Lumans 10:16 - The New Testament in the Babanki language

¹⁶ Alì, à ko diʼ viʼi və tsèm a və zhʉ̀ ntɨm ə jùŋ na ghèn ə sə wʉ̀ kətʉ tsu. Kə diʼ to ndə̀ŋndəŋ ando nshə̀ʼtə̀ əsoʼgho ə gaʼa ə bèm la, “Viʼi vi a və zhʉ̀ ntɨm yì a yès shə̀ʼtə ə byɨmə le bè diʼ no və ndo a Bobo?”

Lumans 10:16 Iomraidhean Croise

Matìyò 13:14

Ntɨm ə Nyìngòŋ yì a nshə̀ʼtə̀ Azayà nlù shə̀ʼtə̀ kwʉʼ li a vəwenə la ghə̀ŋ lu nzhʉ nyʉ̀ tò zhʉ alì kò ghə̀ŋ lu nkɨ, ki shi tò ki alì kò ghə̀ŋ lù nyenə kəfo.

Joyn 10:26

ko ghə̀ŋ mbyɨmə byìʼàndo ghə̀ŋ ko diʼ byisə shomsə.

Shwèʼ 28:24

Viʼi vətsenvə byɨmə la ghə̀ gàʼà tò nəmwèʼè, alì vətsenvə tyen la vəwenə ko a byɨmə.

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

Lumans 11:17

Ghə̀ŋ viʼi ətɨm diʼ alə̀ to nə̀ təntam tə fəkoʼ a fə tə kuʼ, və kwàʼtə̀ vi ə zhùŋtə̀, ə sə kwi a fəkoʼ a və we. Ghə̀ŋ sə diʼ luwen, zhɨ̀ əfo ə zhɨvə vi a fəkòʼ fə zhɨtəfə na fenfə ə zhɨ̀, be boŋ kiʼi aghaŋ yi a fə kiʼi.

Lumans 16:26

luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

Lumans 2:8

Ghə̀ lu soʼ viʼi vyi a və kəŋ to kənyʉ̀ ngeŋsə ə vəwenə, ko və lu zhʉ kənyʉ̀ ki a kə diʼi nəmwèʼè ali kòŋ to ndzɨ̀ŋ. Ghə̀ lu soʼ vəwenə ə diʼ tin ə fwi ə wen a vəwenə.

Lumans 3:3

Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

Gàlesìyà 3:1

Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!

Gàlesìyà 5:7

Ghə̀ŋ tə nè akayn. Ma ko kɨ la à tə be tàʼsə ghò tàʼsə ghə̀ŋ la kə ghə̀ŋ ghaʼ kənyʉ̀ kì a kə diʼ nəmwèʼè lo?

2 Tèsàlonyà 1:8

A lu ndiʼ ando ghə̀ shiʼi vi wenə ə ntsɨŋsə wen na shisə, kəlwàŋ kə əzhiʼ kə ə bolə, ghə̀ bwensə lòʼ viʼi vyi a və tə mò Nyìngòŋ ə be tensə la və ko zhʉ̀ tebè kənyʉ̀ ki a ntɨm ə jùŋ kumə Bobo vəghəŋ Yesò ə gàʼa.

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Hibùlù 4:2

Vəghəŋ sə diʼ mù və zhʉ li ntɨm ə jùŋ to ndə̀ŋndəŋ ando vətiʼ və vəghəŋ ə nzhʉ a nse zɨm. Vəwenə ə nzhʉ no tèbè ali, kò ghə̀ lə gyamtə vəwenə byìʼì ando vəwenə ə nzhʉ ko və lu byɨmə.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 2:8

Və be ə nyòʼo a Ŋwàʼlə̀ Nyìngòŋ la: “A diʼi ngùʼ, viʼi kaŋtə tsu, a diʼ təwu, diʼ ə nè la viʼi ə foŋkə”. Viʼi ə kaŋtə tsu byìʼì ando vəwenə ko zhʉ tebè ntɨmə Nyìngòŋ, a diʼ kənyʉ̀ ki a Nyìngòŋ ə ghʉ̀ li la vəwenə nè.

1 Bità 3:1

Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,