Lumans 10:15 - The New Testament in the Babanki language

¹⁵ Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

Lumans 10:15 Iomraidhean Croise

Matìyò 9:38

Ghə̀ŋ jɨ̀m li a Nyìngòŋ yi a ghə̀ diʼ tì sɨm la ghə̀ tɨm kwùʼsə̀ viʼi və shwèʼ və və fʉ pfì pfwo a venə.”

Ŋwàʼlə̀ Luk 10:1

A sə ndiʼ a bàm nyʉ̀ a venə, Bobo tsuʼ viʼi vətsenvə njʉ̀sə̀bò a məwum sòmbo ə tɨm vəwenə, və bò və bò la və dyʉ̀ a mbì a ntə̀ʼ sətsèm nə̀ a shi a nkàyntə wen ndiʼ dyʉ̀ tsu,

Ŋwàʼlə̀ Luk 2:10

Alì ntsɨ̀ŋ ngə̀ŋ Bobo yì gàʼà vəwenə la “Kə ghə̀ŋ à fàyn, ghə̀ŋ zhʉtə, byèʼè ma vili nə̀ ntɨm jùŋə a ghə̀ŋ ne nè viʼi vətsèm saŋlə.

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Ŋwàʼlə̀ Luk 8:1

Fa bàm a tsu Yesò sə jèʼè shə̀ʼtə̀ ntɨm jùŋ byìʼì soʼ fòyn Nyìngòŋ a ntə̀ʼ sə ghoʼkə sə nə̀ sə tyetəsə. A ndiʼ alì ndzɨ̀mtə̀sə bàm wen shì njʉ̀sə̀ bò diʼ wenə vəwenə,

Joyn 20:21

Yesò ə gaʼa li ə kwʉ̀ʼsə a ndzɨ̀mtə̀sə bàm wensə la, “Mbwaʼmə ndiʼ a ghə̀ŋ! Ma tɨm ghə̀ŋ ndə̀ŋndəŋ ando Tìʼ ghom tə tɨm mo.”

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

Shwèʼ 22:21

Bobo bè gàʼ à mò tò la, ‘Lu, byìʼàndo ma tɨm wù no kəghaf à viʼi tɨm.’”

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Lumans 1:15

A lə kənyʉ̀ ki a ma kòŋ no nànto ə shə̀ʼtə̀ ntɨm ə jùŋ a ghə̀ŋ vi a ghə̀ŋ tsi a Lum.

Lumans 15:20

Mà tuʼtə kòŋ to ə shə̀ʼtə̀ ntɨm ə jùŋ ashi a viʼi ko təmə ə zhʉ̀ kənyʉ̀ tsu kumə Yesò. Ma ko kòŋ ə bè ə shə̀ʼtə̀ a kəshi mu viʼi sə kɨ kənyʉ̀ tsu kumə Yesò, kə kə ne diʼi la ma shyèʼè a kəshi ə wù kədyàŋ.

Efisyàns 2:17

Kə lə diʼi la Yesò nvi ə shə̀ʼtə̀ ntɨm ə mbwaʼmə a viʼi ə tɨm a və nko boʼsə Nyìngòŋ, nə̀ a viʼi Jus a və boʼsə wen.

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Efisyàns 6:15

Ghə̀ŋ lyɨ̀ ntɨm ə jùŋ yì a ghə̀ kù mbwaʼmə ə wèsə a ghə̀ŋ aghʉ to nə̀ gʉsə aghʉ̀ ə mbvʉtə.

1 Bità 1:12

Nyìngòŋ ə ndiʼi li làynsə a nshə̀ʼtə̀sə ghoʼokəsə na sensə la vəwenə ə shə̀ʼtə̀ ntɨm na ghèn ko vəwenə shəʼtə̀ a və wenə təwen, la vəwenə ə boŋsə shyèʼ a ghə̀ŋ. Nyìngòŋ ə sə diʼ mù ghə̀ tɨm li Kəzhwì kə Ŋwoʼkə a viʼi mu kə lù fa kàŋ, və shə̀ʼtə̀ nyʉ̀ na venə a ghə̀ŋ chò fa a ntɨm ə jùŋ, a diʼ nyʉ̀ a no tèbe ətsɨŋsə Nyìngòŋ əkòŋ ə kɨ.