Lumans 14:13 - The New Testament in the Babanki language

¹³ Kə vəghəŋ be soʼo vəlemə və vəghəŋ vətsenvə. Kə bòŋ la vəghəŋ ə boŋsə ghʉ̀ la vəghəŋ ko lu be nè tebè kənyʉ̀ ə taʼsə lèmə̀ ə tsen la ghə̀ nè mbyɨ.

Lumans 14:13 Iomraidhean Croise

Matìyò 16:23

Yesò fuʼtə gàʼ à Bità la, “Bwènə̀ fà mò a bàm a Satan, wù tàʼsə̀ mò. Wù ko kiʼ kwoʼtə Nyìngòŋ. Wù kwòʼtə̀ to nə̀ wìʼ.”

Matìyò 18:7

Ngəʼ ghoʼo diʼ a mbi byìʼì nyʉ̀ vyi a və nè la viʼi ə nè mbyɨ. Nyʉ̀ avenə diʼ ne nlyɨ̀ kəshi alì ngəʼ ghoʼo diʼ à wìʼ yì a ghə̀ nè la nyʉ̀ avenə nlyɨ̀ kəshi.

Matìyò 7:1

“Kə ghə̀ŋ ə soʼo viʼi ndi kə və lə soʼ ghə̀ŋ.

Ŋwàʼlə̀ Luk 12:57

“Byìʼì ghò a ghə̀ŋ yenə kò ghə̀ŋ lu kɨ fà ghə̀ŋ ngəŋsə kənyʉ̀ kə tɨmə kə ənè a?

Ŋwàʼlə̀ Luk 17:2

Kə diʼi bòngsə̀ boŋ a wen la və tuŋ ti a wen a ŋwì, dyʉ̀ mòʼo wen a mu mə ghoʼomə̀ əchò la ghə̀ nè wàyn mùʼ fa ntìntìn ə vunə venə nè mbyɨ.

Lumans 11:9

Devìt ə gaʼa ə gàʼ la ghə̀ jɨ̀mə̀ la, “Əfo ə zhɨvə ə vəwenə kaʼkə a ələ ə ne vəwenə fəŋ, Nyìngòŋ ə be ku ngəʼ a vəwenə.”

Lumans 14:10

Kə diʼ alə, ghə̀ŋ vətsenvə sə soʼo vəlemə vəŋə byìʼì ghò? Ghə̀ŋ sə ki chasə vəlemə vəŋə vətsenvə byìʼì ghò? A ghə̀ŋ kɨli la vəghəŋ vətsèm lu tɨmə a kəshi kə nsòʼ Nyìngòŋ a?

Lumans 14:3

Kə wìʼ yi a ghə̀ zhɨ no tèbe ghò ne bàyn wìʼ yi a ghə̀ ko zhɨ əfo tsevə, kə yi a ghə̀ zhɨ to mbàsə̀ ne soʼo yi a ghə̀ zhɨ to fo ə tsèm byìʼì ando Nyìngòŋ ə byɨmə li wen.

Lumans 14:4

Wù diʼ no ndò ə nsoʼo wù ə shwèʼè ə wù ə kədyàŋ a? A diʼ to tì shyèʼ ə wen ə kɨ la ghə̀ ne a nkàyn mu ghə̀ ko ne a nkayn lo, ali mu ghə̀ zizi ko ghə̀ lu fəŋ byìʼì ando Bobo kiʼi kədyòʼ a tomsə ə wen.

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

1 Kolìntyàns 10:32

Kə ghə̀ŋ ə ntsi a ji ə ne la viʼi Jus kò viʼi Gɨ̀lìs kò viʼi və byɨməvə Nyìngòŋ fəŋ a mbyɨ.

1 Kolìntyàns 11:13

Ghə̀ŋ soʼtə̀ to no fa ghə̀ŋ a ngeŋsə la, kə lə diʼ a le la wùwì ə nti a ntìntìn ə viʼi, jɨ̀mə̀ a Nyìngòŋ ko andiʼ la ghə̀ chiʼtə kətʉ kə wen lo?

2 Kolìntyàns 5:14

Yès nè shwèʼè ghenə mu yès zizi ko yès sə lu faŋ ke nè byìʼì ando Yesò ə kòŋ yès. Yès ə kɨ la ghə̀ mpfʉ̀ tò a viʼi vətsèm, kə diʼi la viʼi vətsèm ə lu ə pfʉ̀ boʼsə a wen.

2 Kolìntyàns 6:3

Yès ə ko kòŋ ə nè no kənyʉ̀ kə mùʼ ə kə byɨbsə shyèʼ ə yèsə. Ndì kə wìʼ a yen no kənyʉ̀ kəbyɨkə a yès a tyi shwèʼè.

Filìbàyns 1:10

Ma jɨ̀mə̀ alə̀ ndiʼ ghə̀ŋ kɨ kənyʉ̀ ki a kə bòŋ kwʉ̀ʼʉ̀ ə lu ndiʼ ə̀ laynə a kə̀ʼə̀ Nyìngòŋ, ko ndiʼ la ghə̀ŋ kiʼi ə mbyɨ, ko wìʼ ə ghamə tebè ghə̀ŋ a kənyʉ̀ a kətsi yi a Yesò lə bwenə vì.

1 Timotì 5:14

Mà lə kəŋ la ki mphʉ vi a və ko dwìn bwènsə̀ lam ə mbwi vunə tùʼmə̀ nə̀ ngwaʼ ngə̀ŋ vəwenə ndi kə viʼi kəbàyn vəghəŋ a kiʼi jì ə ngàʼà ənyʉ̀ ə byɨvə byìʼì vəghəŋ.

Jems 2:4

Mu kə dìʼì la viʼi vətsenvə chò vətsenvə à ghə̀ŋ a ntìntìn. Kə be dìʼì la ghə̀ŋ ə kaʼkə li sə soʼo, nə̀ təkwòʼtə̀ tə byɨtə.

Jems 4:11

Kə ghə̀ŋ a ngàʼà mbyɨ byìʼì vəlèmə̀ vəŋə a vəlèmə̀ vwomə. No ndò a ghə̀ gàʼà mbyɨ byìʼì lèmə̀ wen, ko a ghə̀ soʼo lèmə̀ wen, ə gàʼà mbyɨ byìʼì soʼ be soʼo soʼ ayi. A sətsèn wù soʼò soʼ mu wù ko nè kənyʉ̀ a soʼ ayi ə gàʼà, alì bòŋsə̀ diʼ wu soʼo.

1 Joyn 2:10

No ndò a ghə̀ kòŋə̀ lèmə̀ wen ə tsi a əbayn kò ndiʼ la kənyʉ̀ kə diʼ ənè la ghə̀ kontə.

Kəmwetə 2:14

Alì, ənyʉ̀ ə diʼ ə̀ shyə̀ʼ alə̀ a mà ghàmə̀ ghə̀ŋ tsu: Ghə̀ŋ vətsenvə dzɨ̀mtə̀ əziʼi Balàm a ghə̀ ə̀ ndìʼsə̀ Balak, ghə̀ sə nè la viʼi Islel ə nzhɨ ə̀fo a və moʼò à vənyìngòŋ be tsi nə̀ ki ko wenə̀ lʉmə a ko kiʼ vəwenə.