma kaʼkə li sədiʼ to ji sə tsèm to a viʼi vətsèm, ndiʼ mà ne, viʼi vətsenvə bwòŋ no tèbe a ji ə kò.

Gàlesìyà 2:12

A ndiʼ mibu Jems ə tɨm viʼi la və vi tsu, Bità ə nzhɨ̀ wenə viʼi a nko diʼ viʼi Jus, ko və shətə li ndyə̀ vəwenə. Viʼi a vyi vì no zhʉ̀ko, Bità ə zìtə̀ sə kòtə̀ abàm ko ghə̀ be zhɨ̀ tebè wenə viʼi kətɨm na vi byìʼì ando ghə̀ ə fwàynə̀ viʼi vyi a vəwenə ndiʼ la, və diʼ ə shətə ndyə̀ viʼi ətɨm vyi a və byɨmə li.

1 Timotì 4:4

byìʼì no te ghò yi a Nyìngòŋ shɨtə ə diʼ a nkàyn. Viʼi ə ko diʼ ə tensə no kəmùʼ a zhʉ a vəwenə nə̀ sə ə zhɨ, və nə̀ jɨ̀mə̀ ku kəzòŋ à wen.

Taytùs 1:15

Əfò tsèm ə laynə à viʼi a tətyɨm tə vəwenə tə laynə, alì ko kəfo kə laynə à viʼi a tətyɨm tə vəwenə tə ko laynə kènla vəwenə byɨmə à Klistò byìʼàndo tətyɨm tə vəwenə, nə̀ təkwòʼtə̀ tə vəwenə tə sə diʼ mu tə byɨf li.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

Hibùlù 9:10

Jì əmuʼ na ghèn lə ə kiʼi kənyʉ̀ ə ne kumə to kəfo kə zhɨkə nə̀ kəfo kə nyʉkə nə̀ ji sə tsen shisə a və diʼ ə nə̀ shʉ̀ laynsə viʼi fa tsù a shɨ Nyìngòŋ. A diʼ to təsoʼ tə njòsə wen, diʼ ə mè azhʉ̀ a Nyìngòŋ ə kwitə li no tèbe ghò ə vi nə̀ ji əfi.