Lumans 14:1 - The New Testament in the Babanki language

¹ Wìʼ kwen ə vi a ghə̀ŋ a ntìntìn, əbyɨmə ə wenə ə bo bwaʼa, ghə̀ŋ shisə wen. Ghə̀ŋ shisə ali, kə ghə̀ŋ na gùmə̀ nyʉ̀ vye vəwenə kumə əkwoʼtə yì a ghə̀ kiʼi kumə nyʉ̀ tsenəvə.

Lumans 14:1 Iomraidhean Croise

Matìyò 12:20

Ghə̀ lu nlutə̀ nə̀ viʼi a və bwaʼa kò a ndiʼ la ghə̀ lu ə nyàblə̀ nə̀ viʼi a və ko kiʼ ngyàmtə̀. Ghə̀ a ə nè tò a lì əzaʼa fa zhʉ a ghə̀ a temə ghoŋ wenə̀ mbi ə zhɨ ə mu ghʉ soʼ tɨməghə.

Matìyò 14:31

No a zhʉ̀ kò Yesò naʼsə̀ kəvu ə̀ ghaʼa wen ə̀ bèm à wen la, “Byɨmə wu tyetə no nànto. Byìʼì ghò a wù yì momə̀ mò a?”

Matìyò 18:10

Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Ŋwàʼlə̀ Mak 7:19

Kə diʼ alə̀ byìʼàndo ghə̀ zhɨ kəfo kò kə lu ndyʉ̀ à wen a tyɨm. Ghə̀ zhɨ kə dyʉ̀ à wen a bèm, fa tsu kə chò fʉ̀ tò fʉ fà wen a wèn.” (Yesò ngàʼà a lì ədìʼ la no kəfo kəzhɨkə kə kò kə laynə a məzhɨ.)

Ŋwàʼlə̀ Luk 17:2

Kə diʼi bòngsə̀ boŋ a wen la və tuŋ ti a wen a ŋwì, dyʉ̀ mòʼo wen a mu mə ghoʼomə̀ əchò la ghə̀ nè wàyn mùʼ fa ntìntìn ə vunə venə nè mbyɨ.

Joyn 13:20

Ma gaʼa a ghə̀ŋ no nəmwèʼè la, no ndo a ghə̀ à shisə wìʼ a mà tɨmə, mù ghə̀ shisə li mò, no ndo à ghə̀ shisə mo, mù ghə̀ shisə li Wìʼ a ghə̀ tɨmə mo.”

Shwèʼ 28:2

Viʼi loʼ a vyi gyàmtə̀ yès no a nkàyn ə̀ shɨ̀tə̀ zhiʼ à yès byìʼàndo əghʉ nzìtə̀ li əvì, kətaʼ kə sə̀ diʼ no nànto.

Lumans 11:15

A ndiʼ ando Nyìngòŋ ə maʼa vəwenə, ghə̀ baʼtə̀ ntsìnə̀ wenə viʼi mbyi vətsenvə. Ghə̀ sətsen bwensə lyɨ̀ vəwenə luwen, kə ne diʼ no ale a, kə ne diʼ la ghə̀ lùsə li viʼi fa pfʉ.

Lumans 14:2

Ghə̀ŋ kɨli la wìʼ ə kiʼi əbyɨmə, a ghə̀ ne la ghə̀ zhɨ̀ no tèbe ghò, ali mu ghə̀ tsen yi a əbyɨmə ə wenə bo bwaʼa zizi ghə̀ lo to mbàsə̀, ko ghə̀ phiʼi nyàm.

Lumans 14:21

Kə bòŋ la kə wìʼ a pfiʼ nyàm kò nyʉ məlyʉ̀ʼ kò nè no tèbe ghò azhʉ̀ a kə zizi kə nè la lèmə̀ wen fəŋ fa wen a byɨmə.

Lumans 14:3

Kə wìʼ yi a ghə̀ zhɨ no tèbe ghò ne bàyn wìʼ yi a ghə̀ ko zhɨ əfo tsevə, kə yi a ghə̀ zhɨ to mbàsə̀ ne soʼo yi a ghə̀ zhɨ to fo ə tsèm byìʼì ando Nyìngòŋ ə byɨmə li wen.

Lumans 15:1

Vəghəŋ vyi a və to a vəghəŋ a byɨmə diʼ ə gyàmtə̀ viʼi vyi a və bwaʼa a vəwenə ngəʼsə. Kə vəghəŋ ne to nyʉ̀ vyi a və bòŋ to vəghəŋ.

Lumans 15:7

Ghə̀ŋ ə̀ shisə vəlemə to ndə̀ŋndəŋ ando Yesò ə shisə li ghə̀ŋ, ndiʼ kùʼsə diʼ a Nyìngòŋ.

Lumans 4:19

Ghə̀ ko bwaʼ fa wen a byɨmə no tèbe ando ghə̀ nsə diʼ mu ghə dwinəli ə̀ sə kuʼu dyʉ̀ ngʉ̀ʼ əghɨ, ko andiʼ la ghə̀ kiʼi kədyòʼ, ko wi wen Sela bwi li.

1 Kolìntyàns 9:22

Ma dyʉ̀ a viʼi vyi a vəwenə ə̀ bwaʼa, ma sədiʼ to nə̀ wìʼ a ghə̀ bwaʼa, to ə nè la vəwenə be byɨmə. Ma kaʼkə li sədiʼ to ji sə tsèm to a viʼi vətsèm, ndiʼ mà ne, viʼi vətsenvə bwòŋ no tèbe a ji ə kò.

Filìbàyns 2:29

Ghə̀ŋ shisə wen a nə̀ lèmə̀ ghə̀ŋ a ghə̀ŋ kiʼi Bobo muʼ. Ghə̀ŋ ə ngumlə̀ nki viʼi venə to nə̀ wen lə̀,

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

Hibùlù 5:14

Alì, wìʼ yi a ghə̀ zhɨ əfo ə zhɨvə ə tovə diʼ wìʼ mu ghə̀ ziʼi li nkɨ nəkwoŋ fa kənyʉ̀ ə jùŋə və, nə̀ byɨvə.

2 Joyn 1:10

A sətsèn wìʼ vi à ghə̀ŋ ke ə mvì nə̀ əziʼi aghenə kə ghə̀ŋ à shìsə wen ko toŋtə tè wen.