Lumans 11:16 - The New Testament in the Babanki language

¹⁶ Və sətsen byə̀ʼ kəbayn ə kù a Nyìngòŋ a ambì, kə ne diʼi la no əghɨf ə kəbayn na yì no tsèm ə kiʼ to Nyìngòŋ, mu aghaŋ ə fəkoʼ ə sətsèn ndiʼ a nse, a kiʼ Nyìngòŋ, kə ne diʼi la à kiʼi wen kiʼi tə ntam ə tyitə.

Lumans 11:16 Iomraidhean Croise

Lumans 11:17

Ghə̀ŋ viʼi ətɨm diʼ alə̀ to nə̀ təntam tə fəkoʼ a fə tə kuʼ, və kwàʼtə̀ vi ə zhùŋtə̀, ə sə kwi a fəkoʼ a və we. Ghə̀ŋ sə diʼ luwen, zhɨ̀ əfo ə zhɨvə vi a fəkòʼ fə zhɨtəfə na fenfə ə zhɨ̀, be boŋ kiʼi aghaŋ yi a fə kiʼi.

Lumans 8:23

A ko diʼ to fo a venə a və dì. Nò tèbe vəghəŋ vi a və kiʼi kəzhwì kə Ŋwoʼkə, a diʼ kəku kə ə mbì ki a Nyìngòŋ ə kù a vəghəŋ ə be dì to dì a vəghəŋ a ti tətyɨm, bvɨtə la Nyìngòŋ ə lyɨ̀ vəghəŋ a nkàyntə̀ sə vunə wen, ə zen kətʉ kə vəghəŋ ə mwetə.

1 Kolìntyàns 7:14

Kə diʼ alə̀ byìʼì ando Nyìngòŋ ə na ne wulɨm yi a ghə̀ ko byɨmə la ghə̀ laynə byìʼì wi wen, ə be nè wùwì yi a ghə̀ ko byɨmə la ghə̀ ə̀ laynə byìʼì lɨmə wen. A bwen a li ko vu vəwenə a ndiʼ nə̀ laynə, ali kə sə diʼ nəmwèʼè la vəwenə ne laynə.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

Kəmwetə 14:4

Viʼi avenə ndìʼ vi a vəwenə nko byɨsə təwen tə vəwenə wenə̀ və ki; à dìʼ vəwenə a vəwenə dzɨ̀mtə̀ wàyn bi ənjɨ̀ no fe a ghə̀ dyʉ̀; à dìʼ vəwenə a və̀ ndìʼ mu və zen li kətʉ kə vəwenə fà Wùmə̀nsòŋ vəwenə sə diʼ mbì ashɨ nkòʼ à Nyìngòŋ wenə̀ wàyn bi ənjɨ̀.