Lumans 11:2 - The New Testament in the Babanki language

² Nyìngòŋ ə ko maʼa viʼi wen mu ghə̀ ə ghʉ̀ li la ghə̀ lu bwaʼsə vəwenə mibu shɨtə mbi. A ghə̀ŋ kɨli kənyʉ̀ kì a Ŋwàʼlə̀ Nyìngòŋ ə ngàʼa kumə Ilajà a ghə̀ ə sensə Nyìngòŋ la ghə̀ diʼ kənyʉ̀ ki a viʼi Islel a vəwenə byɨbsə. Ghə̀ ə sensə gàʼa la,

Lumans 11:2 Iomraidhean Croise

Ŋwàʼlə̀ Mak 12:26

Kùmə̀ məlù fa pfʉ, ghə̀ŋ be ko ntɨmə̀ dzàŋ kəshi kə ŋwàʼlə̀ Nyìngòŋ kì a Mosìs nlù nyòʼ byìʼì zhiʼ a ghə̀ mbolə̀ a toʼ? Nyìngòŋ ngàʼa à Mosìs a kəshi ayì la, ‘Nyìngòŋ Ablaham diʼ Nyìngòŋ Izìk be diʼ Nyìngòŋ Jàkob.’

Ŋwàʼlə̀ Luk 4:1

Yesò bwènə̀ fʉ̀ kuʼ fa mù mə Jodàn mu kəzhwì kəŋwoʼkə lwinli à wen tyɨm, kə lyɨ̀ wen ə kwen nə̀ wen a nse zɨm.

Joyn 4:11

Wùwì a ghèn ə mù bèm a wen la, “Wu lə lyɨ mu na mèyn fa fe ku a mò a Tikəbəŋ, ko andiʼ la wù kiʼi kəfo ə chʉ tsu, nkwòŋ a ghèn be shwemə a?

Shwèʼ 13:48

Viʼi tɨm nè zhʉ̀ kənyʉ̀ akì sə saŋlə no nànto be bwomsə̀ ntɨm jùŋ Bobo. Viʼi a Nyìngòŋ ntsuʼ li la vəwenə lù kiʼi bwòŋ a ghə̀ ko lu mè byɨmə à Bobo Yesò.

Shwèʼ 15:18

Ghenə diʼ gaʼa Bobo a ghə̀ ne li la viʼi kɨ nyʉ̀ avenə no fà kəghaf.’”

Shwèʼ 3:17

“Luwèn a vəlèmə̀ vwomə, mà kɨ la kənyʉ̀ a ghə̀ŋ nə̀ tʉtʉ vəŋə ə nè à Yesò ə̀ ndìʼ tò byìʼàndo ghə̀ŋ nko kɨ kənyʉ̀ a ghə̀ŋ ə nè.

Shwèʼ 7:40

mù gàʼ à Alòyn la, ‘Shɨ̀tə vənyìngòŋ vətsenvə à vəghəŋ və ndyʉ̀ à vəghəŋ a mbì. Yès ko kɨ̀ la à chò gho nə̀ Mosìs yì a ghə̀ tə lyɨ̀ vəghəŋ ə̀ fʉ̀ nə̀ vəghəŋ fà loʼ Ijìb.’

Lumans 6:16

A ghə̀ŋ kɨli la ghə̀ŋ sətsen ku təwen ə təŋtə a əkòs a wìʼ, a ghə̀ŋ ne ndiʼ ə kòsə a wìʼ ayi zhʉ to fa wen? Ghə̀ŋ sətsen ku təwen ə təŋtə a əkòs a mbyɨ, a ghə̀ŋ ne zhʉ to fa mbyɨ, kəmwètə kikə diʼi əpfʉ̀. Mu ghə̀ŋ sətsen ku tə wen ə təŋtə a Nyìngòŋ a ghə̀ŋ ne ndiʼ əkòs ə wen, a kəmwètə kikə ne diʼ la ghə̀ a lyɨ ghə̀ŋ a viʼi kənyʉ̀ kətɨməkə.

Lumans 9:23

Nyìngòŋ ə sə kəŋ ə diʼ kədyòʼ kə kaynə kə ə wen a viʼi vi a ghə̀ kusə shinsə a vəwenə, à diʼ vəghəŋ vi a ghə̀ nsə diʼ mu ghə̀ ə baʼtə̀ ə ku kədyòʼ na kènkə a vəghəŋ.

Lumans 9:6

Ma ko gaʼa alə ə fʉ̀ la Nyìngòŋ ə ko ə ne kənyʉ̀ ki a ghə̀ ə ghʉ̀. Jòʼ, Kə diʼ la, à ko diʼ viʼi Islel və tsèm a Nyìngòŋ ə tsuʼ a viʼi wen.

1 Kolìntyàns 6:2

Kə lə diʼ la ghə̀ŋ ko kɨ la à lu soʼo viʼi Nyìngòŋ soʼo mbyi mu? A sətsen a ndiʼ lù soʼo ghə̀ŋ soʼo mbyi, ghə̀ŋ ne ale ə nsoʼo mənsoʼtə mə bwaʼmə̀ a?

1 Kolìntyàns 8:3

Alì mu wìʼ sətsen ə̀ kòŋ Nyìngòŋ, Nyìngòŋ a nkɨ wen.

Filìbàyns 1:22

Kə sətsen ə kuʼ la mà faŋ ə ntsi a wen kətsoʼ ashə̀, mà kiʼi ji ə tuʼtə ə nè shyèʼ ə jùŋghə. Ma ko kɨ la à bòŋ kəko a mò lo, pfʉ mu ə ntsi lo.

Hibùlù 1:1

A ndiʼ a tʉʼ ə mughə, Nyìngòŋ ə ngaʼa a vətiʼ və vəghəŋ chò fa nshə̀ʼtə̀sə ghoʼkəsə. Ghə̀ ə ngàʼa to a jisə a jisə, nə̀ to aghayn aghayn.

1 Bità 1:2

Nyìngòŋ, ə Tìʼ sə diʼ mù ghə̀ ghʉ̀ li ə tsuʼtə ghə̀ŋ a viʼi və laynə və wen chò fa əshyèʼ kəzhwì kə Ŋwoʼkə. Ghə̀ nè ali ndiʼ ghə̀ŋ ə zhʉ to fa Yesò Klistò, mənlyuŋ mə wen ə shʉ̀ laynsə ghə̀ŋ. Nyìngòŋ ə diʼi ətyɨm ə jùŋə ghə̀ a ghə̀ŋ no nànto ə be kù mbwaʼmə a ghə̀ŋ.