Lumans 12:11 - The New Testament in the Babanki language

¹¹ Kə ghə̀ŋ ne bwaʼa. Ghə̀ŋ ə ghàblə̀, shyèʼ a Bobo no nə̀ tətyɨm ə təŋtə no tətsèm.

Lumans 12:11 Iomraidhean Croise

Matìyò 24:12

Nyʉ̀ byɨvə lu nlyɨ̀ kəshi tò a shi no ghoʼo əzaʼa a nsəʼ tsen a viʼi ko be lə ntùʼù kòŋə̀ vətsenvə.

Matìyò 25:26

Tì shwèʼ wen yì gàʼ la, Wù dìʼ wù shwèʼ byɨ be diʼ no zhɨ kədyàŋ! Wù tə kɨ no a nkàyn la mà zhɨ kèn la mà ko shwèʼ be kəŋə fo fa kəshi a mà ko we,

Shwèʼ 18:25

Ghə̀ ndìʼ mu ghə̀ bè ziʼi nyʉ̀ byìʼì jisə shìsə a Bobo kəŋ la viʼi ntsi fa tsu, ə sə gàʼà no nə̀ kədyoʼkə, be ziʼi viʼi byìʼì Yesò a ji a ghə̀ ndìʼì la ghə̀ nkɨ kənyʉ̀ a ghə̀ nziʼì. Ghə̀ ntùʼù kɨ tò nyʉ̀ vyi a Joyn wu ku amù nziʼì byìʼì mu mì a ghə̀ nku à viʼi lì.

Shwèʼ 20:19

No tè ando Vəjew vətsenvə mbaʼtə̀ nyʉ̀ byɨvə byìʼì mò, be ku ngəʼ à mò nè la mà ndì. Mà tə nè shwèʼ ə ghomə to nə̀ wù shwèʼ Bobo be gumlə̀ viʼi tò məzhʉ̀ ntsèm.

1 Kolìntyàns 7:22

Wìʼ ndiʼ la ghə̀ ndiʼ kəkòs mibu Bobo dzàŋə wen mu ghə̀ sə diʼ fa ngeŋ, ndə̀ŋndəŋ ando ghə̀ sə dzàŋ wìʼ, ghə̀ diʼ fa ngeŋ, ghə̀ sə diʼ kəkòs a Yesò.

Efisyàns 4:28

A tə ndiʼ mù wìʼ tə tsoŋ, kə ghə̀ bè tsoŋ. Ghə̀ boŋsə diʼ ə shwèʼ kəfo nə̀ avù wen, ə kiʼi kəfo ə gyamtə viʼi vətsenvə vi a və ko kiʼ.

Kòlòsyàns 4:1

Ghə̀ŋ ghaʼa viʼi vyi a və shwèʼè a ghə̀ŋ a jisə jùŋsə a vətiʼ və əshwèʼ, be ku əfo vi a vəwenə diʼ ə kiʼ. Ghə̀ŋ kɨ la ghə̀ŋ be kiʼi tìʼ shwèʼè akàŋ.

1 Timotì 5:13

Vəwenə ə jèʼè loʼsə, kwenə tò ngə̀ŋ a ngə̀ŋ, moʼo kùwòŋ, kwenə chò a nyʉ̀ nə̀ viʼi bè gàʼà ənyʉ̀, a ko diʼ kəshi kə vəwenə ə və gaʼa.

Hibùlù 12:28

Vəghəŋ nku li kəzòŋ a Nyìngòŋ ando ghə̀ kù li lòʼ a vəghəŋ a ghə̀ ko zizi lu nə̀ʼkə̀. Vəghəŋ ə̀ nkuʼsə Nyìngòŋ a ji yi a ghə̀ kəŋ fa tsù, gumlə Nyìngòŋ no nànto.

Jems 5:16

Ghə̀ŋ ə nshə̀ʼtə̀ lì mbyɨsə sə̀ŋsə à ghə̀ŋ a ntìntìn be jɨ̀mə̀ à no ndò à ghə̀ŋ a ntìntìn ndi və chʉʼ ghə̀ŋ. Jɨmə wù kənyʉ̀ kə tɨməkə kiʼ kədyòʼ kə ghoʼokə a nyʉ̀ a jɨ̀m ayi nè.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 4:8

Nò kənyʉ̀ kə to kə ə diʼ la ghə̀ŋ ə shɨtə kòŋmə tə wenə ətəŋtə byìʼì ando əkòŋ ə na nè, və lyesə ku mbyɨsə to kədə̀ŋ.

Kəmwetə 2:4

alì mà ghàmə̀ ghə̀ŋ a kənyʉ̀ kènkə kə mùʼ lə, la ghə̀ŋ ko bè kòŋə̀ mò ando ghə̀ŋ tə nkòŋə̀ fa mbì.