Lumans 11:25 - The New Testament in the Babanki language

²⁵ Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

Lumans 11:25 Iomraidhean Croise

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

Ŋwàʼlə̀ Luk 21:24

Və lu zhwilə vəwenə vətsen və nə̀ mənyi ə ghaʼtə vəwenə vətsen və ə dyʉ̀ ghʉ a kòs tò təshə tə mbyi tətsèm. A le ando və lu tsəʼsə Jelusalèm nə̀ aghʉ be nyàblə̀ nə̀ vəwenə əzaʼa fa zhʉ a zhʉ vəwenə ne kwʉ̀ʼ.

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Lumans 1:13

Ma kəŋ la ghə̀ŋ kɨ a vəlemə vwomə la ma baʼtə̀ li ə vi ə ghàyntə ghə̀ŋ a aghayn no kədə̀ŋ, ali baʼtə̀ no zhʉ̀ko, kənyʉ̀ kə ə vi ə taʼsə to taʼsə. Ma kəŋ ə vi ə ziʼi viʼi la və ndzɨ̀mtə̀ Yesò ndə̀ŋndəŋ ando a mà ziʼi li viʼi ətɨm vətsenvə.

Lumans 11:12

A ndiʼ ando viʼi Jus ne mbyɨ, Nyìngòŋ ə ku əghoʼ a viʼi mbyi vətsenvə. Kə lə diʼi la Nyìngòŋ ə ku li əghoʼ a viʼi ətɨm byìʼì ando viʼi Jus fəŋ li. Ghə̀ sətsen ə ku əghoʼ na ghenə a viʼi ətɨm byìʼì mə əfəŋə viʼi Jus, ghə̀ be le ku əghoʼ na yi a viʼi azhʉ̀ a viʼi Jus bwensə vi a wen a?

Lumans 11:24

Nò fa mpfèn, Nyìngòŋ ə sətsen ə ndiʼ, mu ghə̀ lyɨ̀ li ghə̀ŋ ə viʼi ətɨm, ghə̀ŋ diʼ alə̀ to nə̀ təntam tə fəkoʼ a tə kumə kuʼ, ghə̀ a ghʉ ale ə bwensə ə lyɨ̀ təntam mu tə fʉ̀ fa fəkoʼ mu və zhɨtə zhɨtə a?

Lumans 12:16

Ghə̀ŋ ə ntsi to a kənyʉ̀ kə mùʼ. Kə ghə̀ŋ a ghaŋsə əwen. Ghə̀ŋ boŋsə tsèntə vye və viʼi a və bwaʼa. Kə ghə̀ŋ a wʉ̀ la ghə̀ŋ kɨli nyʉ̀ ə tsèm.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

Lumans 9:18

Kə le diʼi la Nyìngòŋ ə sə kusə shinsə no tèbe ando a ghə̀ kòŋ ə kusə shɨnsə a wen. Ghə̀ kòŋ ə nè la wìʼ nkiʼi tyɨm ə toghə ghə̀ ne ando a ghə̀ kòŋ.

1 Kolìntyàns 10:1

Ma kəŋ a vəlemə vwomə la ghə̀ŋ be kwoʼtə ando vətiʼ vəghəŋ ə njèʼè tsi ə boʼsə a nse zɨm, mboʼsə sə diʼi ji a vəwenə no və tsèm, vəwenə lu jèʼ ə dyʉ̀ zàʼa a mù mə baŋə mə̀, mə tinə, vəwenə tɨm no vətsèm.

1 Kolìntyàns 12:1

Vəlemə və vwomə, ma kəŋ luwen la ghə̀ŋ ə kɨ kənyʉ̀ kumə kəku kikə a kəzhwì kə Ŋwoʼkə ə ku a viʼi.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

Efisyàns 3:9

be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

Efisyàns 4:18

Vəwenə zhʉ ko andiʼ la və kɨ kənyʉ̀, ko və kɨ kənyʉ̀ kumə ntsìnə̀ Nyìngòŋ byìʼì kəkoyn kə vəwenə mu à vi nə̀ kətʉ̀kə ə tokə kì a vəwenə ə kiʼi.

2 Bità 3:8

Alì kə ghə̀ŋ a lyèsə kənyʉ̀ kènkə a doŋ shom sə jùŋsə la à diʼ a Bobo, kətsi kə ə mùʼ kə diʼ to nə̀ ngʉ̀ʼ nkam, ngʉʼsə nkam diʼ to nə̀ kətsi kə mùʼ.

Kəmwetə 1:20

Əvenə diʼ ənyʉ̀ lyomtəvə a və diʼì byìʼì mədzɨ̀ŋ mèn sòmbo a wù yenə à mo kəvu kəkwoŋ ə toghə bènə̀ əfo venə sòmbo a və tomtə̀ ə̀ nkàʼtə̀ tsu lə̀: Mədzɨ̀ŋ mèn sòmbo dìʼi ntsɨ̀ŋsə ngə̀ŋ Nyìngòŋ a aloʼ ntsèntə̀sə viʼi və byɨməvə yi sòmbo, ə̀fo venə sòmbo a və tomtə̀ ə̀ nkàʼtə̀ tsu diʼ aloʼ ntsèntə̀sə viʼi və byɨməvə yi sòmbo.”

Kəmwetə 10:7

byìʼì a ne ndiʼ a mətsi a yì a ntsɨ̀ŋ ngə̀ŋ ə̀ Nyìngòŋ kəmwetə fa tì ntsɨ̀ŋsə shì sòmbo ə toŋ əsoŋ wen ə Nyìngòŋ ne kənyʉ̀ kə lyomtəkə wen kì a ghə̀ ə̀ nghʉ ando ghə̀ ə̀ nshə̀ʼtə̀ à viʼi ə shyèʼ ə wen a ə̀ ndìʼ nshə̀ʼtə̀sə sə̀ghoʼkəsə.

Kəmwetə 11:15

Ntsɨ̀ŋ ngə̀ŋ ə̀ Nyìngòŋ tsen bè tòŋ ə̀soŋ ə wen à ə̀ ndiʼ ntsɨ̀ŋsə sòmbo a sə toŋ li. Mà zhʉ gɨsə sə̀ tosə fa kàŋ sə gàʼà la, “Bobo vəghəŋ wenə̀ Klistò kìʼ kədyòʼ ə nsoʼo mbi luwèn, be diʼ ne ə nsoʼo tò soʼo no mətsi ntsèm.”

Kəmwetə 7:9

Fà yì a bàm, mà kɨ̀blə̀ ə̀ yen ənòyn ə viʼi və tsenə və taŋə lè mu vəwenə mòʼ vədàlə və fəfəvə nə̀ əzaŋ à vəwenə avu və ti a shɨ ə̀ kəfwoyn kì bènə̀ wàyn bi njɨ̀ yì. Viʼi a vyi ə̀ ndìʼ tənkì tə viʼi no tətsèm, mu və fʉ̀ fa təshyə tə loʼ tətsèm, be gàʼà tò təgàʼ tətsèm.