Lumans 11:20 - The New Testament in the Babanki language

²⁰ Kə diʼ no nəmwèʼè la və tə ə kwàʼtə̀ maʼa vəwenə, a diʼ byìʼì ando vəwenə kò byɨmə, ə wʉ̀sə ghə̀ŋ, a diʼ byìʼì ando ghə̀ŋ byɨmə, ali ghə̀ŋ ko diʼ ə ghaŋsə əwen. Ghə̀ŋ ə mbòŋsə̀ fwàynə̀ Nyìngòŋ,

Lumans 11:20 Iomraidhean Croise

Ŋwàʼlə̀ Luk 18:14

Mà shə̀ʼtə̀ a ghə̀ŋ la wìʼ a ghèn nlù sə pfwo zaʼa à wen ngə̀ŋ mu Nyìngòŋ tsəʼsəli mbyɨsə wen, ali kèn la ghə̀ tsəʼsəli mbyɨsə wu Falàsi yì. No məndo a ghə̀ kuʼsə wenə wen, Nyìngòŋ lu shiʼsə wen, alì no ndo a ghə̀ shiʼsə̀ wenə wen a nsè, Nyìngòŋ lu kuʼsə wen.”

Shwèʼ 18:6

Ando vəwenə ntensə kənyʉ̀ kì a ghə̀ ngàʼà be telə̀ wen, ghə̀ bwèn dzèm wen à vəwenə ə̀ gàʼ la, “Ghə̀ŋ sətsèn nè kənyʉ̀ kènkə alə̀, Nyìngòŋ maʼa ghə̀ŋ, mu à diʼi nsoʼ ghə̀ŋ, mu kəvu komkə ko à ndiʼ tsu. Mà lì a ghʉsə ghə̀ŋ luwèn ə̀ dyʉ̀ nshə̀ʼtə̀ ntɨm jùŋ aghèn à viʼi tɨmə.”

Lumans 11:18

Kə le diʼi la ghə̀ŋ ko diʼ ə ghaŋsə wen a viʼi vi a vəwenə diʼ to nə̀ tə ntam titə a və kwàʼtə̀ ə maʼa. Ghə̀ŋ kɨli la ghə̀ŋ diʼ to nə̀ təntam, ghə̀ŋ ko ghaʼa aghaŋ, a boŋsə ghaʼa aghaŋ ghaʼa ghə̀ŋ.

Lumans 11:21

byìʼì ando ghə̀ sətsen ndiʼ mu ghə̀ ə maʼa li viʼi Jus, vəwenə diʼ nkàyntə̀ təntam tə fəkoʼ a fenfə, ghə̀ ne boŋsə ə wʉ̀sə ghə̀ŋ a?

Lumans 12:16

Ghə̀ŋ ə ntsi to a kənyʉ̀ kə mùʼ. Kə ghə̀ŋ a ghaŋsə əwen. Ghə̀ŋ boŋsə tsèntə vye və viʼi a və bwaʼa. Kə ghə̀ŋ a wʉ̀ la ghə̀ŋ kɨli nyʉ̀ ə tsèm.

Lumans 12:3

Nyìngòŋ ə kiʼi li ətyɨm ə jùŋə ghə̀ a mò ə ku shyèʼ ə wen la mà ə nè, ma sətsèn ə gàʼ a ghə̀ŋ no və tsèm la, kə ghə̀ŋ ə̀ lyɨ təwen ə təŋtə shəʼmə a nsəʼ, a ghə̀ŋ ko zàʼa tebè tsu. Ghə̀ŋ shiʼsə tə kwoʼtə ə təŋtə ə lyɨ̀ təwen ə təŋtə to ando ghə̀ŋ diʼi. Ghə̀ŋ ə ki təwen ə təŋtə chò fa əbyɨmə yi a ghə̀ ku li a ghə̀ŋ.

Lumans 3:3

Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

1 Kolìntyàns 10:12

Kə le diʼi la no ndò yi a ghə̀ kwòʼtə̀ la ghə̀ ti a nkàyn diʼi tùʼmə̀, kə ghə̀ na fəŋ.

1 Kolìntyàns 15:1

Ma kəŋ luwen a vəlemə vwomə ə dzɨŋtə ghə̀ŋ nə̀ ntɨm ə jùŋ yì a ma ə nshə̀ʼtə̀ a ghə̀ŋ, ghə̀ŋ zhʉ ə byɨmə ə sə ti to tsu.

1 Kolìntyàns 16:13

Ghə̀ŋ tsɨŋ təwen ətəŋtə əto a ghə̀ŋ a byɨmə. Ghə̀ŋ nkiʼ ətyɨm ə to ghə̀ kə ghə̀ŋ a fwaynə tebè kəfo.

2 Kolìntyàns 1:24

Vəghəŋ ə kɨ to no nəmwèʼè la əbyɨmə ə ghəŋə to, ko yès ə lu kòŋ ə ntenlə wìʼ tenlə la ghə̀ ne kənyʉ̀ kumə əbyɨmə ə wen. Yès ə boŋsə kòŋ ə vi la vəghəŋ tsentə ə ne kənyʉ̀, kə vi to nə̀ saŋlə a ghə̀ŋ.

2 Kolìntyàns 10:5

Yès ə byɨbsə kəngùmə̀ kì a vi kuʼsə wen nè la kə viʼi kɨ Nyìngòŋ. Yès ə tisə təkwòʼtə̀ tə viʼi, ne la vəwenə kwoʼtə nyʉ̀ a ji yi a Yesò ə kəŋ la və nkwoʼtə fa tsu.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

Kòlòsyàns 2:7

Ghə̀ŋ we aghaŋ, be bwom wenə ghə̀ŋ ghə̀ to a wen. Ghə̀ŋ bwòm ntsìnə̀ ə ghəŋə a wen a wen ando və bwomə ngə̀ŋ akwi kəchɨ kə ngə̀ŋ kə jùŋə kə, shɨtə ghaʼ byɨmə yi a və tə ziʼi a ghə̀ŋ, ghə̀ŋ a to dyʉ̀ to nə̀ mbì. Ghə̀ŋ a lwin ne ku kəzòŋ a Nyìngòŋ no nànto.

2 Tèsàlonyà 2:4

Wù byɨ na ghèn lu fʉ ə soyn Vənyìngòŋ və tsenəvə no tèbè nə̀ gho ə tsen yi a viʼi ə gumlə, ə diʼ la ghə̀ to chò Vənyìngòŋ na vi. Ghə̀ lu dyʉ̀ kwen nyʉ̀ʼmə a ngə̀ŋ Nyìngòŋ ə ghoʼo ə gàʼa la à diʼ to no wen diʼ Nyìngòŋ.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

Hibùlù 3:12

Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

Hibùlù 3:19

Kə le diʼi la vəwenə nfaŋ li ko və lu kwen akəshi na yi byìʼì ando vəwenə ko byɨmə a Nyìngòŋ.

Hibùlù 4:11

Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

Hibùlù 4:6

Viʼi vyi a və nzhʉ ntɨm ə jùŋ na ghèn a ambì ə faŋ kò və lə kwen akəshi kə zhʉ̀təkə Nyìngòŋ a ki byìʼì ando vəwenə ntyen li ə zhʉ Nyìngòŋ, ali viʼi vətsenvə sə ə diʼ luwen lù kwen li akəshi na yi,

Jems 2:19

Ghə̀ŋ ə nè a nkàyn ando ghə̀ŋ ə byɨmə la Nyìngòŋ dìʼ tò mùʼ. No tè zhwì byɨvə byɨmə be tsɨŋtə̀ nə̀ fanə.

Jems 4:6

Alì boŋə tyɨm ə̀ wen à vəghəŋ ə kwi dyʉ̀ tò nə̀ mbì. Ŋwàʼlə̀ Nyìngòŋ ə mu sə gàʼà la, “Nyìngòŋ ə ko kòŋ viʼi a və kuʼsə̀ təwen tə vəwenə, alì kiʼ boŋə tyɨmə à viʼi a və shiʼsə̀ təwen tə vəwenə.”

1 Bità 1:17

A zhʉ a ghə̀ŋ ə jɨ̀mə̀ a Nyìngòŋ, ghə̀ŋ sə toŋtə wen la Tìʼ, a diʼ wen yi a ghə̀ soʼo viʼi vətsèm, soʼo ali, soʼo no ndò to ndə̀ŋndəŋ. Kə le diʼi la ghə̀ŋ diʼ ə gumlə wen no nànto ando ghə̀ŋ bo tsitə a nse ashen.

1 Bità 5:12

A gyàmtə̀ Silàs ngyàmtə̀ mò ma nyoʼtə fə ŋwàʼlə̀ na fenfə a ghə̀ŋ. Ghə̀ diʼ to no lèmə̀ ə jùŋ a əbyɨmə. Mà nyoʼtə mənyʉ̀tə a mèyn ndiʼ ghə̀ŋ lɨ̀mtə̀, ə be ə diʼi a ghə̀ŋ la Nyìngòŋ ə nshɨtə tùʼmə̀ nə̀ ghə̀ŋ. Ghə̀ŋ tɨmə ə nto a tuʼmə a ghèn.

1 Bità 5:9

Ghə̀ŋ tɨmə to a ghə̀ŋ əbyɨmə ndiʼ nto chò wen. A ghə̀ŋ kɨli la vəlemə vəŋə ə yenə ngəʼsə to ndə̀ŋndəŋ to nə̀ ghə̀ŋ to mbi ə tsèm.

Kəmwetə 18:7

Ando ghə̀ ə̀ nkuʼsə̀ ə̀wen ə wen be tsi a tì əghoʼ, ghə̀ŋ ku ngəʼ à wen alə̀ ghə̀ zhʉ əlɨ̀m. Ghə̀ ə̀ ngàʼà à wen ətyɨm la, ‘Mà dìʼ wì ə̀ fòyn, mà ko diʼ wùwì mpfʉ, mà ko dì əpfʉ.’

Kəmwetə 3:17

Ghə̀ŋ ə gàʼà la ghə̀ŋ kiʼi ə ko be diʼ mu ghə̀ŋ ə ghoʼ li ə̀ nkwʉʼ kèn la ghə̀ŋ ə bè gho kəfo. Ghə̀ŋ alì kò ghə̀ŋ lu kɨ la nəmwèʼè dìʼ la ghə̀ŋ dìʼ nji əfo, diʼ tò a nshinsə a nshinsə, femə, diʼ ənfyɨf, be diʼ tò ənàʼ à ntsuʼ.