Lumans 10:19 - The New Testament in the Babanki language

¹⁹ Ma bèmə la, kə lə diʼ la viʼi Islel ko tə zhʉ kɨ kənyʉ̀ ki a və nshə̀ʼtə̀ mu? Mosìs ngaʼa kumə kənyʉ̀ na kènkə ə gàʼ la Nyìngòŋ ə gàʼ la: “Ma na ne ghə̀ŋ, ghə̀ŋ ə kiʼ kənghə̀ʼ kumə viʼi, a vəwenə ko kwʉ̀ʼ ə kiʼ əloʼ ə wen ə vəwenə. Ma na ne, ghə̀ŋ fwisətin kumə viʼi lòʼ ə tsen ghə̀, ko vəwenə kiʼ ətof.”

Lumans 10:19 Iomraidhean Croise

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

Lumans 11:11

Ma bèmə la, viʼi Jus ə kòyntə fəŋ mwetə mu? Kə ko diʼ ali no fa mphen! A ə ndiʼ ando vəwenə ne mbyɨ, Nyìngòŋ ə kwòʼtə viʼi ətɨm ə ku bwoŋ a vəwenə. Ghə̀ ə ne alə ndiʼ viʼi Jus kaʼkə ə shɨmtə viʼi ətɨm.

Lumans 11:14

Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

Lumans 3:26

Ali sə diʼi luwen la ghə̀ diʼ to fəchìʼ, lyɨ no ndo yi a ghə̀ byɨmə a Yesò a wù kənyʉ̀ kətɨməkə.

1 Kolìntyàns 1:12

Kənyʉ̀ kì a ma gàʼà diʼ la no ndò fa ghə̀ŋ a ntìntìn sə gàʼà to nə̀ nəkwoŋ. Viʼi vətsenvə ə gàʼa la, vəwenə dzɨ̀mtə̀ ziʼi Bol vətsevə gàʼà la, vəwenə dzɨ̀mtə̀ ziʼi Abolòs; vətsevə gàʼà la, vəwenə dzɨ̀mtə̀ ghə̀ Sefàs; vətsevə gàʼà la, vəwenə diʼ a ghə̀ Yesò.

1 Kolìntyàns 10:19

A ghə̀ŋ lə zhʉ̀ kɨ no tèbe kənyʉ̀ kì a ma gàʼà a? Ma gàʼà ə boʼ la əfo ə zhɨvə vyi a və moʼo a əse a nshəʼsə ə diʼ no kəfo kə tsenkə mu, la no nshəʼsə a vyi diʼ kəfo lo?

1 Kolìntyàns 11:22

Ghə̀ŋ ko kiʼ aloʼ nzhɨ tsu be nyʉ mu? Ghə̀ŋ diʼ alə̀, chasə ngə̀ŋ Nyìngòŋ! Ghə̀ŋ kəŋ ə ndiʼsə kətʉ kə viʼi vyi a və ko kiʼ kəfo mu? A fʉ̀ no ghò nə̀ ghə̀ŋ a? Ghə̀ŋ kəŋ la mà ə bwomsə ghə̀ŋ a nyʉ̀ a venə mu? Mà zizi ko ma lu mwòm.

1 Kolìntyàns 12:2

Ghə̀ŋ kɨli la a ndiʼ ando ghə̀ŋ bo bu ko ghə̀ŋ lu tɨmə diʼ viʼi və byɨməvə, və nlobtə ghə̀ŋ, lyɨ dyʉ̀ nə̀ ghə̀ŋ a nshəʼsə, a və ko gàʼà.

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.

1 Kolìntyàns 7:29

Nò kənyʉ̀ kì a ma gàʼà a vəlemə vwomə, diʼ la, zhʉ̀ yi a və ghʉ̀ sə diʼ mù ghə̀ boʼsə li. Ə zìtə̀ fa luwèn ə dyʉ̀ nə̀ mbì, viʼi vyi a və kiʼi ki diʼ ə̀ ntsi to sə vəwenə ko kiʼ,

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.