Lumans 14:17 - The New Testament in the Babanki language

¹⁷ Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Lumans 14:17 Iomraidhean Croise

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 6:33

Ghə̀ŋ cho ambì ə mwòmsə to ə ndiʼ nti a nkayn to nə̀ viʼi vyì a və ntsi ati əsoʼ ə Nyìngòŋ, ə ndi ghə̀ ne ku kwùʼsə̀ fo a venə no ə tsèm a ghə̀ŋ.

Ŋwàʼlə̀ Luk 14:15

A ndiʼ ando wutsen a ghə̀ ndiʼi a ntìntìn nòyn ayì nzhʉ kənyʉ̀ kènkə, ə gàʼ à Yesò la, “Saŋlə lu ndiʼ à viʼi vyì a və lə zhɨ a kəchiʼ a kəshi kə foyn Nyìngòŋ.”

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Joyn 3:3

Yesò ə gàʼ a wen la, “Ma gaʼa a wù to no nəmwèʼè la, wìʼ zizi ko ghə̀ lu kwen a kəshi kəfòyn ə Nyìngòŋ a bwen la və bwensə bwi wen a nfi.”

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Shwèʼ 13:52

Ndzɨ̀mtə̀sə bàm Yesò shì a sə ndìʼì a Antìyòk faŋ a bàm sə saŋlə̀ no nànto, Kəzhwì kə ŋwòʼəkə be tisə vəwenə.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Lumans 8:6

Wìʼ ə ghʉ̀ kətʉ̀ a wenə nyʉ̀ ə njòsə wen, ghə̀ a pfʉ, ali mu ghə̀ ghʉ kətʉ kə wen a nyʉ̀ kəzhwì, kə a nè la ghə̀ kiʼi ntsìnə̀ yì a ghə̀ ko lu mè ə be nkiʼi mbwaʼmə.

1 Kolìntyàns 1:30

Alì à ne Nyìngòŋ la ghə̀ŋ ə ntsi byìʼì Yesò Klistò. Ghə̀ tə ne la ghə̀ ndiʼ ətof ə vəghəŋ, ə ne la vəghəŋ ə diʼ viʼi kənyʉ̀ kətɨməkə chò fa wen, ə be nè la vəghəŋ ə̀ laynə, ə zen kətʉ kə vəghəŋ.

1 Kolìntyàns 4:20

Byìʼì kəshi kəfòyn ə Nyìngòŋ kə diʼ alə̀, a ko diʼ əchʉ̀ ə nkùmə̀, və yenə kədyòʼ a kì a nyʉ̀ yì a viʼi ə nè.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

1 Kolìntyàns 8:8

Əfo ə zhɨvə zizi ko və lu ne la vəghəŋ və Nyìngòŋ ə diʼ a akayn. Vəghəŋ ə tyen kə zhɨ ko vəghəŋ lu le tebè kəfo, ə zhɨ tebe zhɨ ko və lu se tebè kəfo.

2 Kolìntyàns 5:21

Nò tèbe Yesò fa wen a ngeŋ ə ko ne mbyɨ ali Nyìngòŋ ə lyɨ̀ wen a wu mbyɨ ndiʼ vəghəŋ chò fa wen ə nti a nkàyn ashɨ Nyìngòŋ.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

Filìbàyns 2:1

Ghə̀ŋ ndìʼ a kənyʉ̀ kəmùʼ Ghə̀ŋ və Klistò, nakènkə ku tətyɨm tə totə à ghə̀ŋ. Klistò ə kòŋə̀ ghə̀ŋ, ə kòŋ a ghenə bè ku tətyɨm tə zhʉtə tə à ghə̀ŋ. Ghə̀ŋ və Kəzhwì kə ŋwoʼkə diʼ a kənyʉ̀ kəmùʼ. Ghə̀ŋ ə nkìʼ tətyɨm tə bwaʼmətə bènə̀ kusə nshinsə à ghə̀ŋ ə ntìntìn.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

Filìbàyns 4:4

Ghə̀ŋ ə saŋlə̀ a Bobo no mənzhʉ̀ tsèm. Mà gàʼà be kùmtə̀ la ghə̀ŋ ə nsaŋlə̀.

Filìbàyns 4:7

Ghə̀ŋ sətsen ənè alə̀, Nyìngòŋ a ku əbwaʼmə a ghə̀ŋ a diʼ mbwaʼmə a ghə̀ cho no ghò, ko no wìʼ zi ghə̀ kwoʼtə. Əbwaʼmə ghèn a nè tətyɨm təŋtə nə̀ təkwòʼtə̀ təŋtə əzhʉtə byiʼə ghə̀ŋ diʼ wenə və Yesò Klistò.

Kòlòsyàns 1:11

Yès ə jɨ̀mə̀ la Nyìngòŋ ə ku kədyòʼ kə kaynə kə wen a ghə̀ŋ no kə tsèm ndi ghə̀ŋ tuʼtə, kwiʼ ətyɨm akayn, be əwensə, be saŋlə,

1 Tèsàlonyà 1:6

Nò tèbe ghə̀ŋ ə shəmə ntsìnə̀ yes be shəmə ntsìnə̀ Bobo. Nò tèbe ando ghə̀ŋ ə yen nə̀ ngəʼ no nànto, kəzhwì kə Ŋwoʼkə ə vi li ə nè ghə̀ŋ shisə ntɨm na yi nə̀ saŋlə.

1 Tèsàlonyà 2:12

sensə ghə̀ŋ la ghə̀ŋ ə nkiʼ ətyɨm ə to ghə̀, tsi ntsìnə̀ yì a Nyìngòŋ ə kòŋ. Ghə̀ dzàŋ ghə̀ŋ la ghə̀ŋ vi tsèntə akəshi kə əfòyn ə wen,be nkiʼ əbayn ə ghoʼoghə.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.