Lumans 10:9 - The New Testament in the Babanki language

⁹ Yès ə gàʼa la no ndò sətsen ə gàʼ nə̀ əchʉ̀ ə wenə la Yesò diʼ Bobo ə byɨmə a wen a tyɨm la Nyìngòŋ ə nlùsə li wen fa pfʉ, ghə̀ lù bwòŋ.

Lumans 10:9 Iomraidhean Croise

Ŋwàʼlə̀ Luk 12:8

“Mà sə gàʼà ghə̀ŋ la, no məndo sə tsen diʼ ashɨ viʼi la ghə̀ diʼ wù ghom, Wàyn Wìʼ lu boŋ byɨmə ashɨ ntsɨŋsə Nyìngòŋ la ghə̀ diʼ wù wen.

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Shwèʼ 16:31

Vəwenə gàʼ à wen la, “Byɨmə à Bobo Yesò, a Nyìngòŋ a bwòŋsə wù wenə̀ viʼi ngə̀ŋ wù no vətsèm.”

Shwèʼ 2:24

alì Nyìngòŋ nè ghə̀ lù fa pfʉ ə̀ bwòŋsə̀ wen fa kədyòʼ kə pfʉ byìʼàndo ji ko ndìʼ a pfʉ nzì ghə̀ lə̀ ghaʼa wen.

Shwèʼ 2:32

Nyìngòŋ nkye li la Yesò aghèn lu fa pfʉ. Vəghəŋ vətsèm dìʼ viʼi və yenəvə a kənyʉ̀ aghèn.

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Lumans 10:10

Kə diʼ alə̀ byìʼì ando wìʼ ə byɨmə a wen tyɨm, Nyìngòŋ ə lyɨ̀ wen a wù kənyʉ̀ kətɨməkə, ghə̀ gàʼa nə̀ əchʉ̀ ə wenə la Yesò diʼ Bobo, ghə̀ a bwòŋ.

Lumans 14:11

Kə diʼ to ndə̀ŋndəŋ ando və nyoʼ li la Bobo gàʼ la, “Ma diʼ Nyìngòŋ ghə̀ŋ a ma tsi, gàʼa la no ndò lu gʉʼtə alʉ ə wen a mo ashɨ, no ndò gàʼ nə̀ əchʉ̀ ə wen la ma diʼ Nyìngòŋ.”

Lumans 14:9

Kə diʼ alə̀ byìʼì ando Yesò ə mpfʉ ə bwensə lù fa pfʉ, ə ndiʼ Bobo a viʼi vyi a və tsi nə̀ viʼi a və pfʉkə li.

Lumans 4:24

Və mbe nyòʼ a vəghəŋ vyi a və byɨmə Nyìngòŋ yi a ghə̀ nlùsə Bobo vəghəŋ Yesò fa pfʉ.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

1 Kolìntyàns 12:3

A lə kənyʉ̀ kì a ghə̀ŋ ə kɨ la wìʼ zizi ko ghə̀ lu sə ngàʼ ə telə Yesò, a li kəzhwì kə Nyìngòŋ kə tisə wìʼ ayì. Wìʼ zizi ko ghə̀ lu sə ngàʼa ə gàʼa la, “Yesò diʼ Bobo,”a bwen la ghə̀ kiʼi kəzhwì kə Ŋwoʼkə.

Filìbàyns 2:11

No tè ndò be ə ngàʼà a ndayn la Yesò Klistò dìʼ Bobo gàʼà a lì, ghoʼsə̀ Nyìngòŋ a diʼì Nyìngòŋ ə̀ Tìʼ.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.