Lumans 10:10 - The New Testament in the Babanki language

¹⁰ Kə diʼ alə̀ byìʼì ando wìʼ ə byɨmə a wen tyɨm, Nyìngòŋ ə lyɨ̀ wen a wù kənyʉ̀ kətɨməkə, ghə̀ gàʼa nə̀ əchʉ̀ ə wenə la Yesò diʼ Bobo, ghə̀ a bwòŋ.

Lumans 10:10 Iomraidhean Croise

Ŋwàʼlə̀ Mak 9:23

Yesò bwènsə̀ gàʼ à wen la, “Byìʼì ghò a wu gàʼà à mò la a zhʉ a mà zì mà ne kənyʉ̀ a? No ndò a ghə̀ byɨmə mu və zi və ne no mə ghò à wen.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Shwèʼ 8:37

Filib bwènsə̀ à wen la, “Və zì və ku mu à wù a zhʉ a wù byɨmə nə̀ tyɨmə wu no tsèm.” Wù shyèʼ ayì byɨmə ə̀ gàʼ la, “Mà byɨmə la Yesò Klistò dìʼ wè Nyìngòŋ.”

Lumans 10:11

Kə diʼ to ndə̀ŋndəŋ ando və nyoʼ a Ŋwàʼlə̀ Nyìngòŋ la, “A byɨmə no ndo a wen, ko ghə̀ lu ə diʼsəkətʉ.”

Lumans 10:9

Yès ə gàʼa la no ndò sətsen ə gàʼ nə̀ əchʉ̀ ə wenə la Yesò diʼ Bobo ə byɨmə a wen a tyɨm la Nyìngòŋ ə nlùsə li wen fa pfʉ, ghə̀ lù bwòŋ.

Gàlesìyà 2:16

alì kɨ la və ko ghʉ tebè to la wìʼ diʼ nti a nkayn byìʼì ando ghə̀ ghʉ Əsoʼ viʼi Jus. Wìʼ diʼ nti a nkàyn azhʉ̀ a ghə̀ byɨmə a Yesò Klistò. Vəghəŋ ə sə diʼ mù vəghəŋ be byɨmə a Yesò Klistò ndiʼ vəghəŋ ə ndiʼ a ji tɨmə ashɨ Nyìngòŋ. Əsoʼ ə zizi ko ghə̀ lù ne la wìʼ ə nti a nkàyn ashɨ Nyìngòŋ.

Filìbàyns 3:9

Mà kəŋə la yo wen ə ntsèntə̀ diʼ a kənyʉ̀ kə mùʼ, ko ndiʼ la a dìʼ byìʼì kənyʉ̀ kə tɨməkə ə ngəŋ mo byìʼàndo ma ghʉ ə̀soʼ. Ali, mà sə̀ diʼ wù kənyʉ̀ kə tɨməkə byìʼì byɨmə ghomə à Klistò. Ali kənyʉ̀ kətɨməkə a kenkə vi fa Nyìngòŋ a diʼ byìʼì choʼsə a Klistò.

Hibùlù 10:22

vəghəŋ choʼsə li to a Yesò ə kwentə dyʉ̀ boʼsə a Nyìngòŋ to nə̀ ətyɨm vəghəŋ no tsèm. Kə vəghəŋ a sə vi ə nvi nə̀ fwaynə la və a gham vəghəŋ a kənyʉ̀ byìʼì ando mənlyuŋ mə Yesò Klistò shʉ li làynsə tətyɨm tə vəghəŋ, və be shʉ̀ vəghəŋ, vəghəŋ ə làynsə to sə və shʉ̀ vəghəŋ nə̀ mu mə laynə mə.

Hibùlù 3:12

Vəlemə vwomə a byɨmə, ghə̀ŋ tuʼmə ə yen la kə wìʼ fa ghə̀ŋ a ntìntìn a ki ətyɨm ə byɨghə ə faŋ ke byɨmə ə nyɨŋ moʼtə̀ Nyìngòŋ yi a ghə̀ tsi diʼ.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.