Lumans 13:1 - The New Testament in the Babanki language

¹ Nò ghə̀ŋ vətsèm diʼ ə nzhʉ fa viʼi a və soʼo ghə̀ŋ byìʼì ando wu ə soʼo ko diʼ a ghə̀ faŋ ke shi adyòʼ fa Nyìngòŋ ə nsoʼo. Nò viʼi a və soʼo no vətsèm diʼ mu à ghʉ̀ Nyìngòŋ.

Lumans 13:1 Iomraidhean Croise

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Joyn 19:11

Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”

Shwèʼ 2:41

Byìʼì a lì viʼi no vəghoʼo byɨmə gaʼa Bità, və ku mu à vəwenə. Viʼi əzaʼa nkamsə sətaʼ kwʉ̀ʼsə̀ a nòyn viʼi və byɨməvə vi a kətsi akì

Lumans 12:21

Kə ghə̀ŋ moʼtə kədyòʼ kə mbyɨ, kə to chò ghə̀ŋ. Ghə̀ŋ boŋsə to chò mbyɨ nə̀ nyʉ̀ ə jùŋə və vyi a ghə̀ŋ nè.

Lumans 13:2

Kə lə diʼi la à tensə no ndò ə tensə viʼi a və soʼo, kə a diʼ la ghə̀ tensə li kənyʉ̀ kì a Nyìngòŋ ə ghʉ̀, Nyìngòŋ ə lu soʼo wen.

Efisyàns 5:21

Ghə̀ŋ ne gumlə təwenə tyəŋtə byìʼì ando ghə̀ŋ kuʼsə Klistò.

1 Timotì 2:2

Ghə̀ŋ ə njɨ̀mə̀ à təfòyn tə, nə̀ viʼi vyi a və tisə viʼi ndi vəghəŋ ə ntsi to no nə̀ mbwaʼmə bè jèʼè tò a jisə jùŋsə sə tsèm shisə a Nyìngòŋ ə kəŋ la və ə njèʼè fa tsu, tsi ntsìnə̀ ə jùŋ ashɨ ə̀ viʼi.

Taytùs 3:1

Kùmtə à viʼi vyə la vəwenə nshiʼsə̀ təwen tə vəwenə à tʉtʉ vəwenə bènə̀ viʼi a və soʼo vəwenə, zhʉ gɨ̀ be bvʉ̀tə̀ ənè shyèʼ jùŋə ghə̀ no mənzhʉ̀ ntsèm.

Ŋwàʼlə̀ Jud 1:8

Viʼi venə a və nyoʼtə ə kwen a ghə̀ŋ a ntìntìn lə̀ ə be ne tò ali. Vəwenə gaʼa la vəwenə yenə nyʉ̀ a jòmsə, byìʼì jòmsə a sènsə vəwenə sə nè mbyɨ nə̀ wenə vəwenə, tensə kədyoʼkə Nyìngòŋ, telə ətsɨŋsə Nyìngòŋ a sə diʼ akàŋ.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 19:16

Ndisə shìsə a ghə̀ ə̀ moʼò lì ə̀ ndìʼ mu və nyòʼò li əzhiʼ tsenghə tsu ə̀ bè shiʼi ə̀ nyòʼ à wen əkəbì la, “Fòyn ə̀ təfòyn, nə̀ Bobo ə̀ vəbobo.”