Lumans 11:10 - The New Testament in the Babanki language

¹⁰ Ghə̀ ə gaʼa kwʉ̀ʼsə la ghə̀ kəŋ la, “Nyìngòŋ ə mòʼ kənfyɨf a vəwenə ashɨ, vəwenə ndiʼ ko və lu yen ə̀ shi, la ghə̀ we vəwenə a ngəʼ vəwenə kaʼ ə lu kwaʼkə to a ntìntìn ngəʼ.”

Lumans 11:10 Iomraidhean Croise

Lumans 1:21

Vəwenə kɨ Nyìngòŋ ali ko və kuʼsə tebè wen ando və diʼ ə nkuʼsə, ko və ku tebè kəzòŋ a Nyìngòŋ. Təkwòʼtə̀ tə vəwenə diʼ to təkwòʼtə̀ tə nəkwoŋ, vəwenə ko be kwoʼtə tebè kənyʉ̀ kə nəmwèʼè bɨ̀lə̀ to bɨ̀lə̀.

Lumans 11:8

Kə fʉ̀ to ando və nyoʼo a Ŋwàʼlə̀ Nyìngòŋ la, “Nyìngòŋ ə nè li vəwenə la kə və lu zhʉ kɨ tebè kənyʉ̀, ko və wenə ə kɨ tebè kənyʉ̀, no tèbè ə zàʼa fa layn.”

Efisyàns 4:18

Vəwenə zhʉ ko andiʼ la və kɨ kənyʉ̀, ko və kɨ kənyʉ̀ kumə ntsìnə̀ Nyìngòŋ byìʼì kəkoyn kə vəwenə mu à vi nə̀ kətʉ̀kə ə tokə kì a vəwenə ə kiʼi.

2 Bità 2:17

Ndìʼsə̀sə dzɨŋ a sensə ə diʼ to nə̀ ashɨ məghòm azhʉ̀ mə zɨmə. Vəwenə nə̀ diʼ to nə̀ mboʼsə a zhʉ̀ a təfwof tə totə nə̀ tenə chò. Nyìngòŋ ə sə diʼ mù ghə̀ shɨtə li kəshi a vəwenə, kə fenə to la lèm.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Ŋwàʼlə̀ Jud 1:13

Viʼi a venə ə diʼ to nə̀ əsɨŋ a mù a mə bwìnkə̀ a ti a mù mə ghoʼo mə. To ando mu nə̀ bwìnkə̀, tenə fo ə byɨvə shisə a wen a mù. A diʼ to ndə̀ŋndəŋ to ando nyʉ̀ ə byɨvə ə və wenə fʉ̀kə̀ a ndayn. Vəwenə ə diʼ to nə̀ mədzɨ̀ŋ a mə tenə viʼi a kù, diʼ mù Nyìngòŋ ə moʼtə li kəshi kə fenə to la lèm la mə faŋ tsu to ghayn əmùʼ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.