Lumans 11:7 - The New Testament in the Babanki language

⁷ Kə lə diʼi la viʼi Islel və ghoʼovə ə ghʉ li kəfo kì a vəwenə və tsèm tə kəŋ no nànto ə kiʼi, à kiʼi to təshɨ tə viʼi alə̀ ando Nyìngòŋ ə tsùʼtə. Viʼi no və ghoʼo tosə li tətyɨm ə zhʉ̀ fa Nyìngòŋ.

Lumans 11:7 Iomraidhean Croise

Ŋwàʼlə̀ Mak 6:52

byìʼàndo vəwenə nko kɨ kənyʉ̀ a kə yì chò nə̀ kəbayn kì. Kə nto ghoʼo vəwenə ə vəwenə kɨ.

Ŋwàʼlə̀ Luk 13:24

“Ghə̀ŋ mwòmsə no nə̀ kədyòʼ ə cho fa chʉ ngə̀ŋ a ghə̀ faʼsə ə kwen a kəshi kə fòyn Nyìngòŋ. Ghə̀ŋ kɨ la viʼi no və ghoʼo lu nkəŋ kwen fa tsu ali kə to ghoʼo vəwenə.

Joyn 12:40

“Nyìngòŋ ə nè li, vəwenə nfyɨf ə be ntosə tətyɨm tə vəwenə, ndiʼ vəwenə ki tèbe ki ko və lu yenə, kwòʼtə̀ tèbe kənyʉ̀, ko andiʼ la və kɨ; byìʼàndo vəwenə sətsen ə yenə be kɨ nyʉ̀ a və bwensə ə vi a Nyìngòŋ ghə̀ chʉʼ vəwenə.”

Lumans 10:3

Vəwenə ko kɨ ji yì a Nyìngòŋ nə̀ lyɨ viʼi kənyʉ̀ kətɨməkə fa tsù. A le kənyʉ̀ ki a vəwenə tensə li ji na ghèn ə boŋsə shɨtə ghə̀ vəwenə.

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

Lumans 11:5

Kə be diʼ ndə̀ŋndəŋ a vəghəŋ luwen. Nyìngòŋ ə diʼi li ətyɨm ə jùŋ ghə̀ ə wen, ə tsuʼ shisə viʼi vətsenvə no tèbe ando vəwenə ə tyetə.

Lumans 3:9

Və zizi və gàʼ mwetə la gho? La vəghəŋ viʼi Jus ə chò viʼi vətsenvə mu? Kə ko diʼ ali no fa mphen. Kə diʼ to ando mà sə diʼ mù ma diʼi li ə làynsə la viʼi Jus nə̀ viʼi ətɨm ə tsèntə diʼ to viʼi nyʉ̀ ə byɨvə no vətsèm.

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

Lumans 9:18

Kə le diʼi la Nyìngòŋ ə sə kusə shinsə no tèbe ando a ghə̀ kòŋ ə kusə shɨnsə a wen. Ghə̀ kòŋ ə nè la wìʼ nkiʼi tyɨm ə toghə ghə̀ ne ando a ghə̀ kòŋ.

Lumans 9:23

Nyìngòŋ ə sə kəŋ ə diʼ kədyòʼ kə kaynə kə ə wen a viʼi vi a ghə̀ kusə shinsə a vəwenə, à diʼ vəghəŋ vi a ghə̀ nsə diʼ mu ghə̀ ə baʼtə̀ ə ku kədyòʼ na kènkə a vəghəŋ.

1 Kolìntyàns 10:19

A ghə̀ŋ lə zhʉ̀ kɨ no tèbe kənyʉ̀ kì a ma gàʼà a? Ma gàʼà ə boʼ la əfo ə zhɨvə vyi a və moʼo a əse a nshəʼsə ə diʼ no kəfo kə tsenkə mu, la no nshəʼsə a vyi diʼ kəfo lo?

2 Kolìntyàns 3:14

Nò fa mpfen, vəwenə nyenə ko andiʼ la və kɨ kənyʉ̀, à sə diʼ tèbe layn ghə̀ŋ bo diʼ to ali. Vəwenə ndzàŋə̀ ŋwàʼlə̀ məkàyn mə mumə̀, ko və lu zhʉ kɨ. Kə ndiʼ alə̀ byìʼì ando kəfo ki bo chiʼtə ə tof ə vəwenə to chiʼtə, a diʼ to Yesò a ghə̀ zizi ghə̀ lyisə kəfo na kì.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Efisyàns 1:4

Nò tèbe mibu Nyìngòŋ nsə shɨtə mbyi mu ghə̀ ntsuʼ li vəghəŋ byìʼì ando vəghəŋ ə ndiʼ a kənyʉ̀ kə mùʼ vəghəŋ və Klistò la vəghəŋ lu ndiʼ viʼi vəlaynəvə, ko andiʼ la və kiʼi ə mbyɨ ashɨ Nyìngòŋ.

Efisyàns 4:18

Vəwenə zhʉ ko andiʼ la və kɨ kənyʉ̀, ko və kɨ kənyʉ̀ kumə ntsìnə̀ Nyìngòŋ byìʼì kəkoyn kə vəwenə mu à vi nə̀ kətʉ̀kə ə tokə kì a vəwenə ə kiʼi.

Filìbàyns 1:18

Alì ngəʼ ko diʼ! Ko wìʼ nshə̀ʼtə̀ ntɨm ə Yesò zhuŋsə ne tèbe nè, kò ghə̀ ne nəmwèʼè, ma saŋlə byìʼì ando vəwenə shə̀ʼtə̀ ntɨm ə jùŋ Yesò ghə̀ kwi dyʉ̀ to ambì.

Hibùlù 12:17

A ghə̀ŋ kɨli la à ndiʼ fa yi abàm ando ghə̀ ku to ə wen na yì a lèmə̀ wen ə tyetə, ghə̀ bwensə sə kəŋ no nə̀ məshɨ a wen a shɨ la tiʼi wen bwàʼsə wen ali ghə̀ tyen byìʼì ando ji nko be diʼ la ghə̀ bwensə tensə kənyʉ̀ ki a ghə̀ nsə diʼ mu ghə̀ nè li.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.