Bìoball air-loidhne

Lumans 13:11 - The New Testament in the Babanki language

¹¹ Ə kwʉ̀ʼsə, ghə̀ŋ diʼ ə nè nyʉ̀ a venə no ə tsèm byìʼì ando ghə̀ŋ kɨli zhʉ̀ yi a vəghəŋ ə diʼ tsu luwen. Əzhʉ kʉʼʉ li la ghə̀ŋ lu fa mbinsə byìʼì ando a ndiʼ ando vəghəŋ ə mbyɨmə to byɨmə, zhʉ̀ sə boʼsə ando vəghəŋ bwòŋ mwetə, ali luwen ə sə diʼ mù ghə̀ be ə boʼsə chò fa lì.

Faic an caibideil Dèan lethbhreac

« Roimhe

dol air ais ⬆

Air adhart »

Lumans 13:11
25 Iomraidhean Croise

Matìyò 16:3

A sətsèn tʉʼʉ layn shi nghwʉ̀ʼʉ̀, ghə̀ŋ gàʼa la ghʉ a vì layn. Ghə̀ŋ kɨ ki kəbəŋ, ghə̀ŋ shə̀ʼtə kənyʉ̀ a kə a fʉ̀, alì ko andiʼ la ghə̀ŋ zì ghə̀ŋ kɨ la chwitə a və fʉ̀ luwèn ə shə̀ʼtə̀ la ghò lo.

Faic an caibideil

Ŋwàʼlə̀ Luk 21:28

Nyʉ̀ a venə sətsèn zìtə̀ əlyɨ̀ kəshi no a zhʉ̀ kò, ghə̀ŋ tsoʼsə tʉ vəŋə ə ki kaŋ byiʼàndo zhʉ sə̀ boʼsə vì a Nyìngòŋ a bwòŋsə ghə̀ŋ.”

Faic an caibideil

1 Kolìntyàns 10:11

Ənyʉ̀ na venə ə̀ nfʉ̀ a vəwenə a nchwi, və be nyòʼò ə ghʉ əku kətyiftə a vəghəŋ byìʼì ando əzhʉ̀ boʼsə li ə mbyi mè.

Faic an caibideil

1 Kolìntyàns 15:34

Ghə̀ŋ bwensə vi a ghə̀ŋ a tətof, əghʉ̀sə mbyɨ shi a ghə̀ŋ ə ne. Ma gàʼà alə la ndi diʼsə kətʉ kəŋ kə byìʼì ando ghə̀ŋ vətsevə ko kɨ Nyìngòŋ.

Faic an caibideil

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Faic an caibideil

Jems 5:8

Nkàntə̀ ghə̀ŋ bè diʼi ə nwensə̀ tò a lì. Ghə̀ŋ ghaʼ tətyɨm ə təŋtə tə to byìʼe məbwènə̀ vì Bobo boʼsə li.

Faic an caibideil

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

Faic an caibideil

2 Bità 3:11

Ando və diʼ lu nyʉʼ əfo a venə no ə tsèm a ji na ghèn lə̀, ghə̀ŋ lə diʼ ə ntsì ale? Ghə̀ŋ diʼ ku təwen təŋtə a Nyìngòŋ ə be ntsi ntsìnə̀ laynə.

Faic an caibideil

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

Faic an caibideil

1 Joyn 2:18

Məntsi mə̀ kəmwetə boʼsə li a vunə vwomə. Ghə̀ŋ ə zhʉ li la wù kəbàyn ə̀ Klistò diʼ lu vì, viʼi kəbàyn ə̀ Klistò diʼ mu və vi li luwèn no vəghoʼo. A le ji a vəghəŋ ə kɨ la məntsi mə̀ kəmwetə boʼsə li.

Faic an caibideil

Kəmwetə 1:3

Mbwaʼmə̀ dìʼ à wìʼ yì a ghə̀ dzàŋə̀ ənyʉ̀ venə a Nyìngòŋ ə shə̀ʼtə̀ lə̀. Mbwaʼmə̀ bè dìʼ à viʼi a və zhʉ be nè ənyʉ̀ vyi a və nyòʼò a ŋwàʼlə̀ a shyə̀ byìʼàndo əzhʉ boʼsə li ənyʉ̀ avenə fʉ.

Faic an caibideil