Lumans 12:6 - The New Testament in the Babanki language

⁶ Vəghəŋ ə kiʼi kəku a ghə̀ ku to nə̀ nəkwoŋ, to ndə̀ŋndəŋ ando ghə̀ kòŋ li ə ku no tèbè a ndò. Kə le diʼi la no ndò diʼ ə lyɨ̀ kəku kə wen ə nè to shwèʼ tsu. Nyìngòŋ ə sətsen ə ndiʼ mu ghə̀ ku li ətof la wìʼ ə shə̀ʼtə̀ ntɨm Nyìngòŋ, ghə̀ ə nshə̀ʼtə̀ zàʼa to ando əbyɨmə ə wen ə diʼ.

Lumans 12:6 Iomraidhean Croise

Matìyò 23:34

Mà mù sə gàʼà à ghə̀ŋ la mà ne tɨm nshə̀ʼtə̀sə nə̀ viʼi və tofəvə bènə̀ ndìʼsə̀sə kɨ la ghə̀ŋ ne a zhwilə vətsenvə ə bantə vətsenvə a kəntò be ghom vətsenvə fà ghə̀ŋ a aloʼ ntsèntə̀sə, be ndzɨ̀mə̀ vətsenvə no fa ntə̀ʼ ko a vəwenə dyʉ̀ tsu.

Matìyò 25:22

Wù shwèʼè yì a və nku mbo ko bò à wen lì bè vì gàʼ la, Wù tə ku mbo ko bò à mò, yen a mà kiʼi li se à yì a kətʉ mbo ko bò.

Ŋwàʼlə̀ Luk 11:49

Byìʼì la, wìʼ yì a və dzàŋ la, ‘Tof Nyìngòŋ’ ngàʼa la, ‘Ma ne tɨm nshə̀ʼtə̀ sə ghoʼkəsə nə̀ viʼi ntɨm à vəwenə, à vəwenə a zhwilə vətsevə, be tsuʼ aghʉ və tsen və.’

Shwèʼ 13:1

Andìʼ a ntsèntə̀ viʼi vəbyɨməvə a ghə̀ ndiʼ a Antìyòk, viʼi vətsenvə ndiʼ tsu shə̀ʼtə ntɨm Nyìngòŋ, vətsenvə diʼ ndìʼsə̀sə à viʼi vəbyɨməvə. Andìʼ Balnabas nə̀ Simìyòn a və ndzàŋə̀ wen nə̀ Wù Fenə, nə̀ Lusyòs a ghə̀ nlu fa Silen, nə̀ Manen a ghə̀ nkwi wenə̀ gumnà Helòd, bènə̀ Saul.

Shwèʼ 15:32

Judàs wenə̀ Silàs, a ndiʼì nshə̀ʼtə̀sə səghoʼkəsə lyɨ̀ zhʉ no alə̀ əshə̀ʼtə̀ ntɨm ə̀ Nyìngòŋ a vəwenə ə be gàʼa nyʉ̀ à və tomsə̀ la vəwenə nto a vəwenə a byɨmə be kiʼ kədyòʼ.

Shwèʼ 2:17

Nyìngòŋ ə gàʼ a la, ‘A lu ndiʼ a mətsi mə̀ kənsèsə̀, Mà ku kəzhwì komkə à viʼi no vətsèm. Vu vəŋə ə lʉmə nə̀ ki lu nshə̀ʼtə̀ nyʉ̀ à viʼi a Nyìngòŋ ə̀ shə̀ʼtə̀ à vəwenə. Mà lu nè ə mbvòʼò wìʼ ə yèyn nyʉ̀ to sə tsi jòm, be ne jòmsə ə ntsi viʼi vətovə ghə̀ŋ.

Shwèʼ 21:9

Ghə̀ nkìʼ vunə ki wen vəkàʼ kò andìʼ la vəwenə tɨmə làmkə. Vəwenə nshə̀ʼtə̀ dyʉ̀ nə̀ gaʼa Nyìngòŋ.

Lumans 1:11

Ma jɨ̀mə̀ alə̀ byìʼì ando ma kòŋ no nànto ə vi ə yen ghə̀ŋ, ə gàʼ kumə bwaʼsə yì a Nyìngòŋ ə bwaʼsə viʼi nə̀ Kəzhwì kə ŋwoʼkə. Ma vi, gaʼa alə̀ ndi ghə̀ŋ ə̀ totə to a kəzhwì.

Lumans 12:3

Nyìngòŋ ə kiʼi li ətyɨm ə jùŋə ghə̀ a mò ə ku shyèʼ ə wen la mà ə nè, ma sətsèn ə gàʼ a ghə̀ŋ no və tsèm la, kə ghə̀ŋ ə̀ lyɨ təwen ə təŋtə shəʼmə a nsəʼ, a ghə̀ŋ ko zàʼa tebè tsu. Ghə̀ŋ shiʼsə tə kwoʼtə ə təŋtə ə lyɨ̀ təwen ə təŋtə to ando ghə̀ŋ diʼi. Ghə̀ŋ ə ki təwen ə təŋtə chò fa əbyɨmə yi a ghə̀ ku li a ghə̀ŋ.

1 Kolìntyàns 12:18

Əwèn wìʼ ədiʼ alə̀ mu Nyìngòŋ ə ne əghʉ̀ la no tèbe kəbàs kə kò kə ə ndiʼ to a ji yi a ghə̀ kòŋ fa tsù.

1 Kolìntyàns 13:2

Mà sətsen ə nkiʼ kəku ə nshɨtə kɨ ə shə̀ʼtə̀ kənyʉ̀ kə Nyìngòŋ, zhʉ kɨ nyʉ̀ ə lyomtəvə, no ə tsèm, kiʼi ətof kumə əfo ə tsèm be kiʼi əbyɨmə a ghə̀ zì ghə ne la mà ə məʼtə phènsə alì ko ndiʼ la ma kiʼi əkòŋ, ko mà na kwʉ̀ʼʉ̀ no kəfo no fa mpfen.

1 Kolìntyàns 14:1

Ghə̀ŋ nkəŋ ji to məzhʉ̀ ə tsèm ə ndiʼi əkòŋ a viʼi. Ghə̀ŋ ə soynə ə kiʼi kəku kikə a kəzhwì kə Ŋwoʼkə ə ku, soynə no nəkwoŋ la kə ne, ghə̀ŋ nkɨ ə shə̀ʼtə̀ ntɨm ə Nyìngòŋ.

1 Kolìntyàns 14:24

Alì mu ghə̀ŋ və tsèm sətsen ə shə̀ʼtə̀ ntɨm mu ghə̀ lù fa Nyìngòŋ, viʼi vyi a və ko tɨmə ə byɨmə kwen vi ə zhʉ, kò à kwen viʼi ə ghayn, a ntɨm ayi a nè, la vəwenə byɨmə no fa vəwenə ngeŋsə la vəwenə ə ne mbyɨ, a nyʉ̀ vyi a vəwenə zhʉ və ghaʼ vəwenə

1 Kolìntyàns 14:29

Nshə̀ʼtə̀ sə ngàʼa, sə ngàʼà to sə bò kò sə tàʼ. Vəwenə ngàʼà, viʼi vətsenvə nkìtə̀ kənyʉ̀ ki a vəwenə gàʼà.

1 Kolìntyàns 3:5

Nò tèbe ali, Abolòs diʼ ndò, Bol diʼ ndò? A vəwenə ə diʼ to viʼi ə shyèʼ a Nyìngòŋ ə ku a ghə̀ŋ la vəwenə shə̀ʼtə̀ ntɨm ə jùŋ ghə̀ŋ zhʉ, ə byɨmə. Nò tèbe ndò ə ne to shwèʼ yì a Bobo ku la ghə̀ ə nè.

1 Kolìntyàns 7:7

Ma zizi mà kòŋ la no viʼi vətsèm ə diʼ to nə̀ mò. Alì Nyìngòŋ ə sə diʼ mu ghə̀ ku li kəku, no tèbe ndò sə kiʼi kəwen kə, to nə̀ nəkwoŋ.

2 Kolìntyàns 8:12

byìʼì ando ghə̀ŋ sə nku kəfo, ghə̀ŋ ə nsaŋlə̀ ə ku ki kə a ghə̀ŋ kiʼi, Nyìngòŋ a shì kəku a kì, mu ghə̀ŋ sətsèn faŋ ke kiʼi kəfo, ko Nyìngòŋ a nki kəfo fa ghə̀ŋ.

Efisyàns 3:5

A diʼ nyʉ̀ ko andiʼ la Nyìngòŋ ndiʼi li a viʼi ambì. Nyìngòŋ ə lyɨ kəzhwì kə Ŋwoʼkə ə wen ə nè la kə diʼ laynsə nyʉ̀ venə a viʼi ə ntɨm ə wen nə̀ nshə̀ʼtə̀sə.

Efisyàns 4:11

A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

Filìbàyns 3:15

Mà sə kəŋə la vəghəŋ vətsèm a vəghəŋ ə to li ə nkwʉʼ à vəghəŋ ə byɨmə a nyʉ̀ venə nkiʼ tò kwòʼtə̀ aghenə. A sətsèn ghə̀ŋ vətsenvə nkiʼ əkwoʼtə kədyàŋ a nyʉ̀ venə mu Nyìngòŋ a nè ə ghə̀ŋ ə nzhʉ kɨ ənyʉ̀ avenə no nkàyn.

1 Tèsàlonyà 5:20

kò tensə ntɨm yì a viʼi shə̀ʼtə̀ a ghə̀ŋ mu ghə̀ lù fa Nyìngòŋ.

2 Bità 1:20

Ghə̀ŋ diʼ ə shɨtə kɨ no ji nə̀ nəkwoŋ la kənyʉ̀ kə tsen kə ko diʼ tebè a Ŋwàʼlə̀ Nyìngòŋ a nshə̀ʼtə̀ ə ghoʼo ə tsen ə nyòʼò to fa wen a ngeŋ.